Gujarati News

Gujarati News

News of Monday, 11th February 2019

મકબુલ બટના શબની ૩૫ વર્ષથી માંગણીઃ કાશ્મીરમાં આતંકી જુથો દ્વારા હડતાલ

જમ્મુ તા.૧૧: કાશ્મીરની રાજધાની શ્રીનગરના શહીદી ઇદગાહમાં આજે પણ એક કબર ખોદેલી રખાઇ છે અને તેમાં લાશ નથી. કબર પર તકતી લટકાવાયેલી છે અને તેમાં મકબુલ બટનું નામ લખાયેલું છે. ૩૫ વર્ષ પહેલા જેકેએલએફ નામના આતંકવાદી સંગઠનના સંસ્થાપક મકબુલ બટને ૧૧ ફેબ્રુઆરીએ તીહાર જેલમાં ફાંસી અપાઇ હતી. આ કબર તેના માટે ખોદવામાં આવી હતી પણ તેનું શબ કાશ્મીરમાં નહોતું અપાયું જેની માંગણી આજે પણ થઇ રહી છે. તેના શબની માંગણી સાથે ૧૧ ફેબ્રુઆરીએ કાશ્મીરમાં હડતાલનું આહવાન કરવામાં આવ્યું છે.

મકબુલ બટને ફાંસી આપ્યા પછી તેના શબને તીહાર જેલની અંદરજ દફનાવી દેવાયું હતું. ત્યારે એવું કરવાનું કારણ એ વાતનો ડર હતો કે જો તેના શબને કાશ્મીર મોકલવામાં આવશે તો લોકોનો ઉશ્કેરાટ વધશે. જો કે તેમ કરવાથી પણ લોકો ઉશ્કેરાયા જ હતા.

૩૫વર્ષ પહેલા જયારે મકબુલને ફાંસી અપાઇ ત્યારે કાશ્મીરમાં વ્યાપક રીતે આંદોલન થયું હતું. તોડફોડ અને હિંસાનું ઉગ્રરૂપ પણ જોવા મળ્યું હતું. તે પછી પણ જે દિવસે તેને ફાંસી અપાઇ તેને શહીદી દિવસ રૂપે મનાવીને આતંકવાદીએ તરફથી હડતાલ જાહેર થતી રહે છે.

છેલ્લા ૨૩ વર્ષો સુધી આ સિલસિલો ચાલતો રહયો પણ ૧૨ વર્ષ પહેલા જયારે કોઇ આતંકવાદી સંગઠન તરફથી હડતાલનું આહવાન ન થયું ત્યારે તેણે નવું રૂપ ધારણ કર્યું હતું. જેકેએલએફે ત્યારે નક્કી કર્યું કે આ દિવસને શહીદી દિન તરીકે હડતાલ નહી પણ એક આંદોલન રૂપે મનાવવામાં આવશે અને તે આંદોલન એટલે મકબુલ બટને પરત મેળવવાનું આંદોલન.

(3:45 pm IST)
  • રાજ્યમાં ગેરકાયદેસર મેડિકલ પ્રેક્ટીસ કરનાર સામે તંત્રની લાલ આંખ : કલોલના સાંતેજમાં આરોગ્ય વિભાગના દરોડા: સાંતેજની શિવા ક્લિનિકમાં તપાસ , બોગસ ડીગ્રીના આધારે ક્લિનિક ચલાવી રહ્યો હતો નકલી ડોક્ટર: પોલીસે ખોટા દસ્તાવેજો સાથે નકલી ડોક્ટરની ધરપકડ કરી access_time 9:28 pm IST

  • વિડીયો : નોટબંધી ને બે વર્ષ ઉપરાંત થવા આવ્યા છતાં હજુ જૂની ચલણી નોટો પકડાઈ રહી છે. નવસારી લોકલ ક્રાઇમ બ્રાન્ચ પોલીસે પોલીસે ત્રણ કરોડથી વધારેની હજાર અને પાંચસોની બંધ થઈ ગયેલી જૂની ચલણી નોટો સાથે ચાર લોકોને ઝડપી પાડ્યા છે. આ જૂની ચલણી નોટો મુંબઈથી નવસારીમાં નવસારીમાં, નવી નોટો સામે બદલાવવા માટે આવી હોવાનું પ્રાથમિક તપાસમાં ખુલ્યુ હતું. હવે એક બહુ મોટો પ્રશ્ન પોલીસ અને પ્રશાસન સામે આવી રહ્યો છે કે આખિરકાર આ જૂની ચલણી નોટોને નવી નોટો સામે કોણ બદલી આપે છે?? (વિડીયો - સ્પીડ રિપોર્ટ) access_time 3:38 pm IST

  • સુરતના ભાજપના કોર્પોરેટરનો લાંચ લેવાનો મામલો: જયંતિ ભંડેરીના બેંક ખાતાની તપાસ:એસીબીએ બે બેંકના લોકરમાં તપાસ કરી:વરાછા કો ઓપ. બેંકમાં 16 તોલા સોનુ જપ્ત:દેના બેંકનું ખાતું સીલ કરી ઓપરેટ નહિ કરવા આદેશ access_time 9:13 pm IST