Gujarati News

Gujarati News

News of Saturday, 10th April 2021

દિલ્હીમાં કોરોના બેફામ બન્યો :નવા રેકોર્ડબ્રેક 8521 કેસ નોંધાયા : વધુ 39 દર્દીઓના મોત

બાળકોમાં વધતા સંક્રમણથી ડોકટરો ચિંતિત

નવી દિલ્હી : દેશની રાજધાની દિલ્હીમાં કોરોના સંક્રમણ હવે પહેલા કરતા પણ વધુ જીવલેણ બની રહ્યો છે. દિલ્હીમાં કોરોના સંક્રમણના નવા કેસો ઝડપથી વધી રહ્યા છે. શુક્રવારે રાજધાની દિલ્હીમાં કોરોનાના 8521 નવા કેસ નોંધાયા હતા, જ્યારે કે સારવાર દરમિયાન 39 લોકોનાં મોત નીપજ્યાં હતાં. આરોગ્ય વિભાગે જણાવ્યું કે આજે 5032 લોકો સ્વસ્થ થયા પછી ઘરે પરત ફર્યા છે.

હાલમાં દિલ્હીમાં દર્દીઓની કુલ સંખ્યા 7,06,526 સુધી પહોંચી ગઈ છે, જેમાંથી 6,68,699 જેટલા લોકો સ્વસ્થ બની ગયા છે. અત્યાર સુધીમાં કુલ 11,196 લોકોનાં મોત નીપજ્યાં છે અને એક્ટિવ કેસની સંખ્યા વધીને 26,631 થઈ ગઈ છે.

ડબલ મ્યુટેશન અને નવા સ્ટ્રેઇનના કારણે, કોરોનાનો નવો વાયરસ હવે યુવાનો તેમજ નાના બાળકોને પણ સંક્રમિત કરી રહ્યો છે. છેલ્લા એક અઠવાડિયામાં કોરોનાનું સંક્રમણ થયા પછી પાંચ બાળકોને દિલ્હી સરકારની લોક નાયક હોસ્પિટલમાં દાખલ કરવામાં આવ્યા છે, જેનાથી ડોકટરોની ચિંતા પણ વધી છે.

દિલ્હીની એક હોસ્પિટલના બાળરોગ નિષ્ણાત ડોકટરે જણાવ્યું હતું કે છેલ્લા 1 અઠવાડિયામાં જે બાળકોને દાખલ કરવામાં આવ્યા છે. તેમાંથી બે બાળકો ત્રણ મહિનાથી પણ નાના છે. તે જ સમયે, અન્ય ત્રણ બાળકો એક વર્ષથી ઓછી ઉંમરના છે. જો કે, બધા શિશુમાં સંક્રમણના ખૂબ જ હળવા સંકેતો છે. તેમણે કહ્યું કે બાળક વાયરસના નવા સ્ટ્રેઇનથી પીડિત હોઈ શકે છે, કારણ કે છેલ્લા એક વર્ષમાં આ વય જૂથના કોઈ પણ બાળકને ચેપ લાગ્યો ન હતો અને હોસ્પિટલમાં દાખલ કરવામાં આવ્યો ન હતો

(11:18 pm IST)
  • મધ્યપ્રદેશના અમુક શહેરોમાં 10 દિવસનું લોકડાઉન : ઇન્દોર, બરવાની, રાજગઢ , વિદિશા (અર્બન-રૂરલ), રાઉ નગર, મહુનગર ,શાજપુર, તથા ઉજ્જૈનમાં 19 એપ્રિલ સવારના 6 વાગ્યા સુધી લોકડાઉન લંબાવાયું : બાલાઘાટ, નરસિંહપુર, સિઓની અને જબલપુરમાં 12 એપ્રિલથી 22 એપ્રિલ સુધી લોકડાઉન ઘોષિત કરાયું : ચીફ મિનિસ્ટર શિવરાજસિંહ ચૌહાણની બેઠકમાં લેવાયેલો નિર્ણય access_time 8:57 pm IST

  • SII ના આદર પૂનાવાલાના કોરોના રસી ઉત્પાદન ના નિવેદન અંગે એમ્સના ડાયરેક્ટર ડો. રણદીપ ગુલેરિયાએ જવાબ આપતા કહ્યું કે એન્ટી-કોરોના રસી માટેના પુરવઠા વિશે જાણકારી રાખવી એ કોઈ 'રોકેટ સાયન્સ' નથી કે તમારે તેના ઉત્પાદન માટે રાહ જોવી જોઈએ. તેમણે કહ્યું કે રસી નિર્માતાને ઉત્પાદન વિશેની તમામ જાણકારી હોવી જોઈએ. ઉત્પાદકોને ફક્ત ભારત જ નહીં, પરંતુ બાકીના વિશ્વને પણ સપ્લાય (જરૂરિયાત) વિશે જાગૃત હોવું જોઈએ. એમ કહેવા માટે કે તેઓ હવે ઉત્પાદન શરૂ કરશે, તે આશ્ચર્યજનક છે. access_time 11:48 pm IST

  • તેલંગણાની વીમા તબીબી સેવા અને રાજ્ય કર્મચારી વીમા વિભાગ સાથે સંકળાયેલા રૂ. 200 કરોડના કૌભાંડ કેસમાં એન્ફોર્સમેન્ટ ડિરેક્ટોરેટે આજે હૈદરાબાદમાં સાત સ્થળો પર દરોડા પાડ્યા હતા. આ દરોડા દરમિયાન આશરે 3 કરોડની રોકડ, આશરે 1 કરોડની કિંમતના ઝવેરાત, કોરા ચેક, પ્રોપર્ટી ડોક્યુમેન્ટ્સ અને બેંકોના ઘણા લોકરો મળી આવ્યા હોવાનું જાણવા મળે છે. આ દરોડા એક પૂર્વ પ્રધાન અને તેના અંગત સહાયકના સબંધીઓ પર પણ પાડવામાં આવ્યા હતા. access_time 11:56 pm IST