Gujarati News

Gujarati News

News of Tuesday, 11th May 2021

પપ્પુ યાદવની લોકડાઉનના ભંગ બદલ ધરપકડ કરાઈ

પ્રતાપ રૂડીના સંતાળેલી એમ્બ્યુલન્સ પર સવાલો : વડાપ્રધાન સાહેબ, મુખ્યમંત્રી સાહેબ ફાંસી આપો કે જેલમાં મોકલો હું લોકોને બચાવતો રહીશ : પપ્પુની ટ્વિટ

નવી દિલ્હી, તા. ૧૧ : જન અધિકારી પાર્ટીના રાષ્ટ્રીય અધ્યક્ષ અને પૂર્વ સાંસદ પપ્યુ યાદવની ધરપકડ કરવામાં આવી છે. આરોપ ખુદ પપ્પુ યાદવે ટ્વિટ કરીને લગાવ્યો છે. તેમણે કહ્યું કે મારી ધરપકડ કરીને પટનાના ગાંધી મેદાનમાં લઇ જવામાં આવ્યા હતા. પોલીસે પણ તેમની ધરપકડની વાતની પુષ્ટિ કરી છે. મંગળવારે સવારે પપ્પુ યાદવના પટના સ્થિત આવાસ પર પોલીસની એક ટીમ પહોંચી અને ત્યારબાદ તેની ધરપકડ કરી. થડા દિવસો પહેલા પપ્પુ યાદવે ભાજપ સાંસદ રાજીવ પ્રતાપ રુડીના એમ્બ્યુલન્સને લઇને સવાલ ઉઠાવ્યા છે.

પપ્યુ યાદવ પર બિહારમાં શરુ લોકડાઉનનું ઉલ્લંઘન કરવાનો આરોપ છે. સિવાય પપ્પુ યાદવ પર સરકારી કામમાં વિઘ્ન નાંખવાનો પણ આરોપ લાગ્યો છે. મળતી માહિતિ પ્રમાણે પપ્પુ યાદવ પાસ વગર આજે સવારે પીએમસીએચના કોરોના વોર્ડમાં ઘુસ્યા હતા. સિવાય જે તેમે પોતાના ક્ષેત્ર મધેપુરામાં જવાનો પ્લાન પણ બનાવ્યો હતો. પોલીસે પહેલા પણ તેમને પાસ બનાવીને નિકળવાનો આગ્રહ કર્યો હતો, પરંતુ પપ્યુ યાદવ સતત નિયમોનું ઉલ્લંઘન કરી રહ્યા છે.

ભાજપ સાંસદ રાજીવ પ્રતાપ રુડા સાંસદ ફંડમાંથી ખરીદવામાં આવેલી એમ્બ્યુલન્સની પોલ ખુલ્યા બાદ સારણના અમનૌરમાં પપ્પુ યાદવ સામે લોકડાઉનના ઉલ્લંઘનનો કેસ નોંધવામાં આવ્યો હતો. આજે પપ્પુ યાદવે એક ટ્વિટ કરીને કહ્યું કે કોરોનાકાળમાં જિંદગીઓ બચાવવા માટે જીવ હથેળી પર રાખીને ફરવું અપરાધ છે, તો હું અપરાધી છું. પીએમ સાહેબ, સીએમ સાહેબ ફાંસી આપો કે જેલમાં મોકલો હું લોકોને બચાવતો રહીશ.

(8:02 pm IST)
  • પેટ્રોલ અને ડીઝલના ભાવમાં ફરી વધારો ઝીંકાયો : આજે સવારથી પેટ્રોલના ભાવમાં ૨૭ પૈસા અને ડિઝલના ભાવમાં ૩૦ પૈસાનો વધારો પ્રતિ લીટર કરવામાં આવ્યો છે. access_time 10:45 am IST

  • તેલંગણામાં આવતીકાલથી ૧૦ દિવસનું લોકડાઉન : સવારે ૬ થી ૧૦ તમામ કામકાજ ચાલુ રાખવાની છૂટ : કોરોના વેક્સીનની ખરીદી માટે વૈશ્વિક ટેન્ડર બહાર પડાશે : તેલંગણા સરકારે આવતીકાલે તા.૧૨મી મે થી રાજયમાં ૧૦ દિવસનું લોકડાઉન જાહેર કર્યુ છે : જા કે તમામ કામકાજ સવારે ૬ થી ૧૦ સુધી ચાલુ રાખવા દેવામાં આવશે : તેલંગણામાં છેલ્લા બે અઠવાડીયાથી રાત્રી કર્ફયુ અમલમાં છે : સવારે ૬ થી ૧૦ને બાદ કરતા રાજયમાં બાકીના સમય માટે સંપૂર્ણ લોકડાઉન રહેશે : તેલંગણા સરકાર જૂન મહિના પછી ૧૮ વર્ષથી ઉપરની વયનાઓ માટે રસીકરણ ડ્રાઈવ શરૂ કરશે : તેલંગણા કેબીનેટે કોવિડ-૧૯ વેક્સીન ખરીદવા માટે વૈશ્વિક ટેન્ડરો પાર પાડવાનું પણ નક્કી કર્યુ છે access_time 4:01 pm IST

  • મળતા અહેવાલો મુજબ અમદાવાદ, ગુજરાતના ચેરિટી કમિશનરે એનજીઓ ‘વી ધ પીપલ ચેરીટેબલ ટ્રસ્ટ’ ના બેન્ક ખાતા ફ્રીઝ કરવાનો આદેશ આપ્યો છે. ધારાસભ્ય જીગ્નેશ મેવાણી આ NGO ના નામે ભંડોળ એકત્રિત કરી રહ્યા હતા, બાદ આ હુકમ થયો છે. એનજીઓને પણ કારણદર્શક નોટિસ ફટકારવામાં આવી છે. એક તપાસમાં જાણવા મળ્યું છે કે મેવાણી આ સંસ્થાના ટ્રસ્ટી નથી. ટ્રસ્ટ તરફથી જવાબ માંગવામાં આવ્યો છે કે શું મેવાણીને આવી કોઈ અપીલ કરવા માટે અધિકૃત કરવામાં આવ્યા હતા? પરંતુ રિપોર્ટ પ્રમાણે હજી સુધી NGO તરફથી કોઈ જવાબ મળ્યો નથી તેમ જાણવા મળે છે. access_time 12:18 am IST