Gujarati News

Gujarati News

News of Monday, 11th January 2021

૧ એપ્રિલથી ૧૨ કલાક કરવુ પડશે કામઃ PF અને નિવૃતિના નિયમો પણ બદલાશે

વર્ષે સંસદમાં પાસ થયેલા ૩ મજૂરી બિલને ૧ એપ્રિલથી લાગુ કરવામાં આવશે

નવી દિલ્‍હી, તા.૧૧: આગામી પહેલી એપ્રિલથી કામકાજના કલાકો વધવાની સાથે, પ્રોવિડન્‍ટ ફંડ, ગ્રેજયુઈટી અને નિવૃતિના વર્તમાન નિયમોમાં ફેરફાર થઈ રહ્યાં છે. ૧ એપ્રિલ, ૨૦૨૧ થી, તમારી ગ્રેજયુઈટી પ્રોવિડન્‍ટ ફંડ (PF) અને કામના કલાકોમાં મોટો ફેરફાર થઈ શકે છે. કર્મચારીઓને gratuity અને પ્રોવિડન્‍ટ ફંડ ( PF) માં વધારો મળશે. જયારે હાથમાં આવતુ વેતન ઘટશે જેનાથી કંપનીઓની બેલેન્‍સ શીટ પણ પ્રભાવિત થશે, ગત વર્ષે સંસદમાં પાસ થયેલા ૩ મજૂરી બિલને ૧ એપ્રિલથી લાગુ કરવામાં આવશે, વેતન એ કુલ સેલેરીના ૫૦ ટકા હશે, દેશમાં ૭૩ વર્ષમાં પહેલી વાર મજૂરી કાયદામાં બદલાવ કરવામાં આવ્‍યો છે, જોકે સરકારનો દાવો છે કે આ કાયદાથી Employer અને Employee બંનેને ફાયદો થશે.

નવા નિયમ મુજબ, મૂળ પગાર કુલ પગારના ૫૦% અથવા વધુ હોવો જોઈએ. આ કાયદો મોટાભાગના કર્મચારીઓની પગારની સંરચનામાં પરિવર્તન લાવશે, કારણ કે પગારનો બિન-ભથ્‍થું ભાગ સામાન્‍ય રીતે કુલ પગારના ૫૦ ટકા કરતા ઓછો હોય છે. જયારે કુલ પગારમાં ભથ્‍થાંનો હિસ્‍સો હજી વધુ થવો જોઇએ. મૂળભૂત પગારમાં વધારો એ તમારા પીએફમાં પણ વધારો કરશે. પીએફ મૂળભૂત પગાર પર આધારિત છે. મૂળભૂત પગારમાં વધારો થવાથી પીએફમાં વધારો થશે, જેનો અર્થ છે કે ટેક-હોમ અથવા ઓન-હેન્‍ડ પગારમાં ઘટાડો થશે.

ગ્રેજયુટી અને PF માં વધારો થવાને કારણે લોકો નિવૃત્તિ પછી વધુ સુખી જીવન જીવી શકશે, નવા કાયદા પ્રમાણે વધુ વેતન મેળવતા અધિકારીઓના વેતન સંરચનામાં મોટો બદલાવ આવશે, આનાથી કંપનીની લાગતમાં પણ વધારો થશે કારણ કે કંપનીએ પીએફ માટે વધુ યોગદાન આપવુ પડશે.

નવા કાયદામાં મહત્તમ કામના કલાકો વધારીને ૧૨ કરવામાં આવ્‍યા છે. નિયમોમાં ૩૦ મિનિટની ગણતરી કરીને ૧૫ થી ૩૦ મિનિટના ઓવરટાઇમના વધારાની પણ જોગવાઈ છે. વર્તમાન નિયમમાં ૩૦ મિનિટથી ઓછા સમયને ઓવરટાઇમ ગણવામાં આવતાં નથી. નવા નિયમો પ્રમાણે કોઈપણ કર્મચારીને ૫ કલાકથી વધુ સમય સતત કામ કરવા પર પ્રતિબંધિત છે. કર્મચારીઓને દર પાંચ કલાક પછી અડધા કલાકની બ્રેક આપવી પડશે.

(4:55 pm IST)
  • મુખ્યમંત્રી વિજયભાઈ રૂપાણીના હસ્તે માંડવી તાલુકાના સઠવાવ ખાતે 'કાકરાપાર-ગોરધા-વડ ઉદ્દવહન પાઇપલાઇન યોજના'નુ કરાયુ લોકાર્પણ સંપન્ન : રૂ.૫૭૦ કરોડના ખર્ચે સાકાર થયેલી યોજનાથી માંડવી અને માંગરોળ તાલુકાના કુલ ૮૯ ગામોના ૪૯,૫૦૦ એકર વિસ્તારને સિંચાઈનો લાભ મળશે : ૩ મધ્યમ ડેમ, ૨ મોટા તળાવો, ૬ કોતરો અને ૩૦ ચેકડેમોમાં પાણી સંગ્રહ થશે. માંડવી અને માંગરોળ તાલુકાના ૨૯૦૦૦ આદિજાતિ ખેડૂત પરિવારોમા ઉગશે સમૃદ્ઘિનો સૂરજ ઉગશે access_time 11:46 am IST

  • ત્રણ નવા કૃષિ કાનૂનના વિરોધમાં વધુ એક ખેડૂતે આત્મહત્યા કરી દિલ્હીની સરહદે દેખાવો કરી રહેલા કિસાનોને સમર્થન દેતા ચેન્નઈના પેરુમલ નામના ખેડૂતે આત્મહત્યા કરી છે. access_time 9:01 pm IST

  • મુખ્યમંત્રી વિજયભાઇ રૂપાણીની અધ્યક્ષતામાં બોડેલી ખાતે લોકાર્પણ અને ખાતમુહૂર્ત કાર્યક્રમ :મુખ્યમંત્રી વિજયભાઇ રૂપાણીના હસ્તે રૂ. ૬૧૩.૧૬ કરોડના વિવિધ પ્રકલ્પોનું લોકાર્પણ અને ખાતમુહૂર્ત access_time 11:46 am IST