Gujarati News

Gujarati News

News of Wednesday, 10th February 2021

૧૮ વર્ષ પહેલા કાળિયાર કેસમાં કોર્ટને ખોટી એફિડેવિટ આપનાર સલમાને હવે માફી માગી

હથીયાર લાયસન્સ ખોવાઇ ગયાની એફિડેવિટ કરેલી, પણ હકિકતે લાયસન્સ મુંબઇ પોલીસે ડિટેઇન કર્યુ હતું: અરજીની આવતી કાલે થશે સુનાવણી

જોધપુર તા. ૧૦:  કાળિયાર શિકાર કેસમાં ફસાયેલા સલમાન ખાન સામે વધુ એક નવી સમસ્યા આવી છે. તાજેતરમાં જોધપુર અદાલત સામે તેણે ખોટી એફિડેવિટ ફાઈલ કરવાના કેસમાં હાજર થવું પડયું હતું. તે વીડિયો કોન્ફરન્સિંગની મદદથી કોર્ટ સામે હાજર રહ્યો હતો. કોર્ટની કામગીરી દરમિયાન સલમાનના વકીલ હસ્તીમલ સારસ્વતે જણાવ્યું હતું કે, આ કેસમાં ૨૦૦૩માં ભૂલથી ખોટી એફિડેવિટ ફાઈલ કરી દેવાઈ હતી. આ મુદ્દે સલમાન ખાન માફી માગી રહ્યો છે.

કોર્ટે તેને માફી આપી દેવી જોઈએ. જો કે કોર્ટે આ મુદ્દે કોઈ પ્રતિક્રિયા આપી નહોતી. હવે આ કેસમાં સુનાવણી આવતી કાલે ૧૧ ફેબ્રુઆરીના રોજ થવાની છે. ઉલ્લેખનીય છે કે, કાળિયાર શિકાર કેસમાં કોર્ટે હથિયારનું લાઈસન્સ માગ્યું ત્યારે સલમાને લાઈસન્સ ખોવાઈ ગયાનું કહીને ખોટી એફિડેવિટ જમા કરાવી હતી. જો કે એ સમયે જ સલમાનનું લાયસન્સ મુંબઇ પોલીસના મુખ્ય કાર્યાલયમાં ડિટેઇન કરાયેલું હતું.

સરકારી વકિલ ભવાનીસિંહ ભાટીએ  એક અરજી ર્કોમાં રજૂ કરી સલમાન ખાન પર કોર્ટને ગુમરાહ કરવાનો ગુનો નોંધવાની માંગણી કરી છે. આવતી કાલે સલમાન તરફેની અરજીની સુનાવણી વખતે શું થશે એ તરફ સમગ્ર બોલીવૂડ અને કરોડો ફિલ્મીચાહકોની મીટ છે.

(12:50 pm IST)
  • મહાકાલેશ્વર મંદિરની ભસ્મ આરતીના દર્શન 15 માર્ચથી કરી શકાશે : ઉજ્જૈનમાં આવેલા સુપ્રસિદ્ધ જ્યોતિર્લિંગ મહાકાલેશ્વરમાં દરરોજ સવારે થતી ભસ્મ આરતીમાં દર્શનાર્થીઓને શામેલ થવા દેવા કમિટીનો નિર્ણય : શયન આરતીના દર્શનનો સમય રાત્રીના 10-15 વાગ્યા સુધીનો કરાયો access_time 6:42 pm IST

  • કોંગ્રેસ પછી ભાજપે પણ થ્રી લાઇનનો વ્હીપ આપ્યો આજે સંસદમાં આખો દિવસ હાજર રહેવા અને સરકારના સ્ટેન્ડને સમર્થન આપવા ભાજપે તેના સંસદ સભ્યોને થ્રી લાઇન વ્હીપ આપેલ છે. access_time 10:16 am IST

  • ઇન્ડીગોના નવા સીએફઓ ચોપ્રા ઇન્ડીગોના સીએફઓ આદિત્ય પાંડેએ રાજીનામુ આપતા નવા સી.એફ.ઓ તરીકે જીતેન ચોપ્રાની વરણી ૨૨ ફેબ્રુઆરીથી ચાર્જ સંભાળશે access_time 10:15 am IST