Gujarati News

Gujarati News

News of Monday, 11th January 2021

LLM ના અભ્યાસક્રમ માંથી એક વર્ષ ઘટાડવાના BCI ના નિર્ણય વિરુદ્ધ સુપ્રીમ કોર્ટમાં પિટિશન : બાર કાઉન્સિલ ઓફ ઇન્ડિયા ( BCI ) ને અભ્યાસક્રમમાં ઘટાડો કરવાની સત્તા નથી

ન્યુદિલ્હી : LLM ના અભ્યાસક્રમ માંથી એક વર્ષ ઘટાડવાના BCI ના નિર્ણય વિરુદ્ધ સુપ્રીમ કોર્ટમાં લો સ્ટુડન્ટ તમન્ના ચંદન ચચલાનીએ પિટિશન દાખલ કરી છે.જેમાં જણાવાયા મુજબ આવો ફેરફાર કરવાની  બાર કાઉન્સિલ ઓફ ઇન્ડિયા ( BCI ) ને કોઈ સત્તા નથી.આ કામ માત્ર યુનિવર્સીટી ગ્રાન્ટ કમિશનનું  છે.

અરજીમાં કહેવામાં આવ્યું છે કે આ બાબત  અભ્યાસના તેના અધિકારમાં દખલ સમાન  છે અને તેની ભાવિ કારકિર્દી અને ગુણવત્તાયુક્ત શિક્ષણની પસંદગીની સ્વતંત્રતાને વિપરીત અસર કરી શકે છે.અરજદાર, તમન્નાએ   વિદેશી યુનિવર્સિટીઓમાંથી એલએલ.એમ.ને માન્યતા અપાવવાના  નિયમને પણ પડકાર્યો છે.

એડ્વોકેટ રાહુલ શ્યામ ભંડારી દ્વારા દાખલ કરવામાં આવેલી આ અરજીમાં કહેવામાં આવ્યું છે કે નવો નિયમ અરજકર્તાના શિક્ષણના મૂળભૂત અધિકારનું ઉલ્લંઘન કરે છે અને તે ભેદભાવપૂર્ણ છે.તેવું બી.એન્ડ બી.દ્વારા જાણવા મળે છે.

(8:38 pm IST)
  • કૃષિ કાનૂનના વિરોધમાં હરિયાણાના ધારાસભ્ય અભયસિંહ ચૌટાલાનું ધારાસભ્યપદેથી રાજીનામુ : સ્પીકરને પત્ર લખી જાણ કરી : જો 26 જાન્યુઆરી સુધીમાં કૃષિ કાનૂન પાછો ન ખેંચાય તો મારા આ પત્રને રાજીનામુ ગણી લેજો access_time 5:43 pm IST

  • મુખ્યમંત્રી વિજયભાઈ રૂપાણીના હસ્તે માંડવી તાલુકાના સઠવાવ ખાતે 'કાકરાપાર-ગોરધા-વડ ઉદ્દવહન પાઇપલાઇન યોજના'નુ કરાયુ લોકાર્પણ સંપન્ન : રૂ.૫૭૦ કરોડના ખર્ચે સાકાર થયેલી યોજનાથી માંડવી અને માંગરોળ તાલુકાના કુલ ૮૯ ગામોના ૪૯,૫૦૦ એકર વિસ્તારને સિંચાઈનો લાભ મળશે : ૩ મધ્યમ ડેમ, ૨ મોટા તળાવો, ૬ કોતરો અને ૩૦ ચેકડેમોમાં પાણી સંગ્રહ થશે. માંડવી અને માંગરોળ તાલુકાના ૨૯૦૦૦ આદિજાતિ ખેડૂત પરિવારોમા ઉગશે સમૃદ્ઘિનો સૂરજ ઉગશે access_time 11:46 am IST

  • ત્રણ નવા કૃષિ કાનૂનના વિરોધમાં વધુ એક ખેડૂતે આત્મહત્યા કરી દિલ્હીની સરહદે દેખાવો કરી રહેલા કિસાનોને સમર્થન દેતા ચેન્નઈના પેરુમલ નામના ખેડૂતે આત્મહત્યા કરી છે. access_time 9:01 pm IST