Gujarati News

Gujarati News

News of Sunday, 11th April 2021

આસામમાં વિધાનસભાના ૪ મતદાન કેન્દ્રો ઉપર ૨૦ મીએ ફરી મતદાન

ભાજપ ના ઉમેદવારની ગાડીમાં મળેલા ઇવીએમ સંપૂર્ણ સેફ છતાં આશંકા દૂર કરવા તેમજ સોનાઈ વિધાનસભા ક્ષેત્રમાં મતદાન સમયે બે જૂથ વચ્ચે ટકરાવ ને લઈ ને ચૂંટણી પંચ દ્વારા ૪ મતદાન કેન્દ્રો ઉપર પુનઃ મતદાનનો નિર્ણય

ગુવાહાટી : આસામમાં વિધાનસભાના ૪ મતદાન કેન્દ્રો ઉપર ૨૦ મીએ ફરી મતદાનનો નિર્ણય ચૂંટણી પંચે લીધો છે.આસામ વિધાનસભા ચૂંટણી 2021 હેઠળ રાજ્યમાં ત્રણ તબક્કામાં યોજાયેલી વિધાનસભા ચૂંટણી 6 એપ્રિલે પૂર્ણ થઇ ગઇ છે અને હવે 2 મેએ પરિણામ જાહેર કરવામાં આવશે. આ વચ્ચે રાજ્યના ચાર મતદાન કેન્દ્ર પર ચૂંટણી પંચે ફરી મતદાન કરાવવાનો આદેશ આપ્યો છે. ચૂંટણી પંચે 20 એપ્રિલે આસામના રતબારી, સોનાઇ અને હાફલોંગ વિધાનસભા ક્ષેત્રના 4 મતદાન કેન્દ્ર પર નવેસરથી મતદાન કરાવવાની જાહેરાત કરી છે.

ચૂંટણી પંચે જે પોલિંગ સ્ટેશન પર ફરી વોટિંગ કરાવવાનો આદેશ આપ્યો, તે સ્ટેશનો પર 1 એપ્રિલે મતદાન થયુ હતું. આસામના મુખ્ય ચૂંટણી અધિકારીને લખેલા પત્રમાં ચૂંટણી પંચે જનપ્રતિનિધિત્વ અધિનિયમ, 1951ની કલમ 58ની પેટા-ધારા (2) (ક) હેઠળ 1 એપ્રિલે રાજ્ય વિધાનસભા ચૂંટણીના બીજા તબક્કા દરમિયાન આ સ્ટેશનો પર મતદાનને શૂન્ય અથવા અમાન્ય જાહેર કરી દીધુ છે. ચૂંટણી પંચે કહ્યુ કે આ ચાર સેન્ટર્સ પર 20 એપ્રિલે સવારે 7 વાગ્યાથી સાંજે 6 વાગ્યા સુધી નવેસરથી મતદાન કરવામાં આવશે.

 

ચૂંટણી પંચે આ નિર્ણય તે દરમિયાન થયેલી અલગ અલગ ઘટનાઓને ધ્યાનમાં રાખીને લીધો છે. પાથરકાંડીના ભાજપના ઉમેદવાર કૃષ્ણેંદુ પોલની ગાડીમાં મળેલા ઇવીએમને લઇને થયેલા વિવાદ બાદ રતબાડીમાં ફરી ચૂંટણી કરાવવાનો નિર્ણય લેવામાં આવ્યો છે. ચૂંટણી પંચનું કહેવુ છે કે, જોકે, ઇવીએમ પુરી રીતે સેફ મળ્યુ છે પરંતુ કોઇ પણ રીતની આશંકાને ખતમ કરવા માટે ફરી ચૂંટણી કરાવવાનો નિર્ણય લેવામાં આવ્યો છે.

