Gujarati News

Gujarati News

News of Thursday, 10th October 2019

કર્ણાટક : ભૂતપૂર્વ નાયબ મુખ્યમંત્રીજી પરમેશ્વર ના આવાસે રેડ

ટેક્સ ચોરીના મામલામાં ઉંડી તપાસ

બેંગ્લોર, તા. ૧૦ : સંકલિત દરોડામાં કર્ણાટકના બે અગ્રણી કોંગ્રેસી નેતાઓ સાથે સંબંધિત પ્રાંગણો ઉપર આજે ૩૦૦થી પણ વધુ ઇન્કમ ટેક્સના અધિકારીઓએ એક સાથે દરોડા પાડ્યા હતા.

           ભૂતપૂર્વ નાયબ મુખ્યમંત્રી જી પરમેશ્વર અને પૂર્વ સાંસદ ઝાલપ્પાના પુત્ર રાજેન્દ્ર સાથે જોડાયેલા સ્થળો ઉપર દરોડા પડાયા હતા. કરચોરીના મામલામાં ચાલી રહેલી તપાસના મામલામાં આ દરોડાની કાર્યવાહી હાથ ધરવામાં આવી હતી. પરમેશ્વરાના પરિવારના સભ્યો સિદ્ધાર્થ ગ્રુપ ઓફ ઇન્સ્ટીટ્યુશન ચલાવે છે જેની સ્થાપના ૫૮ વર્ષ અગાઉ તેમના પિતા દ્વારા કરવામાં આવી હતી. પરમેશ્વરા સાથે જોડાયેલી સંસ્થાઓ, ઓફિસ, આવાસ ઉપરાંત આઈટી અધિકારીઓએ તેમના ભાઈ જી શિવપ્રસાદ અને આસીસ્ટન્ટના આવાસ ઉપર પણ દરોડા પાડ્યા હતા. ચોંકાવનારી વિગતો ખુલે તેવી સંભાવના દેખાઈ રહી છે. નીટ પરીક્ષા સાથે સંબંધિત કરચોરીના કરોડોના કેસ હોવાની વિગતો ખુલી શકે છે.

(8:56 pm IST)
  • દિલ્હી-એનસીઆરમાં ડીઝલ જનરેટરના ઉપયોગ પર પ્રતિબંધ લાગશે : પ્રદુષણ-પર્યાવરણ નિયંત્રણ બોર્ડે 15મી ઓક્ટોબરથી ગ્રૅન્ડેડ રિસ્પોન્સ પ્લાન લાગુ કરવા નિર્ણંય કર્યો : 15મી ઓક્ટોબરથી 15 માર્ચ સુધી લાગુ રહેશે : આ સમય દરમિયાન ડીઝલ જનરેટરનો વપરાશ કરી શકાશે નહીં : બોર્ડે 15 ઓક્ટોબર સુધીમાં રસ્તાના ગાબડાં ભરવા પણ આદેશ કર્યો access_time 1:12 am IST

  • વડોદરાના આજવા પાર્કમાં ૯ ફૂટનો મગર મળયો : રહેણાંક વિસ્તારમાં નીકળેલા મગરને પ્રાણી ક્રૂરતા વિભાગે પકડી અને વન વિભાગને સોંપ્યો access_time 6:18 pm IST

  • રાજસ્થાનમાં સ્કૂલમાં ઝેરી પાણી પીવાથી છ બાળકોની તબિયત બગડી :સ્કૂલની ટાંકી અને માટલામાં ઝેર ભેળવાયું હોવાની આશંકા : રાજસ્થાનના ચુરુ જિલ્લાના ભાલેરી પંથકની એક ખાનગી સ્કૂલમાં ઘટના : ઝેરી પાણી પીવાથી 60 બાળકોની તબિયત લથડી : સાત બાળકોની સ્થિતિ ગંભીર access_time 12:42 am IST