Gujarati News

ટોરેન્ટોઃ કેનેડાના એક ફર્ટિલિટી ડૉક્ટર વિરુદ્ધ તેના પેશન્ટ્સની મરજી કે જાણકારી વિના જ પોતાના સ્પર્મથી કેટલીય મહિલાઓને પ્રેગ્નન્ટ કરી હોવાનો ગંભીર આરોપ લાગ્યો છે અને હવે તે 11 બાળકોને બાયોલોજિકલ પિતા બની ગયો છે .

  ડૉક્ટર નૉર્મન બારવિન વિરુદ્ધ 2016માં પહેલો મામલો સામે આવ્યો હતો, જ્યારે ઓટાવાના એક પરિવારે ડૉક્ટર વિરુદ્ધ ફરિયાદ નોંધાવી હતી. આ પરિવારે દાવો કર્યો હતો કે ડૉક્ટરે વર્ષ 1990માં મહિલાના પતિના સ્પર્મની જગ્યાએ પોતાના સ્પર્મથી પ્રેગ્નન્ટ કરી હતી. આ મામલા સાથે જોડાયેલા વકીલોએ જણાવ્યું કે એમણે વિવિધ 150 પેશન્ટ્સ સાથે ડૉક્ટર વિશે વાતચીત કરી છે.

  વકીલોએ જણાવ્યું કે ડીએનએ તપાસમાં જાણવા મળ્યું કે ઇલાજ માટે આ ડૉક્ટર પાસે ગયાં તેવા પેશન્ટ્સના 11 બાળકોના જૈવિક પિતા ખુદ ડૉક્ટર જ છે. વધુ એક મામલો સામે આવ્યો જેમાં 16 લોકોએ ફરીયાદ કરી હતી કે તેમણે કરાવેલા ડીએનએ ટેસ્ટમાં તેમના બાળકનો બાયોલોજિકલ પિતા બીજું જ કોઇક હોવાનું માલુમ પડ્યું.

  આ ઉપરાંત અન્ય 35 લોકોએ ફરિયાદ કરી છે કે તેમણે જે સ્પર્મને પસંદ કર્યું હતું તેની સાથે તેમના બાળકોનો ડીએનએ મેચ નથી થઇ રહ્યો. આ મામલે ડૉક્ટર બારવિનના વકીલ સાથે વાત કરવાની કોશિશ કરવામાં આવી તો તેમણે જવાબ આપવાની ના પાડી દીધી.