Gujarati News

Gujarati News

News of Sunday, 11th April 2021

ઇટાવામાં ભયાનક રોડ દુર્ઘટના : ગાડી ખાઈમાં ખાબકતા 11 લોકોના મોત : 41 લોકો ઘાયલ

આગ્રાનો પરિવાર પુત્રજન્મની ખુશીમાં માનતા પુરી કરવા પરિવાર અને મિત્રો સાથે લખના સ્થિત કાલકા મંદિરે જતા હતા ત્યારે ચકરનગર રોડ પર દુર્ઘટના

ઉત્તરપ્રદેશના ઈટાવા શહેરમાં શનિવારે સાંજે એક ભયાનક રોડ દુર્ઘટના ઘટી છે. જેમાં 11 લોકોના મોત નીપજ્યા છે અને 41 લોકો ગંભીર રીતે ઘાયલ થયા છે. મળતી વિગત અનુસાર આગરા નિવાસી વિરેન્દ્રસિંહ બઘેલના ઘરે છ મહિના પહેલા પુત્રરત્ન અવતરણ થયું હતું.

પુત્રજન્મની ખુશીમાં માનતા પૂરી કરવા માટે વિરેન્દ્રસિંહ પોતાના પરિવાર અને મિત્રો સાથે લખના સ્થિત કાળકા મંદિરે જવા નીકળ્યા હતા ત્યારે રસ્તામાં જ ઇટાવાના ચકરનગર રોડ પર તેમની ગાડી ૨૫ ફૂટ ઊંડી ખાઇમાં પડી હતી અને ઘટના સ્થળેજ 11 લોકોના મોત નિપજ્યા હતા, જ્યારે 41 લોકો ઘાયલ હોવાનું જાણવા મળેલ છે. પોલીસ ઘટનાસ્થળે પહોંચી ચૂકી છે અને તાત્કાલિક કાર્યવાહી આગળ હાથ ધરી છે. હાલમાં પોલીસ મૃતકોની ઓળખ કરવાની કામગીરી અને ઘાયલોને તાત્કાલિક સારવાર આપવાની કામગીરી કરી રહી હોવાનું જાણવા મળેલ છે.

(12:00 am IST)
  • તેલંગણાની વીમા તબીબી સેવા અને રાજ્ય કર્મચારી વીમા વિભાગ સાથે સંકળાયેલા રૂ. 200 કરોડના કૌભાંડ કેસમાં એન્ફોર્સમેન્ટ ડિરેક્ટોરેટે આજે હૈદરાબાદમાં સાત સ્થળો પર દરોડા પાડ્યા હતા. આ દરોડા દરમિયાન આશરે 3 કરોડની રોકડ, આશરે 1 કરોડની કિંમતના ઝવેરાત, કોરા ચેક, પ્રોપર્ટી ડોક્યુમેન્ટ્સ અને બેંકોના ઘણા લોકરો મળી આવ્યા હોવાનું જાણવા મળે છે. આ દરોડા એક પૂર્વ પ્રધાન અને તેના અંગત સહાયકના સબંધીઓ પર પણ પાડવામાં આવ્યા હતા. access_time 11:56 pm IST

  • વડોદરામાંથી ગેરકાયદે રેમડેસીવીર ઇન્જેકશન વેચતા ડોકટર ઝડપાયા : પી.સી.બી.ની સફળ રેડ : ડોકટર અને નર્સની કરાઇ ધરપકડ : હજુ વધુ મેડીકલ માફિયાની ઝડપી લેવા કાર્યવાહી : ડોકટર રૂ. ૭પ૦૦ થી રૂ. ૯૦૦૦માં ઇન્જેકશન વેચતા હતા : ડોકટર આયુર્વેદિક પ્રેકટીસ કરતા હતા access_time 4:22 pm IST

  • તામીલનાડુ ચુંટણી માટે બંદોબસ્તમાં ગયેલા ૩૯રમાંથી ૪૭ SRP ના જવાનો થયા સંક્રમિત : તમામના RTPCR ટેસ્ટ કરવા નિર્ણય : હાલ તમામને હોમ કોરોન્ટાઇન થવા આદેશ કરાયો access_time 4:22 pm IST