Gujarati News

Gujarati News

News of Wednesday, 10th February 2021

સંપૂર્ણ ખાનગીકરણ તરફ સાંકેતિક ઈશારો કરતા નરેન્દ્રભાઈ : પીએમએ પૂછ્યું -બાબુના હાથમાં દેશ આપીને શું કરીશું?

ઇએએસ બની જાય તો ફર્ટિલાઇઝરનું કારખાનું ચલાવશે? કેમિકલ ફેક્ટરી ચલાવશે? હવાઈ જહાજ ચલાવશે? યુવાન પણ દેશના જ છે. આપણે યુવાની તાકાતનો વધુ લાભ લેવો જોઈએ.

વડાપ્રધાન નરેન્દ્રભાઈ  મોદીએ લોકસભામાં પોતાના સંબોધનમાં સંપૂર્ણ ખાનગીકરણ તરફ સાંકેતિક ઈશારો કરતા કહ્યું હતું કે વેલ્થ ક્રિએટર દેશ માટે જરૂરી હોય છે. દેશનું સામર્થ્ય વધારવા માટે અમુક યોગદાન અત્યંત મહત્વનું છે. કાશ્મીરથી લઈને કન્યાકુમારી સુધી દરેક ભારતીયનો પરએવો પડવો જોઇએ, ત્યારે દેશ આગળ વધે છે.

વડાપ્રધાને ઉદાહરણ આપતા કહ્યું હતું કે, મોબાઈલ મેન્યુફેક્ચરિંગને પ્રોત્સાહિત કર્યું અનેક મોબાઈલ કંપનીઓ આવી. આજે ગરીબના ઘરમાં પણ સ્માર્ટફોન ઉપલબ્ધ છે. ટેલિકોમ સેક્ટરમાં સ્પર્ધા ઊભી કરવામાં આવી. આજે હિન્દુસ્તાનમાં સસ્તો ડેટા પણ મળે છે. શું ભારતમાં તમામ વેક્સિન નિર્માતા સરકારી છે? આપણે ખાનગીકરણને નકારી દઈએ તો તે ખોટું હશે. આપણે આપણા યુવાનો ઉપર ભરોસો હોવો જોઈએ. દરેકને તક આપવી જોઈએ. કોઈને પણ ગાળો દેવી કે બેઈમાન કહેવુ અયોગ્ય છે.દુનિયા હવે બદલી ચૂકી છે. સમાજમાં તાકાત છે. દેશમાં તાકાત છે. દરેકને માત્ર તક મળવી જોઈએ.

 નરેન્દ્રભાઈએ કહ્યું હતું કે ખાનગીકરણ વખોડવું કે તેના માટે ખરાબ ભાષા વાપરવી એ ભૂતકાળમાં વોટબેન્ક માટે કરાતું હતું પરંતુ હવે એ ચાલી શકે તેમ નથી

વડાપ્રધાને વધુ વાત કરતાં કહ્યું હતું કે તેમણે વેલ્થ ક્રિએટરની જરૂર કેટલી છે એ લાલ કિલ્લા ઉપરથી પણ કહ્યું હતું .વેલ્થેથી ગરીબીનો પણ ઘટાડો થશે અને નવા રોજગારી ઉત્પન્ન થશે. મોદીએ બાબુને ટાર્ગેટ કર્યો હોય એવી રીતે કહ્યું હતું કે તમામ વસ્તુઓ બાબુ કરશે શું? આઇએએસ બની જાય તો ફર્ટિલાઇઝરનું કારખાનું ચલાવશે? કેમિકલ ફેક્ટરી ચલાવશે? હવાઈ જહાજ ચલાવશે? બાબુના હાથમાં દેશ આપીને આપણે શું કરીશું? બાબુ દેશના છે એવી રીતે યુવાન પણ દેશના જ છે. આપણે યુવાની તાકાતનો વધુ લાભ લેવો જોઈએ.

(9:28 pm IST)
  • જહોન્સન એન્ડ જહોન્સનને ભારતમાં વેકિસન બનાવવી છે ભારતે કહ્યુ છે કે જહોન્સન એન્ડ જહોન્સન કંપની ભારતમાં તેની કોવિડ વેકસીનનું ઉત્પાદન કરવા માંગે છે access_time 10:15 am IST

  • દેશમાં કોરોના થાક્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો: રાત્રે 11 વાગ્યા સુધીમાં કોરોનાના નવા 10,510 કેસ નોંધાયા :કુલ કેસની સંખ્યા 1, 08,58,300 થઇ :એક્ટિવ કેસ 1,38,834 થયા: વધુ 12,699 દર્દીઓ સ્વસ્થ થતા કુલ 1,05 ,59, 604 થયા :વધુ 85 લોકોના મોત સાથે કુલ મૃત્યુઆંક 1,55,280 થયા access_time 1:06 am IST

  • મહારાષ્ટ્ર: થાણે (વેસ્ટ) ના મુલુંડ ચેક નાકા પાસે મોડેલ્લા કોલોનીમાં મોદી સાંજે ભયંકર આગ ફાટી નીકળી છે. ટ્રાફિક પોલીસ અધિકારીઓ અને અગ્નિશમન તંત્રે સ્થળ પર પહોંચીને બચાવ કામગીરી ચાલુ કરી છે. હજી સુધી કોઈ જાનહાનિના અહેવાલ થઈ નથી. access_time 9:15 pm IST