Gujarati News

નવી દિલ્હી : પાકિસ્તાન અને ચીન વચ્ચે બસ સેવા શરૂ કરાઈ છે પાકિસ્તાનના લાહોરથી ચીનના કાશગર સુધી આ બસ સર્વિસ શરૂ કરી છે ભારતે આ મામલે અનેકવાર નારાજગી જાહેર કરી છે છતાં ભારતની અવગણના કરીને પાકિસ્તાન અને ચીને આ બસ સેવા શરૂ કરી દીધી છે

  આ બસ 5 નવેમ્બરની રાત્રે પહેલીવાર શરૂ થઈ છે. 60 અબજ ડોલરના ચીન અને પાકિસ્તાન વચ્ચેના મહત્વાંકાંક્ષી પ્રોજેક્ટ સીપીઇસી અંતર્ગત રોડ પ્રોજેક્ટ હાથ ધરવામાં આવ્યો છે અને આ બસ સેવા શરૂ કરવામાં આવી છે.ચીનના વિદેશ મંત્રાલયે આ બસ સેવાનો બચાવ કર્યો હતો અને કહ્યું હતું કે ઇસ્લામાબાદનો ક્ષેત્રીય વિવાદ સાથે કોઈ સંબંધ નથી. 

  આ બસથી લાહોરથી કાશગર પહોંચવામાં 36 કલાક લાગશે. લાહોરથી આ બસ સર્વિસ શનિવાર, રવિવાર, સોમવાર અને મંગળવાર ઓપરેટ થશે જ્યારે કાશગરની આ બસ સર્વિસ મંગળવાર, બુધવાર, ગુરૂવાર અને શુક્રવારે ઓપરેટ થશે. આનું એક તરફનું ભાડું 13,000 રૂ. અને રિટર્ન ટિકિટ સાથેનું ભાડું 23,000 રૂ. થશે.