Gujarati News

Gujarati News

News of Sunday, 11th April 2021

ઇન્ડોનેશિયામાં 6ની તીવ્રતાનો ભૂકંપ :એક મહિલાનું મોત : ભૂસ્ખલન થવાનું જોખમ કેટલાક મકાનોને નુકશાન

ભુકંપનું કેન્દ્ર ઇસ્ટ જાવામાં મલંગ શહેરથી આશરે 45 કિલોમીટર દુર દક્ષિણપુર્વમાં જમીનની 82 કિલોમીટરની ઊઁડાઇ પર : સુનામીની શકયતા નહીં

ઇન્ડોનેશિયાના મુખ્ય દ્વીપ જાવામાં મોટા ભૂકંપના ઝટકા અનુભવાયા છે. પરંતુ સુનામીની ચેતવણી આપવામાં આવી નથી. સાથે જ આ ભૂકંપમાં એક મહિલાના મોતના સમાચાર સામે આવી રહ્યા છે. અમેરિકન ભૂગર્ભ સર્વેક્ષણે જણાવ્યું હતું કે, આ ભુકંપનું કેન્દ્ર ઇસ્ટ જાવામાં મલંગ શહેરથી આશરે 45 કિલોમીટર દુર દક્ષિણપુર્વમાં જમીનની 82 કિલોમીટરની ઊઁડાઇ પર અનુભવાયો હતો. ભૂકંપની તીવ્રતા રિએક્ટર સ્કેલ પર 6.0 માપવામાં આવી છે.

ઇન્ડોનેશિયાના ધરતીકંપ અને સુનામી સેન્ટરના વડા રહમત ત્રિયોનોએ એક નિવેદનમાં જણાવ્યું છે કે, ભૂકંપનું કેન્દ્ર સમુદ્રની અંદર સ્થિત હતું, પરંતુ ભૂકંપના આંચકામાં સુનામી પેદા કરવાની સંભાવના નથી.

તેમણે લોકોને વિનંતી કરી કે જ્યાં ભૂસ્ખલન થવાનું જોખમ હોય ત્યાં માટી અથવા ખડકોના પહાડો હોય તેનાથી દૂર રહેવું. પ્રાંતના કેટલાક ભાગોમાં, લોકોને થોડીક સેકન્ડ માટે મધ્યમસ્તરના આંચકા અનુભવાયા હતા. આપત્તિ એજન્સીએ પડોશી શહેર મલંગના બ્લેટર વિસ્તારમાં એક હોસ્પિટલની ક્ષતિગ્રસ્ત છતની તસવીરો જાહેર કરી હતી, જ્યારે કેટલાક મકાનોના છતને નુકસાન થયાના પણ અહેવાલ સામે આવ્યા છે.

ઇન્ડોનેશિયામાં વારંવાર ભુકંપના આંચકા અનુભવાય છે અને જ્વાળામુખી ફાટવાના બનાવો પણ નોંધાય છે. 2018માં અહિં 7.5ની તિવ્રતાનો ભુકંપ અનુભવાયો હતો અને તેને પગલે સુનામી આવતાં પાલુ અને સુલાવેસી ટાપુ પર રહેતાં 4300 કરતાં વધારે લોકોના મોત થયા હતાં અથવા ખોવાઇ ગયા હતાં.

(12:21 am IST)
  • વડોદરામાંથી ગેરકાયદે રેમડેસીવીર ઇન્જેકશન વેચતા ડોકટર ઝડપાયા : પી.સી.બી.ની સફળ રેડ : ડોકટર અને નર્સની કરાઇ ધરપકડ : હજુ વધુ મેડીકલ માફિયાની ઝડપી લેવા કાર્યવાહી : ડોકટર રૂ. ૭પ૦૦ થી રૂ. ૯૦૦૦માં ઇન્જેકશન વેચતા હતા : ડોકટર આયુર્વેદિક પ્રેકટીસ કરતા હતા access_time 4:22 pm IST

  • ભારત વિશ્વમાં 10 કરોડ રસીઓ વહન કરનાર સૌથી ઝડપી દેશ બની ગયો છે. કોરોના વાયરસ સામે રસીકરણ અભિયાનના 85 માં દિવસે શનિવારે ભારતે આ સ્થાન પ્રાપ્ત કર્યું છે. અમેરિકાને આટલી રસી લાવવામાં 89 અને ચીનને 102 દિવસનો સમય લાગ્યો હતો. કેન્દ્રીય આરોગ્ય મંત્રાલયે આ માહિતી આપી હતી. મંત્રાલય મુજબ, દૈનિક રસીકરણના મામલામાં ભારત ટોચ પર છે. access_time 12:22 am IST

  • કોરોનાનો કહેર વધતા ઈરાનમાં 10 દિવસનું લોકડાઉન જાહેર: ઓફિસમાં તેના ત્રીજા ભાગના કર્મચારીઓની હાજરીનો આદેશ: તેહરાન અને દેશના 250 અન્ય શહેરો અને નગરોને ‘રેડ ઝોન’ તરીકે ઘોષિત કરાયા : તમામ ઉદ્યાનો, રેસ્ટોરાં, બેકરીઓ, બ્યુટી પાર્લરો અને મોલ્સ પણ લોકડાઉન હેઠળ આવશે.: શનિવારે ઈરાનમાં 19,600 થી વધુ નવા કેસ નોંધાયા : 193 દર્દીઓનાં મોત નીપજ્યાં access_time 12:56 am IST