Gujarati News

Gujarati News

News of Friday, 10th August 2018

શિકાગો નજીક નેપરવીલ ટાઉનમાં ઇન્‍ડીયન કોમ્‍યુનીટી આઉટરીચ તથા નેપરવીલ સીટીના સંયુક્‍ત સહકારથી ભારતના ૭૨મા સ્‍વાતંત્ર્ય દિન તેમજ આ સંસ્‍થાની ચોથી ઇન્‍ડીયન પરેડની શાનદાર રીતે ઉજવણી કરવામાં આવશેઃ બારમી ઓગષ્‍ટને રવીવારે સવારે ૧૧ વાગ્‍યાથી રાત્રે ૯:૩૦ કલાક દરમ્‍યાન વિવિધ પ્રકારના કાર્યક્રમોનું કરવામાં આવેલું આયોજનઃ બોલીવુડના પ્રખ્‍યાત પ્રાર્શ્વગાયક સુખવીન્‍દર સીંગ બોલીવુડ ફીલ્‍મના સુંદર ગીતો રજુ કરીને પ્રેક્ષકોને મનોરંજન પુરૂ પાડશેઃ ઇલીનોઇ રાજયના ૨૦૦માં વર્ષની પણ શાનદાર રીતે ઉજવણી કરવામાં આવશે અને રાજયના ગવર્નર, લેફટનન્‍ટ ગવર્નર, કોંગ્રેસના ચુંટાયેલા આગેવાનો તેમજ શિકાગોના કોન્‍સ્‍યુલ જનરલ નિતા ભૂષણ પણ હાજર રહેશેઃ રાત્રે ૯-૩૦ કલાકે આતશબાજીનો કાર્યક્રમ યોજવામાં આવશે

(કપિલા શાહ દ્વારા) શિકાગોઃ શિકાગો નજીક નેપરવીલ ટાઉનમાં ઇન્‍ડીયન કોમ્‍યુનીટી આઉટરીય અને સીટી ઓફ નેપરવીલ સંસ્‍થાના સંયુક્‍ત સહકારથી ઓગષ્‍ટ માસની ૧૨મી તારીખને રવીવારના રોજ ભારતના ૭૨મા સ્‍વાતંત્ર્યદિન તેમજ આ સંસ્‍થાની ચોથી ઇન્‍ડીયન પરેડનું આયોજન કરવામાં આવેલ છે અને આ પ્રસંગે ઇલીનોઇ રાજયને ૨૦૦ વર્ષ જેટલો સમય પૂર્ણ થતો હોવાથી તેના ધ્‍વિશતાબ્‍દી વર્ષની પણ શાનદાર રીતે ઉજવણી કરવામાં આવશે. આ પ્રસંગે રાજયના ગવર્નર લેફનન્‍ટ ગવર્નર, તેમજ કોંગ્રેસના ચુંટાયેલા પ્રતિનિધિઓ અને ભારતીય સમાજના આગેવાનો મોટી સંખ્‍યામાં હાજરી આપશે.

આ અંગેની વિગતોમાં જાણવા મળે છે તેમ ૧૨મી ઓગષ્‍ટે ભરતના ૭૨માં સ્‍વાતંત્ર્ય દિનની તેમજ ઇન્‍ડીયન કોમ્‍યુનીટી આઉટરીચ દ્વારા પ્રતિવર્ષે ઇન્‍ડીયન પરેડનુ આયોજન કરવામાં આવે છે અને તે મુજબ આ વર્ષે પણ ચોથી પરેડ યોજવામાં આવશે અને તે પરેડ નેપરવીલ સેન્‍ટ્રલ હાઇસ્‍કુલથી બપોરે ૪ વાગે શરૂ થશે અને સાંજના સાડાપાંચ વાગ્‍યા સુધીમાં નોચ પાર્કના મેદાનમાં આવી પહોંચશે અને ત્‍યાં આગળ તેની સમાપ્તી થશે.

