Gujarati News

Gujarati News

News of Wednesday, 10th February 2021

ખેડૂતોની કેંદ્રમાં સત્તા પલટો નહીં માત્ર કૃષિ કાયદા પરત લેવાની જ માગ છે: રાકેશ ટિકૈત

ભાજપે ક્યારેય કોઈ પણ આંદોલન કર્યું નથી, માત્ર લોકોની ભાવનાઓ ભડકાવીને વોટ મેળવીને દેશની ગાદીએ બેસી ગયા છે

નવી દિલ્હી : એક તરફ વડાપ્રધાન ખેડૂતોને આંદોલન બંધ કરવા અપીલ કરે છે ત્યારે ખેડૂત નેતાઓ વધુ આક્રમક બનતા જણાય છે. ખેડૂત નેતા રાકેશ ટિકૈતે આજે કેન્દ્રમાં સત્તારૂઢ ભાજપ પક્ષ પર સીધો અને આકરો પ્રહાર કર્યો હતો. રાકેશ ટિકૈતે કહ્યું હતું કે ભાજપે ક્યારેય કોઈ પણ આંદોલન કર્યું નથી અને માત્ર લોકોની ભાવનાઓ ભડકાવીને વોટ મેળવીને દેશની ગાદીએ બેસી ગયા છે. રાકેશ ટિકૈતે કહ્યું હતું કે સરકાર ખેડૂતોને ચક્રવ્યૂહમાં ફસાવવાની કોશિશ કરી રહી છે. આ પ્રકારની રાજનીતિ સરકારે ખેડૂતો સાથે ન કરવી જોઈએ. સરકાર આ મુદ્દાનો નિકાલ કરવા નથી માંગતી અને તેથી તે તેને ભટકાવવા માંગે છે. સરકાર ત્રણેય કૃષિ કાયદાઓને પરત ખેંચે અને એમએસપી પર કાયદો બનાવે અમારા માટે એટલું જ પુરતુ છે. અમે કેંદ્રમા રહેલી સરકારને બદલવા ઇચ્છતા નથી.

ભાજપ પર નિશાન સાધતાં ટિકૈતે કહ્યું કે જ્યારે અડવાણી અને જોશી અયોધ્યામાં હતા ત્યારે ભીડને કેમ નિયંત્રિત ન કરી શક્યા? કોઈ પણ બેરીકેડ ભીડને નથી રોકી શકતા, પીએમ મોદીએ અમને આંદોલનજીવી કહીને સારું કર્યું છે, ગાંધીજી અને ભગતસિંહ પણ આંદોલનજીવી હતા, પબ્લિકમાં તો મેસેજ ગયો કે જે આંદોલન કરશે તે આંદોલનજીવી છે. ટિકૈતે વધુમાં કહ્યું હતું કે જે લોકોએ ઉત્પાત મચાવ્યો હતો તે આજે જેલના સળિયા પાછળ છે, અમે માત્ર એટલું ઇચ્છીએ છીએ કે એમએસપી પર કાયદો બની જાય, કૃષિ કાયદા પરત ખેંચવામાં આવે, અને ખેડૂતો પર નોંધવામાં આવેલા કેસ રદ્દ કરવામાં આવે.

(11:14 pm IST)
  • રાજકોટ જીલ્લા પંચાયતની ૩૬ બેઠકોમાં ફોર્મ ભરવાના શ્રીગણેશ : આજે બપોરે અઢી વાગ્યે રાજકોટ જીલ્લા પંચાયતની ૧૪ - કસ્તુરબાધામ બેઠક ઉપર બીએસપીએ ઝૂકાવ્યુ છે : પક્ષમાં કરશનભાઈ લક્ષ્મણભાઈ પરમારે રીટર્નીંગ ઓફીસર ચરણસિંહ ગોહીલ સમક્ષ ફોર્મ રજૂ કર્યુ હતું : રાજકોટ જીલ્લા પંચાયત ચૂંટણીમાં બસપાએ ખાતુ ખોલાવ્યુઃ ૧ ફોર્મ ભરાયું : જીલ્લા પંચાયતની ચૂંટણી માટે આજે ૧૪-કસ્તુરબાધામ (ત્રંબા)માંથી બસપાના કરશનભાઈ લક્ષ્મણભાઈ પરમારે ફોર્મ ભર્યુ access_time 3:56 pm IST

  • મહારાષ્ટ્ર: થાણે (વેસ્ટ) ના મુલુંડ ચેક નાકા પાસે મોડેલ્લા કોલોનીમાં મોદી સાંજે ભયંકર આગ ફાટી નીકળી છે. ટ્રાફિક પોલીસ અધિકારીઓ અને અગ્નિશમન તંત્રે સ્થળ પર પહોંચીને બચાવ કામગીરી ચાલુ કરી છે. હજી સુધી કોઈ જાનહાનિના અહેવાલ થઈ નથી. access_time 9:15 pm IST

  • કેન્દ્ર શાસિત પ્રદેશ દાદરા નગર હવેલી, દમણ અને દીવ સંપૂર્ણપણે કોરોના મુક્ત સંઘ પ્રદેશ બન્યા: સમગ્ર દેશમાં સૌથી વધુ રિકવરી રેટ સાથે સંઘ પ્રદેશ અગ્રેસર :દિવમાં પ્રવાસન શરૂ હોવા છતાં 100 ટકા રિકવરી રેટ : સંઘ પ્રદેશ વહીવટી તંત્રે નાગરિકોના સહયોગને બિરદાવ્યો access_time 12:00 pm IST