Gujarati News

Gujarati News

News of Sunday, 11th April 2021

મહંત નરેન્દ્ર ગિરી કોરોના સંક્રમિત : તમામ અખાડાઓમાં કરાશે કોરોના ટેસ્ટીંગ

મોડી રાત્રે મહંત નરેન્દ્ર ગિરી તબિયત લથડતા જગજીતપુરની ખાનગી હોસ્પિટલમાં દાખલ કરાયા

નવી દિલ્હી : વૈશ્વિક મહામારી કોરોનાએ હરિદ્વાર કુંભ ને પણ અભડાવ્યો છે. અખિલ ભારતીય અખાડા પરિષદના પ્રમુખ મહંત નરેન્દ્ર ગિરી મહારાજને કોરોના વાયરસનો ચેપ લાગ્યો છે. હરિદ્વારના મુખ્ય તબીબી અધિકારી શંભુનાથ ઝાએ જણાવ્યું હતું કે મહંત નરેન્દ્ર ગિરીના તપાસ અહેવાલમાં જાણવા મળ્યું છે કે મહારાજ કોરોના રોગથી સંક્રમિત છે. 70 વર્ષીય મહંતની તબિયત લથડતા શુક્રવારે મોડી રાત્રે એક ખાનગી હોસ્પિટલમાં દાખલ કરવામાં આવ્યા છે. ઝાએ માહિતી આપી હતી કે કોરોના વાયરસના સંક્રમણને રોકવા માટે હરિદ્વાર કુંભ મેળા વિસ્તાર અને સરહદોની સાથે તમામ અખાડાઓમાં આરટી-પીસીઆર અને એન્ટિજેન પરીક્ષણ કરવામાં આવી રહ્યું છે.

વધુમાં તેમને જણાવ્યું હતું કે, મહાકુંભ મેળામાં આવતા ભક્તો અને સંતોને જાગ્રત રહેવા અને કોવિડ -19 પ્રોટોકોલનું પાલન કરવાનું કહેવામાં આવી રહ્યું છે.શુક્રવારે મોડી રાત્રે મહંત નરેન્દ્ર ગિરી તબિયત લથડતા તેને જગજીતપુરની એક ખાનગી હોસ્પિટલમાં દાખલ કરવામાં આવ્યા હતા. મેળાધિકારી દીપક રાવત અને કુંભ એસએસપી જન્મેજય ખંધુરીએ તેમની તબિયત જાણવા તેમને મળવા ગયા હતા. બીજી તરફ આચાર્ય મહામંડલેશ્વર સ્વામી કૈલાશનંદ ગિરી, આચાર્ય મહામાદલેશ્વર બાલકાનંદ વગેરે સંતો પણ તેમની સુખાકારી માટે પૂછવા માટે હોસ્પિટલમાં પહોંચ્યા હતા.

(8:21 pm IST)
  • ભારત વિશ્વમાં 10 કરોડ રસીઓ વહન કરનાર સૌથી ઝડપી દેશ બની ગયો છે. કોરોના વાયરસ સામે રસીકરણ અભિયાનના 85 માં દિવસે શનિવારે ભારતે આ સ્થાન પ્રાપ્ત કર્યું છે. અમેરિકાને આટલી રસી લાવવામાં 89 અને ચીનને 102 દિવસનો સમય લાગ્યો હતો. કેન્દ્રીય આરોગ્ય મંત્રાલયે આ માહિતી આપી હતી. મંત્રાલય મુજબ, દૈનિક રસીકરણના મામલામાં ભારત ટોચ પર છે. access_time 12:22 am IST

  • તામીલનાડુ ચુંટણી માટે બંદોબસ્તમાં ગયેલા ૩૯રમાંથી ૪૭ SRP ના જવાનો થયા સંક્રમિત : તમામના RTPCR ટેસ્ટ કરવા નિર્ણય : હાલ તમામને હોમ કોરોન્ટાઇન થવા આદેશ કરાયો access_time 4:22 pm IST

  • દેશમાં કોરોનાના કેસમાં ભયાનક ઉછાળો : અત્યાર સુધીના તમામ રેકોર્ડ તૂટ્યા : રાત્રે 12 વાગ્યા સુધીમાં કોરોનાના નવા 1,52,419 કેસ નોંધાયા :કુલ કેસની સંખ્યા 1,33,55,319 :એક્ટિવ કેસ 11,02,316 થયા વધુ 90,237 દર્દીઓ સ્વસ્થ થતા કુલ 1,20,78,242 થયા :વધુ 837 લોકોના મોત સાથે કુલ મૃત્યુઆંક 1,69,304 થયા: દેશમાં સૌથી વધુ મહારાષ્ટ્રમાં નવા 55,411 નવા કેસ નોંધાયા : છત્તીસગઢમાં 14,098 કેસ જયારે ઉત્તર પ્રદેશમાં 12,748 કેસ નોંધાયા access_time 1:03 am IST