બીજી તરફ હાફલોંગ વિધાનસભા ક્ષેત્રમાં એક સહાયક મતદાન કેન્દ્રમાં 181 મત મળ્યા હતા, જ્યારે આ પોલિંગ બુથ પર મતદારોની લિસ્ટમાં 90 નામ જ હતા. બીજી તરફ આ વચ્ચે 1 એપ્રિલે મતદાન દરમિયાન કછાર જિલ્લાના સોનાઇ વિધાનસભા ક્ષેત્રમાં બે જૂથ વચ્ચે ટકરાવ થયો હતો. રિપોર્ટ્સ અનુસાર, આ અથડામણ ધનેહરી પોલિંગ સ્ટેશન પર કથિત મેનેજમેન્ટને લઇને થઇ હતી. ભીડને વિખેરવા માટે પોલીસ કર્મીઓએ હવામાં ફાયરિંગ કરવા મજબૂર થવુ પડ્યુ હતું અને આ અથડામણમાં બે લોકોને ઇજા થઇ હતી.

(12:00 am IST)
  • SII ના આદર પૂનાવાલાના કોરોના રસી ઉત્પાદન ના નિવેદન અંગે એમ્સના ડાયરેક્ટર ડો. રણદીપ ગુલેરિયાએ જવાબ આપતા કહ્યું કે એન્ટી-કોરોના રસી માટેના પુરવઠા વિશે જાણકારી રાખવી એ કોઈ 'રોકેટ સાયન્સ' નથી કે તમારે તેના ઉત્પાદન માટે રાહ જોવી જોઈએ. તેમણે કહ્યું કે રસી નિર્માતાને ઉત્પાદન વિશેની તમામ જાણકારી હોવી જોઈએ. ઉત્પાદકોને ફક્ત ભારત જ નહીં, પરંતુ બાકીના વિશ્વને પણ સપ્લાય (જરૂરિયાત) વિશે જાગૃત હોવું જોઈએ. એમ કહેવા માટે કે તેઓ હવે ઉત્પાદન શરૂ કરશે, તે આશ્ચર્યજનક છે. access_time 11:48 pm IST

  • તેલંગણાની વીમા તબીબી સેવા અને રાજ્ય કર્મચારી વીમા વિભાગ સાથે સંકળાયેલા રૂ. 200 કરોડના કૌભાંડ કેસમાં એન્ફોર્સમેન્ટ ડિરેક્ટોરેટે આજે હૈદરાબાદમાં સાત સ્થળો પર દરોડા પાડ્યા હતા. આ દરોડા દરમિયાન આશરે 3 કરોડની રોકડ, આશરે 1 કરોડની કિંમતના ઝવેરાત, કોરા ચેક, પ્રોપર્ટી ડોક્યુમેન્ટ્સ અને બેંકોના ઘણા લોકરો મળી આવ્યા હોવાનું જાણવા મળે છે. આ દરોડા એક પૂર્વ પ્રધાન અને તેના અંગત સહાયકના સબંધીઓ પર પણ પાડવામાં આવ્યા હતા. access_time 11:56 pm IST

  • દેશમાં કોરોનાના કેસમાં ભયાનક ઉછાળો : તમામ રેકોર્ડ તૂટ્યા :કુલ મૃત્યુઆંક 1.70 લાખને પાર પહોંચ્યો : રાત્રે 12 વાગ્યા સુધીમાં કોરોનાના નવા 1,57,028 કેસ નોંધાયા :કુલ કેસની સંખ્યા 1,35,12,493થઇ :એક્ટિવ કેસ 11,89,856 થયા : વધુ 68,748 દર્દીઓ સ્વસ્થ થતા કુલ 1,21,47,081 થયા :વધુ 761 લોકોના મોત સાથે કુલ મૃત્યુઆંક 1,70,066 થયા: દેશમાં સૌથી વધુ મહારાષ્ટ્રમાં 63,294 નવા કેસ ,ઉત્તર પ્રદેશમાં 15,276 કેસ, દિલ્હીમાં 10,774 કેસ અને કર્ણાટકમાં 10,250 કેસ નોંધાયા access_time 12:05 am IST