Gujarati News

Gujarati News

News of Saturday, 10th April 2021

દેશના વડાપ્રધાન અને રાષ્ટ્રપતિ ખુદ કોવિદ -19 વેક્સીન લેવા હોસ્પિટલે જતા હોય તો રાજ્યના નેતાઓ શા માટે ઘેરબેઠા વેક્સીન લે છે ? : કાયદો બધા માટે સમાન છે : મહારાષ્ટ્રના રાજકીય આગેવાનો સામે બોમ્બે હાઇકોર્ટ ખફા

મુંબઈ : કોવિદ -19 વેક્સીન માટે હજુ ડોર ટુ ડોર કમપેન ચાલુ થયા પહેલા મહારાષ્ટ્રના રાજકીય આગેવાનોએ ઘેરબેઠા વેક્સીન લેવાનું શરૂ કરતા બોમ્બે હાઇકોર્ટે તેઓને ઠપકો આપતા જણાવ્યું છે કે કાયદો બધા માટે સમાન છે.નામદાર કોર્ટે વિશેષમાં જણાવ્યું હતું કે દેશના વડાપ્રધાન અને રાષ્ટ્રપતિ ખુદ કોવિદ -19 વેક્સીન લેવા હોસ્પિટલે જતા હોય તો રાજ્યના નેતાઓ શા માટે ઘેરબેઠા વેક્સીન લે છે ?

મુખ્ય ન્યાયાધીશ દિપાંકર દત્તાની અધ્યક્ષતાવાળી ખંડપીઠે પૂછ્યું હતું કે જ્યારે અન્ય લોકોને આ સુવિધા ન હોય ત્યારે નેતાઓને  ઘરે કયા આધારે રસી અપાય છે. રાજકીય નેતાઓ ઘરે બેઠા વેક્સીન લઇ રહ્યાના વધુ  કિસ્સા સામે આવશે તો યોગ્ય પગલા લેવામાં આવશે.તેવી ચીમકી બોમ્બે હાઇકોર્ટે આપી હતી.

ઉલ્લેખનીય છે કે  મુંબઇ સ્થિત બે વકીલો દ્વારા વરિષ્ઠ નાગરિકો અને ખાસ કરીને  પથારીવશ એવા લોકો માટે ડોર-ટુ-ડોર રસી માંગવાની અરજીની સુનાવણી કરી હતી.તે દરમિયાન રાજકીય નેતાઓ ઘેર બેઠા વેક્સીન લઇ રહ્યા હોવાનું ધ્યાનમાં આવતા ઉપરોક્ત ટિપ્પણી કરી હતી.તેવું  બી.એન્ડ બી.દ્વારા જાણવા મળે છે.

(1:24 pm IST)
  • ભારત વિશ્વમાં 10 કરોડ રસીઓ વહન કરનાર સૌથી ઝડપી દેશ બની ગયો છે. કોરોના વાયરસ સામે રસીકરણ અભિયાનના 85 માં દિવસે શનિવારે ભારતે આ સ્થાન પ્રાપ્ત કર્યું છે. અમેરિકાને આટલી રસી લાવવામાં 89 અને ચીનને 102 દિવસનો સમય લાગ્યો હતો. કેન્દ્રીય આરોગ્ય મંત્રાલયે આ માહિતી આપી હતી. મંત્રાલય મુજબ, દૈનિક રસીકરણના મામલામાં ભારત ટોચ પર છે. access_time 12:22 am IST

  • દેશમાં કોરોનાના કેસમાં ભયાનક ઉછાળો : અત્યાર સુધીના તમામ રેકોર્ડ તૂટ્યા : રાત્રે 12 વાગ્યા સુધીમાં કોરોનાના નવા 1,52,419 કેસ નોંધાયા :કુલ કેસની સંખ્યા 1,33,55,319 :એક્ટિવ કેસ 11,02,316 થયા વધુ 90,237 દર્દીઓ સ્વસ્થ થતા કુલ 1,20,78,242 થયા :વધુ 837 લોકોના મોત સાથે કુલ મૃત્યુઆંક 1,69,304 થયા: દેશમાં સૌથી વધુ મહારાષ્ટ્રમાં નવા 55,411 નવા કેસ નોંધાયા : છત્તીસગઢમાં 14,098 કેસ જયારે ઉત્તર પ્રદેશમાં 12,748 કેસ નોંધાયા access_time 1:03 am IST

  • SII ના આદર પૂનાવાલાના કોરોના રસી ઉત્પાદન ના નિવેદન અંગે એમ્સના ડાયરેક્ટર ડો. રણદીપ ગુલેરિયાએ જવાબ આપતા કહ્યું કે એન્ટી-કોરોના રસી માટેના પુરવઠા વિશે જાણકારી રાખવી એ કોઈ 'રોકેટ સાયન્સ' નથી કે તમારે તેના ઉત્પાદન માટે રાહ જોવી જોઈએ. તેમણે કહ્યું કે રસી નિર્માતાને ઉત્પાદન વિશેની તમામ જાણકારી હોવી જોઈએ. ઉત્પાદકોને ફક્ત ભારત જ નહીં, પરંતુ બાકીના વિશ્વને પણ સપ્લાય (જરૂરિયાત) વિશે જાગૃત હોવું જોઈએ. એમ કહેવા માટે કે તેઓ હવે ઉત્પાદન શરૂ કરશે, તે આશ્ચર્યજનક છે. access_time 11:48 pm IST