Gujarati News

Gujarati News

News of Wednesday, 10th February 2021

ચીનની લોનજાળમાં ભૂંડી રીતે ફસાયેલુ પાકિસ્તાન નથી ચુકવી શકતુ હપ્તા : હવે રહેમની ભીખ માંગવા : કાલાવાલા

ઇસ્લામાબાદ,તા.૧૦: બેલ્ટ એન્ડ રોડ ઇનીશીએટીવ અંગે ચીનના ઝાંસામાં આવી ગયેલ પાકિસ્તાન બહુ ખરાબ રીતે ફસાઇ ગયુ છે. પાવર પ્રોજેકટ માટે ૮ વર્ષમાં કેટલીય લોન લેનાર પાકિસ્તાન હવે હપ્તા નથી ચુકવી શકતુ. એટલે હવે તે પોતાના કહેવાતા 'સદાબહાર દોસ્ત' પાસે રાહત માંગવાની તૈયારીમાં છે. જો કે આ પહેલા કેટલાય નાનકડા દેશો ચીનની આ ચાલમાં ફસાઇને પોતાનું ઘણુ બધુ ગુમાવી ચૂકયા છે.

આ બાબતની માહિતી ધરાવતા એક શખ્સ અનુસાર, લગભગ ડઝન પાવર પ્લાંટસ માટે લોનના હપ્તા ચૂકવવામાં રાહત માટે પાકિસ્તાન અને ચીન વચ્ચે અનૌપચારિક વાતચીત થઇ છે. નામ ન છાપવાની શરતે તેણે જણાવ્યુ કે ઇસ્લામાબાદે અત્યાર સુધી ઔપચારિક રીતે કોઇ અપિલ નથી કરી.પાકિસ્તાને વીજળીના અછતને દૂર કરવા માટે ચીન પાસેથી લોન લઇને આ પાવર પ્રોજેકટો સ્થાપ્યા હતા પણ ઉત્પાદન જરૂરિયાત કરતા વધારે થવા લાગ્યુ. જે પાકિસ્તાનને પોષાય તેમ નથી શ્રીલંકાથી માંડીને મલેશીયા સુધીના કેટલાય દેશો ચીનની ભારે લોનોના કારણે નુકસાન ભાગેવી ચૂકયા છે. ચીનના વિદેશ અને નાણા મંત્રાલયથી માંડીને પાકિસ્તાનના પાવર વિભાગ સુધીના બધાએ આ મામલામાં કંઇ પણ કહેવાનો ઇન્કાર કર્યો છે.ગયા વર્ષે ચીને ૧૫ આફ્રિકન દેશોને ૨૦૨૦ અંત સુધી લોન પેમેન્ટમાં રાહત આપી હતી. બેલ્ટ એન્ડ રોડ પ્રોગ્રામ હેઠળ પાકિસ્તાનને ગયા વર્ષે ૧૧ અબજ ડોલરના પ્રોજેકટ પર સહી કરી છે. જેમાંથી મોટાભાગના દેશની રેલ્વેની સુધારણા માટે છે. ચીનની લોનથી પાકિસ્તાને પાવર સપ્લાયમાં મદદ તો મળી પણ તેનાથી જરૂરિયાત કરતા વધારે વીજળી ઉત્પન્ન થવા લાગી. હવે પાકિસ્તાન સરકાર માટે તે માથાનો દુખાવો બની ગયુ છે. કેમ કે તે જ આ વીજળીની ખરીદનાર છે અને આ પાવર સ્ટેશનો ઉત્પાદન ન કરે તો પણ તેને પૈસા ચૂકવવા પડે છે.

(11:36 am IST)
  • જહોન્સન એન્ડ જહોન્સનને ભારતમાં વેકિસન બનાવવી છે ભારતે કહ્યુ છે કે જહોન્સન એન્ડ જહોન્સન કંપની ભારતમાં તેની કોવિડ વેકસીનનું ઉત્પાદન કરવા માંગે છે access_time 10:15 am IST

  • કેન્દ્ર શાસિત પ્રદેશ દાદરા નગર હવેલી, દમણ અને દીવ સંપૂર્ણપણે કોરોના મુક્ત સંઘ પ્રદેશ બન્યા: સમગ્ર દેશમાં સૌથી વધુ રિકવરી રેટ સાથે સંઘ પ્રદેશ અગ્રેસર :દિવમાં પ્રવાસન શરૂ હોવા છતાં 100 ટકા રિકવરી રેટ : સંઘ પ્રદેશ વહીવટી તંત્રે નાગરિકોના સહયોગને બિરદાવ્યો access_time 12:00 pm IST

  • ઇન્ડીગોના નવા સીએફઓ ચોપ્રા ઇન્ડીગોના સીએફઓ આદિત્ય પાંડેએ રાજીનામુ આપતા નવા સી.એફ.ઓ તરીકે જીતેન ચોપ્રાની વરણી ૨૨ ફેબ્રુઆરીથી ચાર્જ સંભાળશે access_time 10:15 am IST