Gujarati News

તમિળનાડુમાં શુક્રવારે મુખ્યપ્રધાન એમ.કે. સ્ટાલિને કોરોનાની સ્થિતિની સમીક્ષા કરવા માટે જિલ્લા મેજિસ્ટ્રેટ્સ સાથે એસ બેઠક યોજી હતી. આ બેઠકમાં હેલ્થકેર સંબંધિત નિષ્ણાતોની સલાહના આધારે લોકડાઉનનો અમલ કરવાનો નિર્ણય લેવામાં આવ્યો હતો.

તમિલનાડુમાં 10 મે થી 24 મે સુધી સમગ્ર લોકડાઉન લાગુ રહેશે. આ સમયગાળા દરમિયાન, જરૂરી સેવાઓ સિવાય તમામ દુકાનો અને ખાનગી અને સરકારી કચેરીઓ બંધ રહેશે. આ ઉપરાંત સરકારી દારૂની દુકાન, બાર, સ્પા, જીમ, બ્યુટી પાર્લર, સલુન્સ, સિનેમા હોલ, ક્લબ, બગીચા અને બીચ પણ બંધ રહેશે.