News of Friday, 10th August 2018

દેશના ૨૧ રાજયોમાં ૩'દિ ભારે વરસાદનું હવામાન ખાતાનું એલર્ટ

  નવી દિલ્હીઃ કેરાલામાં ઇડુકકી જીલ્લામાં ભારે વરસાદ પછી પેરીયાર નદીનું જળસ્તર વધવાથી પુર આવ્યું છે. સતત વરસાદના કારણે કેરાલાના કેટલાય વિસ્તારો પાણીમાં ડુબી ગયા છે. અત્યાર સુધીમાં વરસાદ અને ભુસ્ખલનથી ૨૬ લોકોના મોત થયા છે. વરસાદના કારણે કેરાલાના ઇલેકટ્રીસીટી બોર્ડે રેડ એલર્ટ જાહેર કર્યું છે. અલપુઝામાં શનિવારે યોજાનાર વાર્ષિક નહેરૂ બોટ રેસ સ્થગીત કરાઇ છે.

 છેલ્લા ૨૪ કલાકમાં ભારે વરસાદ અને ભુસ્ખલનથી ૨૬ લોકોના મોત થયા છે જેમાં ૧૧ લોકો ઇડુકકી જીલ્લાના છે કાટમાળમાંથી બે લોકોને બચાવી લેવાયા છે. અમેરીકાએ પોતાના નાગરીકોને કેરાલાનો પ્રવાસ ન ખેડવા એડવાઇઝરી જાહેર કરી છે

 હવામાન  ખાતાએ ૩ દિવસ સુધી ૨૧ રાજયોમાં ભારે વરસાદનું એલર્ટ આપ્યું છે. જેમાં ઉત્તરાખંડ, ઉત્તરપ્રદેશ, જમ્મુકાશ્મીર, હિમાચલ પ્રદેશ, હરીયાણા, દિલ્હી, ઝારખંડ, બિહાર, પ્રશ્ચિમ બંગાળ, સિકકીમ, મધ્યપ્રદેશ, અરૂણાચલ, આસામ, મેઘાલય, નાગાલેન્ડ, મણીપુર, મિઝોરમ, ત્રિપુરા, કર્ણાટક, તામીલનાડુ, કેરાલા અને અંદમાન નિકોબારનો સમાવેશ થાય છે. માહિતી અનુસાર કેરાલામાં ૨૪ કલાકમાં ૩૩૭ ટકા વધુ વરસાદ થયો છે. સરેરાશ ૧૩.૯ મીમી વરસાદને બદલે ૬૬.૨ મીમી વર્ષા થઇ છે. એસડીઆરએફ, એનડીઆરએફ, આર્મી નેવી અને કોસ્ટગાર્ડના જવાનોને બચાવ કાર્ય માટે તૈનાત કરાયા છે. બેંગલુરૂથી સેનાની એક ટુકડી પણ મંગાવાઇ છે. મુખ્યમંત્રી પિનરાચી વિજયને સ્થિતિને ખુબ જ વિકટ ગણાવી છે. કેરાલાની મોટાભાગની નદીઓ ઉફાન પર છે. ૨૪ જેટલા ડેમોના દરવાજા ખોલાયા છે. ઇડુકકી ડેમમાંથી પાણી છોડવા માટે રેડ એલર્ટ પહેલા જ જાહેર કરાયું છે.

(3:59 pm IST)
  • યમનમાં બસ પર હવાઈ હુમલો :29થી વધુ બાળકોના મોત :30 ઘાયલ ;ઉતરી યમનમાં અશાંત વિસ્તારમાં આ હાવૈ હુમલો સાઉદી અરબના નેતૃત્વવાળા ગઠબંધન દ્વારા એક બસ પર કરાયો :આ ગઠબંધન હુથી વિદ્રોહી વિરુદ્દ લડતા યમન સરકારનું સમર્થન કરે છે :આ હુમલા સમયે બસ શાદ વિસ્તારના દહયાન બજારમાં પસાર થતી હતી access_time 12:57 am IST

  • ગુજકોટના જનરલ મેનેજર ડી.પી મિશ્રા, MD એન. એમ શર્માને સમન્સ:નાફેડના રાજ્યકક્ષાના બ્રાંચ મેનેજર સુધીર મલ્હોત્રાની પણ કરાશે પુછપરછ: રાજ્યભરના વેરહાઉસના MD સંજયનંદનને પણ પાઠવાયું છે સમન્સ access_time 10:47 pm IST

  • મધ્યપ્રદેશમાં તમામ મદ્રેસામાં 15મી ઓગસ્ટે ત્રિરંગો લહેરાવવા અને ત્રિરંગા યાત્રા કાઢવા આદેશ : મદ્રેસા બોર્ડના અધ્યક્ષ સૈય્યદ ઇમાદુદીનના આદેશથી વિવાદ છેડાયો : પોતાના આદેશમાં સાંસ્કૃતિક કાર્યક્રમ કરવા અને તે તમામની તસ્વીર ઇમેલમાં મોકલાવવા પણ કહ્યું : કોંગ્રેસે કર્યો વિરોધ access_time 1:18 am IST