Gujarati News

Gujarati News

News of Monday, 11th February 2019

લખનૌમાં પ્રિયંકાનો ભવ્ય રોડ શો : ઠેરઠેર સ્વાગત

રાજકારણમાં પ્રિયંકાની ફુલટાઇમ એન્ટ્રી : મિશન યુપીનો દબદબાભેર પ્રારંભઃ ૧૫ કિમીનો રોડ શો : રાહુલ - સિંધિયા સહિતના નેતાઓ જોડાયા : ૩ દિવસનો ભરચક્ક કાર્યક્રમ

લખનૌ તા. ૧૧ : કોંગ્રેસ કાર્યકર્તાઓ જેની વર્ષોથી રાહ જોઈ રહ્યા હતા તે સમય અંતે આવી ગયો. મહાસચિવ પદની સાથે પૂર્વી યુપીની કમાન સંભાળ્યા બાદ પ્રિયંકા ગાંધી પ્રથમ વાર લખનૌ આવી રહી છે. તેમની સાથે રાહુલ ગાંધી પશ્ચિમી યુપીનાઙ્ગ અને મહાસચિવ બનાવેલા જયોતિરાદિત્ય સિંધિયા પણ લખનૌ પહોંચ્યા.

ઙ્ગલખનૌમાં રાહુલ-પ્રિયંકાનો ૧૫ કિમિ લાંબો રોડ શો શરૂ થયો. ત્યારબાદ બપોર સુધીમાં કોંગ્રેસ ઓફિસ સુધી પહોંચશે. એરપોર્ટ થી મંદીને કોંગ્રેસ ઓફિસ વચ્ચે સંપૂર્ણ ૧૫ કિમી સુધી પ્રિયંકા ગાંધીના સ્વાગતની જબરદસ્ત તૈયારી કરવામાં આવી છે.માર્ગો પર પોસ્ટરો અને બેનરો લગાવામા આવ્યા છે. પ્રિયંકા ને બીજા ઇન્દિરા ગાંધી ગણાવનારા નારા પહેલેથી બુલંદ રહયા છે. હવે કોંગ્રેસનો પ્રિયંકાને યુપીની આંધી બનાવાનો પ્લાન છે. તેથી ઠેર-ઠેર ઇન્દિરા ગાંધીની તસ્વીર લગાવામાં આવી છે.

પ્રદેશ કોંગ્રેસ ઓફિસ પહોંચ્યા બાદ પ્રિયંકાએ નેતાઓ અને કાર્યકર્તાઓ સાથે ચર્ચા કરી. લખનૌ પહોંચ્યા બાદ તેમનો આવતા ત્રણ દિવસનો કાર્યક્રમ ખુબજ વ્યસ્ત રહેશે. આ દરમ્યાન સ્થાનિક નેતાઓ સીધા પ્રિયંકા ગાંધીની મુલાકાત કરશે. મુલાકાતના અંતિમ દિવસ એટલે કે ૧૪ ફેબ્રુઆરીએ બેઠકોનો ધમધમાટ શરૂ થશે. અને યુપીના અનેક શહેરોની મુલાકાત કરશે.

જાણવા મળી રહ્યું છે કે લખનૌની મુલાકાત બાદ પ્રિયંકા ગાંધી એક મહિના સુધી પૂર્વી યુપીની પણ મુલાકાત કરશે.૧૮ઙ્ગ ફેબ્રુઆરી બાદ પ્રિયંકા ગાંધી પૂર્વી ઉત્તર પ્રદેશની મુલાકાત કરશે. તેની મુલાકાત ૩૦ દિવસોની રહેશે. દરરોજ એક દિવસ લોકસભામાં ક્ષેત્રમાં રોકાશે. આ દરમ્યાન પ્રિયંકા અયોધ્યા, પ્રયાગરાજ અને વારાણસી અને ગોરખપુર પણ જશે.પ્રિયંકા લોકોને મળશે અને રોડ શો અને સભાઓ કરશે.

પ્રદેશ અધ્યક્ષ રાજ બબ્બરે કહ્યું કે અમે હરાવાની લડાઈ નથી કરતા. આ સંવિધાન બચાવાની લડાઈ કરે છે. પ્રિયંકા ગાંધી આવી રહી છે. અમારા કાર્યકર્તાઓ, નેતાઓમાં ઉત્સાહ તેમના ચરમ પર છે.(૨૧.૯)

(10:25 am IST)
  • મહેસાણા : દૂધસાગર ડેરીએ સાગરદાણના ભાવમાં વધારો કર્યો :સાગરદાણના ભાવ ૧૧૦૦થી વધારીને ૧૧૫૦ કરાયા :૭૦ કિલોની સાગરદાણ બોરીમાં રૂ.૫૦નો ભાવવધારો કરાયો :ભાવ વધારો આજથી લાગુ થશે access_time 12:25 am IST

  • વિડીયો : ગતરાત્રે અમરેલીના રાજુલા પાસેના ખેરા ગામે શિકાર કરવા આવેલ એક સિંહણ કુવામાં પડી ગઈ હતી. સિંહણે શીકાર સાથેજ કુવામાં ભૂલથી ઝંપલાવી દીધું હતું હતું. મોડી રાત્રે વનવિભાગે આ સિંહણ માટેનું રેસ્ક્યુ ઓપરેશન શરૂ કર્યું રેસ્ક્યુ ઓપરેશન શરૂ કર્યું ઓપરેશન શરૂ કર્યું હતું. (વિડીયો - સ્પીડ રિપોર્ટ) access_time 3:37 pm IST

  • ભૂપેન હઝારિકાના પુત્રએ ભારત રત્ન લેવા કર્યો ઇન્કાર :ભાઈએ કહ્યું હું તેમાં સહમત નથી :ભૂપેન હઝારિકાના મોટા ભાઈ સમર હઝારિકાએ કહ્યું કે ભારત રત્ન પાછો આપવાનો નિર્ણંય તેના પુત્રનો હોય શકે છે પરંતુ હું તેમાં સહમત નથી access_time 1:07 am IST