Gujarati News

Gujarati News

News of Friday, 10th August 2018

કુમારસ્વામીના શપથ પર ૪૨ લાખ રૂપિયાનો જંગી ખર્ચ થયો

કેજરીવાલ પર ૧.૮૫ લાખ સુધીનો જંગી ખર્ચ : માત્ર ૭ મિનિટના શપથગ્રહણ ઉપર લાખો રૂપિયાનો ખર્ચ થયો : નાયડુ પર સૌથી વધુ ૮૭૨૪૨૫ રૂપિયાનો ખર્ચ

બેંગ્લોર, તા. ૯ : કર્ણાટકમાં કોંગ્રેસની સાથે મળીને ગઠબંધનની સરકાર બનાવનાર જનતા દળ સેક્યુલરના નેતા એચડી કુમારસ્વામીના શપથગ્રહણ સમારોહમાં ભાગ લેનાર નેતાઓના ખર્ચના સંદર્ભમાં જો જાણવામાં આવશે તો તમામના પગની નીચેની જમીન નિકળી શકે છે. એક દિવસના આ કાર્યક્રમમાં જનતાના આ સેવકો દ્વારા લાખો રૂપિયાનો ખર્ચ કરવામાં આવ્યો હતો. આમ આદમી પાર્ટીના નેતા અરવિંદ કેજરીવાલનું બિલ બે લાખ રૂપિયા સુધી પહોંચી ગયું હતું. આરટીઆઈ હેઠળ કરવામાં આવેલી અરજીના જવાબમાં આ માહિતી મળી છે. રિપોર્ટમાં જાણવા મળ્યું છે કે, કર્ણાટક સરકારે ૪૨ લાખ રૂપિયાનો ખર્ચ સાત મિનિટના શપથગ્રહણ ઉપર કર્યો હતો. અરવિંદ કેજરીવાલે તાજ વેસ્ટએન્ડમાં ૨૩મી મેના દિવસે સવારે ૯.૪૯ વાગે એન્ટ્રી કરી હતી અને ૨૪મી મે સવારે ૫.૩૪ વાગે નિકળી ગયા હતા જે દિવસે તેઓ પહોંચ્યા હતા તે દિવસે રાત્રે ઇન રૂમ ડાઇનિંગ, ખાવાપીવા પર ૭૧.૨૫ રૂપિયા અને બેવરેજના ૫૦૦૦ રૂપિયાનું બિલ બન્યું હતું. બેંગ્લોરમાં મળેલા દસ્તાવેજો મુજબ આ અંગેની માહિતી મળી છે. ૧૩મી મે ૨૦૧૩ના દિવસે સિદ્ધારમૈયા અને ૧૭મી મે ૨૦૧૮ના દિવસે યેદીયુરપ્પાના શપથગ્રહણ દરમિયાન સરકારના મહેમાનોના રોકાવવા પર ખર્ચ ઉપાડ્યો ન હતો. કુમારસ્વામીના શપથગ્રહણમાં ૪૨ મોટા નેતાઓને બોલાવવામાં આવ્યા હતા. સૌથી વધારે ખર્ચ ૮૭૨૪૮૫ રૂપિયા આંધ્રપ્રદેશના મુખ્યમંત્રી ચંદ્રાબાબુ નાયડુ ઉપર કરવામાં આવ્યો હતો. મહેમાન પર કરવામાં આવેલા આ પ્રકારના ખર્ચને લઇને રાજ્ય સરકારના પૂર્વલોકાયુક્ત જસ્ટિસ સંતોષ હેગડે દ્વારા ટીકા કરવામાં આવી છે. તેમણે કહ્યું છે કે, સરકારને આ પ્રકારની બર્બાદીની તક આપવી જોઇએ નહીં. સરકાર કહે છે કે, વિકાસ માટે તેમની પાસે પૈસા નથી. કેજરીવાલના બચાવમાં હવે રાજ્યસરકારે પણ પ્રતિક્રિયા આપી છે.

(7:42 pm IST)
  • વહેલી ચૂંટણીની અટકળને અમિતભાઇ શાહને ફગાવી ;ભાજપ અધ્યક્ષ અમિતભાઇ શાહે કહ્યું કે વિપક્ષ એકતાની વાતો થાય છે પરંતુ અવિશ્વાસ પ્રસ્તાવ અને રાજ્યસભામાં ઉપસભાપતિની ચૂંટણીમાં બધાએ જોયું શું થયું :શાહે છત્તીસગઢ,રાજસ્થાન અને મધ્યપ્રદેશની ચૂંટણી જીતવાનો દાવો કર્યો access_time 12:52 am IST

  • એંજલીના જોલીએ પૂર્વ પતિ બ્રેડ પિટ્ને કોર્ટમાં ઘસેડ્યો :અમેરિકી અભિનેતા બ્રેડ પીટ અને અભિનેત્રી એંજલીના જોલી 2016માં લગ્ન બાદ અલગ થયા હતા :હવે એંજલીનાં જોલીએ બ્રેડ પર આરોપ મુક્યો કે તલ્લાકના કેસ દાખલ કર્યા બાદ પિત્ત તેના બાળકોનો ખર્ચ આપતો નથી :પીટે આરોપને ફગાવ્યા ;તેના વકીલે કોર્ટમાં કહ્યું એન્જલિનાને અત્યાર સુધીમાં પીટ 13 લાખ ડોલરથી વધુ રકમ આપી ચુક્યો છે access_time 12:56 am IST

  • બ્રિટિશ ઍરલાયન્સ પર ભડક્યા ઋષિકપુર ; ફેન્સને કહ્યું આઍરલાયન્સમાં ક્યારેય યાત્રા ના કરો : તેને બ્રિટિશ ઍરલાયન્સને રંગભેદી પણ ગણાવ્યું: બર્લિનમાં બાળકોની ઘટના સાંભળીને આઘાત લાગ્યો : મારી સાથે એકવાર નહીં બે વાર અભદ્ર વ્યવહાર થયો access_time 1:04 am IST