Gujarati News

Gujarati News

News of Monday, 11th January 2021

ગગનયાન મિશનનું કાઉન્ટડાઉન શરૃઃ કોરોનાના કારણે પ્રોજેકટ રોકાયેલ

ટ્રેનીંગ માટે ટૂંક સમયમાં રશીયા જશે બે ફલાઇટ સર્જન

નવી દિલ્હી,તા. ૧૧: ભારતના મહત્વકાંક્ષી અંતરીક્ષ મિશન ગગનયાનની તૈયારી ફરી જોર-શોરથી શરૂ કરાઇ છે. જલ્દી જ બે ફલાઇટ સર્જન રશીયા રવાના થશે. તેઓ રશીયન સમકક્ષો પાસેથી અંતરીક્ષ ચિકિત્સાના અનુભવો મેળવશે. ઇસરોના અધિકારીઓએ રવિવારેઆ માહિતી આપેલ. જો કે તારીખનો ખુલાસો નથી કરાયો. પણ સંકેત મળ્યા છે કે કોરોના સામે લડી રહેલ દેશ અંતરીક્ષ ઉડાન માટે ઉભો થઇ રહ્યો છે.

ભારતના ફલાઇટ સર્જન ટ્રેનીંગ માટે ફ્રાન્સ પણ જશે. સ્પેસ મેડીસીનમાં ફ્રાન્સને મહારથ હાંસલ છે. માનવ મિશન ગગનયાનમાં જ યાત્રીઓને અંતરીક્ષમાં મોકલાશે. જેના ઉપર વિશ્વ આખાની નજર ટકેલી છે. પહેલા બે માનવ રહિત મિશન અંતરીક્ષમાં મોકલાયા છે. મહિલા રોબોટ વ્યોમમિત્રાની અંતરીક્ષ યાત્રા પણ તેનો ભાગ છે. અંતરીક્ષમાં માનવ શરીરના ક્રિયાઓનું અધ્યયન થશે.

ફલાઇટ સર્જન વાયુસેનાના ચુંટાયેલા ડોકટર છે. જે એરોસ્પેસ મેડીસીન વિશેષજ્ઞ છે. સમગ્ર મિશમાં અંતરીક્ષ યાત્રીઓના સ્વાસ્થ્યની જવાબદારી તેમના ઉપર રહેશે. ગાગરિન રિસર્ચ એન્ડ ટેસ્ટ કોસ્મોનોટ ટ્રેનીંગ સેન્ટરમાં પ્રશિક્ષણ લઇ રહેલ વાયુસેના ૪ પાયલોટ સાથે તેમને પણ ટ્રેનીંગ અપાશે.

(3:38 pm IST)
  • ત્રણ નવા કૃષિ કાનૂનના વિરોધમાં વધુ એક ખેડૂતે આત્મહત્યા કરી દિલ્હીની સરહદે દેખાવો કરી રહેલા કિસાનોને સમર્થન દેતા ચેન્નઈના પેરુમલ નામના ખેડૂતે આત્મહત્યા કરી છે. access_time 9:01 pm IST

  • દેશમાં કોરોના થાક્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 15,199 કેસ નોંધાયા :કુલ કેસની સંખ્યા 1,04,66,545 થઇ :એક્ટિવ કેસ 2,20,388 થયા: વધુ 15,263 દર્દીઓ સ્વસ્થ થતા કુલ 1,0 0 ,90,658 થયા :વધુ 136 લોકોના મોત સાથે કુલ મૃત્યુઆંક 1,51,184 થયો access_time 11:59 pm IST

  • ગુજરાતમાં બર્ડ ફ્લૂની એન્ટ્રી થતા તંત્ર અલર્ટઃ કાંકરિયા પ્રાણી સંગ્રહાલયમાં પક્ષી વિભાગને બર્ડ ફ્લૂની સંભિવત અસરને જોતા બંધ કરવાનો નિર્ણય લેવાયો, કાંકરિયા પક્ષી વિભાગમાં 1200થી વધુ પક્ષીઓ ઉપસ્થિત access_time 4:49 pm IST