Gujarati News

મુંબઇ : મહારાષ્ટ્રનાં ચંદ્રપુર જિલ્લામાં એક ટ્રક અને વાન અથડાતા શનિવારે રાતે સાત મહિલાઓ અને બે સગીરો સહિત ઓછામાં ઓછા 11 લોકોનાં મોત નીપજ્યાં છે.

જણાવવામાં આવી રહ્યું છે કે જ્યારે વાન રાતે લગભગ 9.30 કલાકે કોરપના-વાણી રોડથી પસાર થઇ રહી હતી ત્યારે આ દુર્ઘટના બની હતી. આ વાનમાં 14 લોકો સવાર હતાં.

આ દુર્ઘટનામાં 11 લોકોનાં મોત નીપજ્યાંની ખબર મળી રહી છે. જ્યારે 4 લોકો ગંભીર રીતે ઘાયલ છે.

મળતી જાણકારી પ્રમાણે મૃતકોમાં 11 લોકોમાં વાન ડ્રાઇવર સહિત મહિલાઓ અને બે બાળકો સામેલ છે. ચંદ્રપુરના પોલીસ અધિક્ષક મહેશ્વર રેડ્ડીએ પીટીઆઈ-ભાષાને જણાવ્યું કે પ્રાથમિક તપાસ પ્રમાણે આ દુર્ઘટનામાં 10 લોકોનાં મોત નીપજ્યાં છે.