Gujarati News

Gujarati News

News of Saturday, 10th April 2021

કોરોનાના કહેર વચ્ચે ખેડૂત આંદોલન સ્થગિત કરવા કૃષિમંત્રીની અપીલ: કહ્યું - સરકાર હંમેશ માટે વાતચીત કરવા માટે તૈયાર

ખેડૂતોના મનમાં કૃષિ કાયદાને લઇ શંકા છે તેને દૂર કરવાનો પ્રયાસ કરાશે:કૃષિમંત્રીએ ખેડૂતોને પોતાના ઘરે જવા પણ સૂચન કર્યું

નવી દિલ્હી : દેશમાં કોરોના વાયરસની બીજી લહેરે કાળો કહેર વર્તાવ્યો છે. કોરોના કેસમાં સતત વધારો થઇ જ રહ્યો છે મૃત્યુદર પણ વધી રહ્યો છે. જેને લઇ દિલ્લીની સરહદો પર કૃષિ કાયદાના વિરોધમાં આંદોલન પર બેઠેલા ખેડૂતોને કેન્દ્રીય કૃષિમંત્રી નરેન્દ્રસિંહ તોમરે અપીલ કરી છે.

કૃષિમંત્રીએ કહ્યું કે ખેડૂતો આંદોલન છોડી સરકાર સાથે વાતચીત માટે પહેલ કરે. ખેડૂતો સાથે સરકાર હંમેશ માટે વાતચીત કરવા તૈયાર છે, જો ખેડૂતો આંદોલન સ્થગિત કરી વાતચીત માટે આવશે તો સરકાર તૈયાર છે અને જે ખેડૂતોના મનમાં કૃષિ કાયદાને લઇ શંકા છે તેને દૂર કરવાનો પ્રયાસ કરાશે. સાથે સાથે તેઓએ ખેડૂતોને પોતાના ઘરે જવા પણ સૂચન કર્યું હતું

  અત્રે ઉલ્લેખનીય છે કે છેલ્લા પાંચ મહિનાથી ખેડૂતો કૃષિ કાયદા વિરૂદ્ધ આંદોલન કરી રહ્યાં છે. સરકાર સાથે અનેક બેઠક બાદ પણ કોઇ સમાધાનકારી નિર્ણય થઇ શક્યો નથી. ખેડૂતો પોતાની માગ પર અડગ રહ્યાં છે અને આંદોલન કરી રહ્યાં છે. ત્યારે કોરોનાની સ્થિતિને જોતા કૃષિમંત્રીએ આંદોલન સમેટવાની વાત ખેડૂતો સમક્ષ મુકી છે ત્યારે જોવું રહ્યું કે હવે શું રસ્તો નીકળશે.

(8:27 pm IST)
  • લુલુ ગ્રૂપના ડિરેક્ટર અને ભારતીય મૂળના ઉદ્યોગપતિ યુસુફ અલી એમ.એ.ને અબુધાબીના ક્રાઉન પ્રિન્સ દ્વારા સર્વોચ્ચ નાગરિક સન્માનથી સન્માનિત કરવામાં આવ્યા છે. યુસુફ અલી ઉપરાંત અન્ય 11 લોકોને પણ આ સન્માન આપવામાં આવ્યું છે. આ સન્માન તેમને તેમના સેવાભાવી કાર્યોને કારણે આપવામાં આવ્યું છે. access_time 11:26 pm IST

  • તેલંગણાની વીમા તબીબી સેવા અને રાજ્ય કર્મચારી વીમા વિભાગ સાથે સંકળાયેલા રૂ. 200 કરોડના કૌભાંડ કેસમાં એન્ફોર્સમેન્ટ ડિરેક્ટોરેટે આજે હૈદરાબાદમાં સાત સ્થળો પર દરોડા પાડ્યા હતા. આ દરોડા દરમિયાન આશરે 3 કરોડની રોકડ, આશરે 1 કરોડની કિંમતના ઝવેરાત, કોરા ચેક, પ્રોપર્ટી ડોક્યુમેન્ટ્સ અને બેંકોના ઘણા લોકરો મળી આવ્યા હોવાનું જાણવા મળે છે. આ દરોડા એક પૂર્વ પ્રધાન અને તેના અંગત સહાયકના સબંધીઓ પર પણ પાડવામાં આવ્યા હતા. access_time 11:56 pm IST

  • કોરોનાનો કહેર વધતા ઈરાનમાં 10 દિવસનું લોકડાઉન જાહેર: ઓફિસમાં તેના ત્રીજા ભાગના કર્મચારીઓની હાજરીનો આદેશ: તેહરાન અને દેશના 250 અન્ય શહેરો અને નગરોને ‘રેડ ઝોન’ તરીકે ઘોષિત કરાયા : તમામ ઉદ્યાનો, રેસ્ટોરાં, બેકરીઓ, બ્યુટી પાર્લરો અને મોલ્સ પણ લોકડાઉન હેઠળ આવશે.: શનિવારે ઈરાનમાં 19,600 થી વધુ નવા કેસ નોંધાયા : 193 દર્દીઓનાં મોત નીપજ્યાં access_time 12:56 am IST