Gujarati News

Gujarati News

News of Wednesday, 10th February 2021

દિલ્હીના લાલ કિલ્લા હિંસાના આરોપી ઇકબાલ સિંહના સાત દિવસના પોલીસ રિમાન્ડ થયા મંજૂર

પોલીસે તેના 10 દિવસના રિમાન્ડની માંગ કરી હતી.

નવી દિલ્હી :પ્રજાસત્તાક પર્વના દિવસે રાજધાની દિલ્હીમાં ખેડૂતોની ટ્રેક્ટર પરેડ દરમિયાન થયેલી હિંસાના આરોપીઓ એક બાદ એક પોલીસ પકડમાં આવી રહ્યા છે. દિલ્હી ષડયંત્રના મુખ્ય આરોપી દીપ સિદ્ધુની ધરપકડ કર્યા બાદ ગઇ કાલે પોલીસે અન્ય એક આરોપી ઇકબાલ સિંહની ધરપકડ કરી હતી.

ઇકબાલ સિંહની ધરપકડ બાદ આજે પાંચ વાગ્યે દિલ્હી પોલીસે તેને તીસ હજારી કોર્ટમાં રજૂ કર્યો હતો. તીસ હજારી કોર્ટમાં આરોપીને રજૂ કરીને પોલીસે તેના 10 દિવસના રિમાન્ડની માંગ કરી હતી. જો કે કોર્ટ દ્વારા ઇકબાલ સિંહના સાત દિવસના પોલીસ રિમાન્ડ મંજૂર કરવામાં આવ્યા છે. કોર્ટમાં જજ દ્વારા પુછવામાં આવ્યું કે ઇકબાલ સિંહ તરફથી કોણ વકીલ છે? જ્યારે પોલીસે જણાવ્યું કે તેમની તરફથી કોઇ વકીલ નથી ત્યારે કોર્ટે સરકારી વકીલ આપવાનો આદેશ કર્યો.

પોલીસે કોર્ટ સમક્ષ દલીલ કરતા જણાવ્યું કે ઇકબાલ પણ હિંસાના મુખ્ય ષડયંત્રકારોમાંથી એક છે. તે પંજાબનો રહેવાસી છે અને સોશિયલ મીડિયા પર તેના 100 જેટલા વીડિયો મળ્યા છે. આ તમામ વીડિયોને લઇને તેની પૂછપરછ કરવાની જરુર છે. જે લોકો તેની સાથે આવ્યા હતા, તેઓ કોણ છે અને કોની સાથે જોડાયેલા છે? સાથે તે જાણવું પણ જરુરી છે કે દીપ સિદ્ધુ અને તેની વચ્ચે શું જોડાણ છે?

પોલીસે કોર્ટમાં જણાવ્યું કે 26 જાન્યુઆરીની હિંસા અચાનક થઇ નથી પરંતુ તેના માટે પહેલાથી જ ષડયંત્ર બનાવવામાં આવ્યું હતું. આ સિવાય તે જાણવું પણ જરુરી છે કે તે ક્યા મીડિયા હાઉસ અને રાજનૈતિક દળો સાથે જોડાયેલ છે. કોર્ટે પોલીસની આ દલીલ સાંભળીને સાત દિવસના રિમાન્ડની મંજૂરી આપી છે.

(9:06 pm IST)
  • મહારાષ્ટ્ર: થાણે (વેસ્ટ) ના મુલુંડ ચેક નાકા પાસે મોડેલ્લા કોલોનીમાં મોદી સાંજે ભયંકર આગ ફાટી નીકળી છે. ટ્રાફિક પોલીસ અધિકારીઓ અને અગ્નિશમન તંત્રે સ્થળ પર પહોંચીને બચાવ કામગીરી ચાલુ કરી છે. હજી સુધી કોઈ જાનહાનિના અહેવાલ થઈ નથી. access_time 9:15 pm IST

  • દેશમાં કોરોના થાક્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો: રાત્રે 11 વાગ્યા સુધીમાં કોરોનાના નવા 10,510 કેસ નોંધાયા :કુલ કેસની સંખ્યા 1, 08,58,300 થઇ :એક્ટિવ કેસ 1,38,834 થયા: વધુ 12,699 દર્દીઓ સ્વસ્થ થતા કુલ 1,05 ,59, 604 થયા :વધુ 85 લોકોના મોત સાથે કુલ મૃત્યુઆંક 1,55,280 થયા access_time 1:06 am IST

  • રાજકોટ મહાપાલિકા ચૂંટણીઃ હવે બુથ દીઠ ૪૦ને બદલે ૨૫ હજારનો ખર્ચઃ કોરોના અંગે હવે માત્ર મતદારો માટે મોજા લેવાનાઃ બાકીની તમામ વસ્તુઓ ગાંધીનગરથી આવશે : રાજકોટ મહાનગરપાલિકા ચૂંટણીમાં રાજ્ય ચૂંટણી પંચ દ્વારા ખર્ચના અસરકારક પગલાઃ હવે બુથ દીઠ ૪૦ને બદલે ૨૫ હજારનો ખર્ચઃ કોરોના સંદર્ભે હાથમોજા અને શોપ બોકસ લેવાના રહેશેઃ બાકી સેનેટાઈઝર, ફેસશિલ્ડ, માસ્ક વિગેરે તમામ વસ્તુ ગાંધીનગરથી ડાયરેકટ ફાળવાશેઃ રાજ્ય ચૂંટણી પંચ તરફથી આવેલી સૂચના access_time 3:05 pm IST