Gujarati News

Gujarati News

News of Thursday, 10th October 2019

" હાર્ટ ટુ હાર્ટ ફાઉન્ડેશન " : ભારતમાં છત્તીસગઢ,હરીયાણા, અને નવી મુંબઈ ખાતે ત્રણ હોસ્પીટલો નું સફળતા પુર્વક સંચાલન કરતું ફાઉન્ડેશન : અમેરીકાના લોસએન્જલસ ખાતે મહાન ક્રીકેટર શ્રી સુનીલ ગવાસ્કર સાથે યોજાયો સમારંભ

 લોસ એંજલસ :  અમેરીકા-લોસએન્જલસ માં તા ૨૮ મી સપ્ટે. ના રોજ બુએના પાર્ક ખાતે યલો ચીલી રેસ્ટોરન્ટ ખાતે ક્રીકેટ જગતના વિખ્યાત ક્રીકેટર શ્રી સુનીલ ગવાસ્કર ની ઉપસ્થિતીમાં "હાર્ટ ટુ હાર્ટ " ફાઉન્ડેશન દ્વારા એક ભવ્ય સમારંભનું આયોજન રાખવામાં આવેલ.

  આ આયોજનના પ્રારંભમાં  શ્રી મિહીર ગાંધીએ સ્વાગત્ત પ્રવચનમાં ગવાસ્કરની સિધ્ધીઓનો ઉલ્લેખ કરી સર્વે ને આવકાર્યા હતા.

  ડૉ.  સાન સીટી એ હાર્ટ ટુ હાર્ટ દ્વારા બાળકોના હાર્ટની સર્જરી અને રોગ નિદાન અંગેની વિગતવાર માહિતી આપી હતી. અરવિંદ થીગરાજને ગવાસ્કર સાથે ની મુલાકાત માં ક્રિકેટ વિશે ના તેમના અનુંભવો અને યોગદાન વિષે પ્રશ્નોત્તરી કરી હતી... અને સુનીલ ગવાસ્કરે તેમની આગવી શૈલીમાં તમામ પ્રશ્નોના જવાબ આપ્યા હતા તેમાં વેસ્ટ ઈન્ડીજ સાથેની ટેસ્ટ મેચો અને ૧૯૮૧ માં ભારત વલ્ડકપ વિજેતા થયું તે મુખ્ય હતા.

 હાર્ટ ટુ હાર્ટ ફાઉન્ડેશન હાલ ભારતમાં છત્તીસ ગઢ,હરીયાણા અને નવી મુંબાઈ ખાતે ત્રણ    હોસ્પીટલો નું સફળતા પુર્વક સંચાલન કરે છે.  જેમાં એક બાળકનો હાર્ટ સર્જરીનો ખર્ચ ૧૨00- ડોલર આવે છે. દર વર્ષે વિના મુલ્યે ૫000 થી વધુ બાળકોના સફળતા પુર્વક ઓપરેશન કરાય છે. અમેરીકા ખાતે ગવાસ્કરે ૧0 જેટલા જુદા જુદા શહેરોમાં આ રીતના સમારંભો યોજીને લગભગ ૧000 થી વધુ બાળકોના ઓપરેશન માટે ફંડ એકત્રીત કરેલ છે એવી માહિતી આપી હતી.

  આ પ્રસંગે સેરીટોજ સીટી ના મેયરશ્રી  નરેશ  સોલંકી એ ખાસ ઉપસ્થિત રહી સીટી તરફથી સુનિલ ગવાસ્કર ને સન્માન પત્ર અર્પણ કરેલ . તેવું માહિતી શ્રી હર્ષદરાય શાહ,શ્રી નટુભાઈ પટેલ અને તસ્વિર સૌજન્ય શ્રી કાન્તિભાઈ મિસ્ત્રી,કેલિફોર્નિયા દ્વારા જાણવા મળે છે.

(11:40 am IST)
  • રાજકોટ જિલ્લા પંચાયતની અવિશ્વાસ દરખાસ્ત સામેની રીટની હાઇકોર્ટમાં સુનાવણીઃ બપોર પછી કેસમાં પ્રગતિ થવાની સંભાવના access_time 3:52 pm IST

  • રાજસ્થાનમાં સ્કૂલમાં ઝેરી પાણી પીવાથી છ બાળકોની તબિયત બગડી :સ્કૂલની ટાંકી અને માટલામાં ઝેર ભેળવાયું હોવાની આશંકા : રાજસ્થાનના ચુરુ જિલ્લાના ભાલેરી પંથકની એક ખાનગી સ્કૂલમાં ઘટના : ઝેરી પાણી પીવાથી 60 બાળકોની તબિયત લથડી : સાત બાળકોની સ્થિતિ ગંભીર access_time 12:42 am IST

  • ચોકીદાર બનીને આવેલા લોકો તાનાશાહ બની ગયા : છત્તીસગઢના મુખ્યમંત્રી ભૂપેશ બધેલે ગાંધી વિચાર યાત્રાના સમાપન અવસરે કોઈનું નામ લીધા વિના ભાજપ અને સંઘ પર આકરા પ્રહાર કર્યા : બધેલે કહ્યું કે સામાજિક મૂલ્યોના તરફેણ અને ચોકીદાર બનીને આવેલા લોકો હવે તાનાશાહ બનીને સામે આવવા લાગ્યા છે access_time 1:17 am IST