Gujarati News

Gujarati News

News of Tuesday, 11th May 2021

કોરોનાનો નવો વેરિઅન્ટ અતિ ઝડપી અને ખતરનાક : લોકડાઉન સિવાય વિકલ્પ નથી : એઇમ્સની ચેતવણી

કોરોનાના કેસો કે મૃત્યુ અટકાવવા દેશમાં એક કડક લોકડાઉન અતી જરુરી :એઇમ્સના ડાયરેક્ટર ડોક્ટર રણદીપ ગુલેરિયા

નવી દિલ્હી : એઇમ્સના ડાયરેક્ટર ડોક્ટર રણદીપ ગુલેરિયાએ દેશવ્યાપી લોકડાઉન લગાવવા પર ભાર મુક્યો હતો, તેમણે કહ્યું હતું કે જો હાલ કોરોના વાઇરસની ચેઇન તોડવામાં ન આવી તો દૈનિક ચાર લાખથી વધુ કેસો આવવા લાગશે. તેથી લોકડાઉન અંગે વિચારવું જોઇએ કેમ કે જે નવો કોરોના વેરિએંટ છે તે વધુ ઝડપથી ફેલાઇ રહ્યો છે. કોરોનાના કેસો કે મૃત્યુ અટકાવવા દેશમાં એક કડક લોકડાઉન અતી જરુરી છે

   કોવિડ -19 રોગચાળાને કારણે આખો દેશ અસરગ્રસ્ત છે. અને આ જીવલેણ વાયરસના ફેલાવાને રોકવા માટે, ઘણા રાજ્યોએ સંપૂર્ણ લોકડાઉન જાહેર કર્યું છે. જુદા જુદા રાજ્યોમાં લોકડાઉન કેટલો સમય લાગુ રહેશે અને આ સમયગાળા દરમિયાન શું ખુલ્લું અને બંધ રહેશે, તે માટે સરકાર દ્વારા ગાઇડલાઇન્સ આપવામાં આવી છે.

 દિલ્હી અને ઉત્તર પ્રદેશમાં લોકડાઉન લગાવાયુ છે તેનો સમયગાળો વધારીને 17મી મે સુધી કરી દેવાયો છે. જ્યારે તમિલનાડુ, રાજસ્થાન, પુડ્ડુચેરીએ સોમવારથી બે સપ્તાહ માટે જ્યારે મિઝોરમે એક સપ્તાહ માટે લોકડાઉન લાગુ કર્યું છે. કર્ણાટકમાં લોકડાઉન જેવા પ્રતિબંધ 24મી મે સુધી લંબાવાયા, કેરળે પણ શનિવારથી નવ દિવસ માટે લોકડાઉન લાગુ કરી દીધુ છે.

(9:49 am IST)
  • પેટ્રોલ અને ડીઝલના ભાવમાં ફરી વધારો ઝીંકાયો : આજે સવારથી પેટ્રોલના ભાવમાં ૨૭ પૈસા અને ડિઝલના ભાવમાં ૩૦ પૈસાનો વધારો પ્રતિ લીટર કરવામાં આવ્યો છે. access_time 10:45 am IST

  • દેશના ૧૪ મોટા રાજ્યોમાં સંપૂર્ણ લોકડાઉન: ગુજરાત આંધ્ર અને પશ્ચિમ બંગાળ માત્ર આ ત્રણ મોટા રાજ્યોમાં પૂર્ણ લોકડાઉન નથી, રાત્રિ કરફ્યુ અને કેટલાક નિયંત્રણો અમલમાં, ગુજરાત સરકાર આજે મોડેથી કોઈક નિર્ણય લ્યે તેવી સંભાવના દેશના ચૌદ મોટા રાજ્યોએ તેમના તેમને ત્યાં સંપૂર્ણ લોકડાઉન લાદી દીધું છે, હવે માત્ર ગુજરાત, આંધ્ર પ્રદેશ અને પશ્ચિમ બંગાળ આ ત્રણ જ મોટા રાજ્યો રહ્યા છે જ્યાં નાઈટ કફર્યું અને કેટલાક નિયંત્રણો લાગુ કરાયા છે, પરંતુ આ ત્રણ રાજ્યોમાં કોઈ જ લોકડાઉન લાદવામાં આવ્યું નથી. વડાપ્રધાનશ્રીએ વારંવાર કહ્યું છે કે લોકડાઉન છેલ્લા ઉપાય તરીકે લાદવામાં આવે. આજે તેલંગાણા રાજ્યએ પણ આવતીકાલથી અમલી બને તે રીતે દસ દિવસનું લોકડાઉન લાદી દીધું છે. જો કે લોકોની સુવિધા માટે સવારે ૬ થી ૧૦ તમામ કામકાજ ચાલુ રાખવાની છૂટ આપી છે: *ન્યૂઝફર્સ્ટ access_time 4:51 pm IST

  • આસામ : મુખ્યમંત્રી તરીકે શપથ લેતા પહેલા હિમાંતા બિસ્વા શર્મા મંદિરે પહોંચ્યા : કામાખ્યા મંદિરમાં શીશ ઝુકાવી દર્શન કર્યા : આજરોજ આસામના 15 માં મુખ્યમંત્રી તરીકે શપથ લેશે : અન્ય 13 મંત્રીઓની પણ શપથવિધિ કરાશે access_time 12:11 pm IST