Gujarati News

Gujarati News

News of Monday, 11th January 2021

અભિનેતા સોનુ સુદએ બોમ્બે હાઇકોર્ટના દ્વાર ખખડાવ્યા : પોતાના જુહુ મુંબઈ ખાતેના રહેણાંકમાં અનધિકૃત બાંધકામ અંગે બીએમસીએ પાઠવેલી નોટિસ દ્વેષયુક્ત હોવાનું નિવેદન

મુંબઈ : સુપ્રસિદ્ધ અભિનેતા સોનુ સુદએ બોમ્બે હાઇકોર્ટમાં પિટિશન દાખલ કરી છે.તેમના જુહુ મુંબઈ ખાતેના નિવાસ સ્થાનમાં અનધિકૃત બાંધકામ કરાયું  હોવાની કોઈ હિતશત્રુએ લોકાયુક્તમાં કરેલી અરજીના અનુસંધાને બીએમસીએ સેક્શન ન.53 હેઠળ નોટિસ મોકલતા તેમણે આ નોટિસ વિરુદ્ધ ટ્રાયલ કોર્ટમાં પિટિશન દાખલ કરી હતી. જે માન્ય નહીં રહેતા મુંબઈ હાઇકોર્ટના દ્વાર ખખડાવ્યા છે.

હાઇકોર્ટમાં દાખલ કરાયેલી પિટિશનમાં જણાવાયા મુજબ ગણેશ કુસમુલુ નામક નાગરિકે બ્લેક મેઇલિંગના હેતુસર લોકાયુક્તમાં અરજી કરી હતી.જેના આધારે નોટિસ મોકલી દેવાઈ છે. તેથી ટ્રાયલ કોર્ટમાં તે વિરુદ્ધ કરાયેલી અરજી નામદાર જજે માન્ય નહીં રાખતા હાઇકોર્ટમાં અરજી કરવાની ફરજ પડી છે.માત્ર નોટિસના આધારે બાંધકામ રેગ્યુલર થવા અંગે જાણકારી મળી શકે નહીં.ઉપરાંત ત્રીસ દિવસની સમય મર્યાદામાં રહીને પણ નોટિસ પાઠવાઈ નથી.

પિટિશનની સુનાવણી આવતીકાલ 12 જાન્યુઆરીના રોજ હાથ ધરાશે.તેવું બી.એન્ડ બી.દ્વારા જાણવા મળે છે.

(1:38 pm IST)
  • મુખ્યમંત્રી વિજયભાઈ રૂપાણીના હસ્તે માંડવી તાલુકાના સઠવાવ ખાતે 'કાકરાપાર-ગોરધા-વડ ઉદ્દવહન પાઇપલાઇન યોજના'નુ કરાયુ લોકાર્પણ સંપન્ન : રૂ.૫૭૦ કરોડના ખર્ચે સાકાર થયેલી યોજનાથી માંડવી અને માંગરોળ તાલુકાના કુલ ૮૯ ગામોના ૪૯,૫૦૦ એકર વિસ્તારને સિંચાઈનો લાભ મળશે : ૩ મધ્યમ ડેમ, ૨ મોટા તળાવો, ૬ કોતરો અને ૩૦ ચેકડેમોમાં પાણી સંગ્રહ થશે. માંડવી અને માંગરોળ તાલુકાના ૨૯૦૦૦ આદિજાતિ ખેડૂત પરિવારોમા ઉગશે સમૃદ્ઘિનો સૂરજ ઉગશે access_time 11:46 am IST

  • આગામી થોડા મહિનાઓમાં 30 કરોડ લોકોને રસી આપવાનું આયોજન : વેક્સીન વિષે ફેલાતી ગેરસમજણ રોકવાની જવાબદારી રાજ્ય સરકારોની : શરૂઆતના 3 કરોડ નાગરિકોને વેક્સીન આપવાનો ખર્ચ કેન્દ્ર સરકાર ભોગવશે : કેરળ ,રાજસ્થાન ,હિમાચલ પ્રદેશ ,હરિયાણા ,મધ્ય પ્રદેશ ,યુ.પી. ,દિલ્હી ,ગુજરાત ,તથા મહારાષ્ટ્રમાં બર્ડ ફ્લૂની પુષ્ટિ : રાજ્યોના મુખ્યમંત્રીઓ સાથેની બેઠકમાં વડાપ્રધાન શ્રી નરેન્દ્ર મોદી access_time 5:31 pm IST

  • બોરસદમાં પતંગની દોરીએ 7 વર્ષનાં બાળકનો ભોગ લીધો. સૂર્ય મંદીર રોડ પર પિતા સાથે બાઈક પર બેસીને જતા બાળકનું પતંગની દોરીથી ગળુ કપાયું access_time 9:09 pm IST