Gujarati News

રાજસ્થાનના જોધપુરમાં ૨૬ વર્ષીય પિતાએ તેની ચાર વર્ષની માસૂમ બાળકીનું ગળું કાપી નાખ્યું હતું. પોલીસે શનિવારે હત્યારા પિતા નવાબ અલીની ધરપકડ કરી છે. તેણે જે વાત કરી તેનાથી સૌ કોઈ ચોંકી ઉઠ્યા હતા. નવાબે કહ્યું હતું કે તેણે અલ્લાહને ખુશ કરવા માટે પોતાની પ્રિય પુત્રી રિઝવાનાની કુરબાની આપી છે.ઙ્ગ

હત્યા કરી એ પહેલા પુત્રીની ઈચ્છા પ્રમાણે તેને તે ફરવા લઈ ગયો, મનપસંદ વસ્તુઓ ખવડાવી અને સૂતા પહેલા કલમા વંચાવીને પછી તેનું ગળું કાપી નાખ્યું હતું.

જોધપુરના પિપાડમાં આ ઘટના બની છે. તપાસમાં પિતા નવાબ અલીની હિલચાલ શંકાસ્પદ જણાઈ હતી. પુરાવાના આધારે નવાબની આકરી પૂછપરછ પોલીસે કરી હતી.ઙ્ગ

ત્યારે તેણે પોતાની પુત્રીની હત્યા કરી હોવાની વાત સ્વીકારી હતી. નવાબે કહ્યું હતું કે તે નમાઝી છે. તેણે કહ્યું હતું કે તેને તેની બાળકી રિઝવાના સૌથી વધુ પ્યારી હતી. જે તેની નાનીના ઘરે ગઈ હતી. નવાબે રિઝવાનાને ત્યાંથી ઘરે બોલાવી હતી અને ત્યારપછી તેની હત્યા કરી હતી.