સ્‍વાગત્ર્ય દિનની ઉજવણીનો કાર્યક્રમ ૧૧ વાગે શરૂ થશે અને બપોરે સાડાબાર વાગ્‍યાથી ત્રણ વાગ્‍યા દરમ્‍યાન સ્‍થાનિક ટેલન્‍ટ શોનું આયોજન તેમજ ચાર વાગે પરેડ હાઇસ્‍કુલમાંથી નિકળશે તેમજ સાંજના છ વાગે ફેશનશોનું આયોજન કરવામાં આવેલ છે ત્‍યારબાદ બોલીવુડના પ્રખ્‍યાત પાર્શ્વગાયક સુખવીન્‍દર સીંગ સુંદર ફીલ્‍મીગીતો દ્વારા ભારતીય સમુદાયના લોકોને મનોરંજન પૂરી પાડશે અને ત્‍યાર બાદ રાત્રે સાડા નવ વાગે આતશબાજીનો કાર્યક્રમ યોજવામાં આવશે.

ભરતના ૭૨માં પ્રજા સત્તાક દિનની ઉજવણીમાં શિકાગો ખાતે આવેલ ભારતીય કોન્‍સ્‍યુલેટના કોન્‍સ્‍યુલ જનરલ નિતા ભૂષણ પણ ભાગ લેશે અને તઓ નેધરવીલ ટાઉનમાં પધારી ભારતનું પ્રતિનિધિ કરશે આ પ્રસંગની ઉજવણી કરવા માટે ઇન્‍ડીયન કોમ્‍યુનીટી આઉટરીયના કાર્યકરો તેમજ નેપરવીલ સીટીની અધીકારીઓ તનતોડ મહેનત કરી રહેલ છે.

આ ઉત્‍સવની ઉજવણીવેળા ભીન્‍ન ભીન્‍ન પ્રકારના ખાણી પીણીના સ્‍ટોલોનું પણ આયોજન કરવામાં આવેલ છે અને પરિવારના તમામ સભ્‍યો સ્‍વખર્ચે તેનો લાભ લઇ શકશે આ કાર્યક્રમના આયોજકોએ સર્વેને પધારવા આગ્રહભરી વિનંતી કરેલ છે.

(9:16 pm IST)
  • વહેલી ચૂંટણીની અટકળને અમિતભાઇ શાહને ફગાવી ;ભાજપ અધ્યક્ષ અમિતભાઇ શાહે કહ્યું કે વિપક્ષ એકતાની વાતો થાય છે પરંતુ અવિશ્વાસ પ્રસ્તાવ અને રાજ્યસભામાં ઉપસભાપતિની ચૂંટણીમાં બધાએ જોયું શું થયું :શાહે છત્તીસગઢ,રાજસ્થાન અને મધ્યપ્રદેશની ચૂંટણી જીતવાનો દાવો કર્યો access_time 12:52 am IST

  • ગુજકોટના જનરલ મેનેજર ડી.પી મિશ્રા, MD એન. એમ શર્માને સમન્સ:નાફેડના રાજ્યકક્ષાના બ્રાંચ મેનેજર સુધીર મલ્હોત્રાની પણ કરાશે પુછપરછ: રાજ્યભરના વેરહાઉસના MD સંજયનંદનને પણ પાઠવાયું છે સમન્સ access_time 10:47 pm IST

  • ગાંધીનગર: રાજ્યના તમામ જિલ્લા કલેક્ટર્સને નારી અને બાળ સંરક્ષણ ગૃહોમાં CMO દ્વારા સઘન તપાસના આદેશ:બાળ તેમજ નારી સંરક્ષણ ગૃહમાં બાળકો અને મહિલાઓની સુરક્ષા બાબતે સમીક્ષા કરી રિપોર્ટ કરવાની સૂચના :મુઝફ્ફરનગર યૌન શોષણ કેસને ધ્યાનમાં લઇ રાજ્ય સરકારના આદેશ access_time 9:03 pm IST