Gujarati News

Gujarati News

News of Monday, 10th May 2021

અમેરિકાથી 50 કરોડ ડોલરની ભારતને મદદ : હજારો ઓક્સિજન કન્સન્ટ્રેટર, લાઈફ સેવિંગ ડ્રગ્સ તથા હેલ્થ કેર ઉપકરણો પહોંચ્યા

બાઈડેનના પ્રશાસને 100 મિલિયન અમેરિકન ડોલરની સહાયતાનો વાયદો કર્યો

નવી દિલ્હી :ભારતમાં કોરોનાના ભયંકર પ્રસાર વચ્ચે અમેરિકન મદદ આવી પહોંચી છે. અમેરિકન રાષ્ટ્રપતિ બાઈડેનની વડાપ્રધાન મોદી સાથે વાત કરીને મદદ આપવાના બે સપ્તાહની અંદર અમેરિકાથી ભારતને મળનાર આર્થિક મદદનો આંકડો 50 કરોડ અમેરિકન ડોલરને પાર કરી ગયું છે.

અમેરિકન રાષ્ટ્રપતિ બાઈડેનના પ્રશાસને 100 મિલિયન અમેરિકન ડોલરની સહાયતાનો વાયદો કર્યો છે. લગભગ દરેક દિવસ અમેરિકાથી હજારો ઓક્સિજન કન્સન્ટ્રેટર, લાઈફ સેવિંગ ડ્રગ્સ તથા હેલ્થ કેર ઉપકરણો કાર્ગો ફ્લાઈટથી ભારત આવી રહ્યાં છે.

અમેરિકન ફાર્મા કંપની ફિઝરે ભારતને 70 મિલિયન અમેરિકન ડોલરની સહાયતાનો વાયદો કર્યો છે. તે સાથે જ તેને 4.5 લાખ રેમડેસિવિર ડોઝ પણ ભારત મોકલવાની જાહેરાત કરી છે, જેની સરકારી ખરીદી કિંમત અમેરિકામાં 390 USD (28,631.56 Indian Rupee) પ્રતિ ડોઝ છે.

ટેક જાયન્ટ ગૂગલે 18 મિલિયન અમેરિકન ડોલરની સહાયતા ભારતને મોકલવાની જાહેરાત કરી છે. સાથે જ બોઈંગ તથા માસ્ટર કાર્ડ જેવી અનેક કંપનીઓએ પણ 10-10 મિલિયન અમેરિકન ડોલરની આર્થિક સહાયતાની મદદ કરી છે.

ટોપ અમેરિકન કંપનીઓને CEOsના સમૂહના ગ્લોબલ ટાસ્ક ફોર્સને પહેલા જ 30 મિલિયન અમેરિકન ડોલરના લાઈફ સેવિંગ ઉપકરણ મોકલવાનો વાયદો કર્યો છે.

પ્રોક્ટર એન્ડ ગેમ્બલે 6.7 મિલીયન USD, મર્કે પાંચ મિલિયન USD, વોલમાર્ટે 2 મિલિયન USD, સેલ્સફોર્સે 2.4 મિલિયન USD, કેટરપિલરે 3.4 મિલિયન USD તથા ડિલોયટે 12000 ઓક્સિજન કન્સન્ટ્રેટર ભારતને મોકલવાની જાહેરાત કરી છે.

માઈક્રોસોફ્ટ અમેરિકન સરકાર સાથે મળીને સહાયતા અને ઓક્સિજન ઉપલબ્ધ કરાવી રહી છે, જ્યારે FedEx અને UPS જેવી કુરિયર કંપનીઓ લાઈફ સેવિંગ ઉપકરણો જેવા ઓક્સિજન સિલેન્ડર, વેન્ટિલેટર અને ઓક્સિજન કન્સન્ટ્રેટરને ભારત ટ્રાન્સફોર્ટ કરવામાં મદદ કરી રહી છે.

(11:14 pm IST)
  • કોરોનાથી રાજકોટ શહેરમાં આજે થોડી રાહત વર્તાઈ અને ગ્રામ્ય વિસ્તારમાં કોરોનાએ જબરો ફુફાડો માર્યો : આજે સાંજ સુધીમાં રાજકોટ શહેરમાં 351 અને ગ્રામ્યના અધધધ 395 કેસ સાથે કુલ 746 નવા કોરોના ના કેસ નોંધાયા access_time 7:49 pm IST

  • પુડ્ડુચેરીના મુખ્યમંત્રી કોરોનામાં સપડાયા : ખાનગી હોસ્પિટલમાં દાખલ : પુડ્ડુચેરીના મુખ્યમંત્રી એન રંગાસામીનો કોરોનાવાયરસ ટેસ્ટ રિપોર્ટ પોઝિટિવ આવ્યાનું લેફ્ટનન્ટ ગવર્નર સચિવાલયએ જાહેર કર્યું છે. તેઓ ખાનગી હોસ્પિટલમાં સારવાર લઇ રહ્યા છે. જેના પગલે લેફ્ટનન્ટ ગવર્નર સુંદરરાજને પણ કોવિડ ટેસ્ટ કરાવી લીધો છે, તેમને કોઈ જ કોરોનાનો લગતા લક્ષણો ન હોવા છતાં આજે ટેસ્ટ કરાવ્યો છે. તેમણે વેકિસનેશન પણ લઈ લીધેલ છે access_time 4:09 pm IST

  • આસામ : મુખ્યમંત્રી તરીકે શપથ લેતા પહેલા હિમાંતા બિસ્વા શર્મા મંદિરે પહોંચ્યા : કામાખ્યા મંદિરમાં શીશ ઝુકાવી દર્શન કર્યા : આજરોજ આસામના 15 માં મુખ્યમંત્રી તરીકે શપથ લેશે : અન્ય 13 મંત્રીઓની પણ શપથવિધિ કરાશે access_time 12:11 pm IST