Gujarati News

Gujarati News

News of Wednesday, 10th February 2021

કૃષિ આંદોલનમાં નવી રણનિતિ : દર અઠવાડીએ આંદોલનકારી બદલાતા રહેશે

કોઇને જાજો થાક ન લાગે અને આંદોલનનો કડપ એવોને એવો જળવાઇ રહે તેવો આશય

નવી દિલ્હી તા. ૧૦ : કૃષિ કાનુનના વિરોધમાં કુંડલી બોર્ડર પર ચાલી રહેલ આંદોલનને લઇને હવે રણનીતિ બદલાઇ રહી છે. આંદોલન લાંબુ ચાલશે તે જોતા પ્રદર્શનકારીઓએ નવી રણનીતિ તૈયાર કરી છે. જેમાં આંદોલનમાં ભીડ પણ જળવાઇ રહે અને આંદોલનકારીઓને આરામ પણ મળતો રહે. મતલબ ધરણામાં બેસેલા પ્રત્યેક આંદોલનકારીઓની ડયુટી દર સપ્તાહે બદલાતી રહેશે.

પ્રદેશના દરેક ગામોમાંથી દર અઠવાડીયે ૫૦-૫૦ લોકોની ટુકડીઓ ધરણા માટે મોકલવામાં આવે તેવી રણનીતી તૈયાર કરવામાં આવી રહી છે. આ લોકો ધરણા સ્થળે પહોંચે એટલે ત્યાં બેસેલા લોકોને તેમના ઘરે આરામ કરવા મોકલી દેવાશે. આમ આંદોલનની કડપ એવીને એવી જળવાઇ રહે તેવી વિચારણા કરવામાં આવી છે.

ભારતિય કિસાન યુનિયન (ચઢુની) ના પ્રદેશ અધ્યક્ષ ગુરૂનામ ચઢુનીએ જણાવેલ કે આ વિચાર પર કામ શરૂ કરી દેવાયુ છે. આવા આયોજનથી કોઇ એક વ્યકિતને જાજો સમય થાક નહી સહવો પડે. વળી આંદોલનની તાકાત પણ એવીને એવી જળવાઇ રહેશે.

ઉલ્લેખનીય છે કે ચઢનીએ હવે દલિત સમાજના લોકો પાસે પણ સહયોગની અપીલ કરી છે.

બીજી તરફ સોનીપતના દહિયા, આંતિલ અને ખાપોના સભ્યો સંબંધિત ગામોમાંથી ફાળો એકત્રીત કરી લંગરની વ્યવસ્થામાં લાગી ગયા છે. ગામ ખેવડાથી સર્વ સમાજના સહયોગથી ૪ લાખ જેવી રકમ પણ એકત્ર કરાઇ છે. આંતિલ ખાંપના લંગરને સહયોગમાં વપરાશે.

(11:35 am IST)
  • જહોન્સન એન્ડ જહોન્સનને ભારતમાં વેકિસન બનાવવી છે ભારતે કહ્યુ છે કે જહોન્સન એન્ડ જહોન્સન કંપની ભારતમાં તેની કોવિડ વેકસીનનું ઉત્પાદન કરવા માંગે છે access_time 10:15 am IST

  • કેન્દ્ર શાસિત પ્રદેશ દાદરા નગર હવેલી, દમણ અને દીવ સંપૂર્ણપણે કોરોના મુક્ત સંઘ પ્રદેશ બન્યા: સમગ્ર દેશમાં સૌથી વધુ રિકવરી રેટ સાથે સંઘ પ્રદેશ અગ્રેસર :દિવમાં પ્રવાસન શરૂ હોવા છતાં 100 ટકા રિકવરી રેટ : સંઘ પ્રદેશ વહીવટી તંત્રે નાગરિકોના સહયોગને બિરદાવ્યો access_time 12:00 pm IST

  • રાજકોટ જીલ્લા પંચાયતની ૩૬ બેઠકોમાં ફોર્મ ભરવાના શ્રીગણેશ : આજે બપોરે અઢી વાગ્યે રાજકોટ જીલ્લા પંચાયતની ૧૪ - કસ્તુરબાધામ બેઠક ઉપર બીએસપીએ ઝૂકાવ્યુ છે : પક્ષમાં કરશનભાઈ લક્ષ્મણભાઈ પરમારે રીટર્નીંગ ઓફીસર ચરણસિંહ ગોહીલ સમક્ષ ફોર્મ રજૂ કર્યુ હતું : રાજકોટ જીલ્લા પંચાયત ચૂંટણીમાં બસપાએ ખાતુ ખોલાવ્યુઃ ૧ ફોર્મ ભરાયું : જીલ્લા પંચાયતની ચૂંટણી માટે આજે ૧૪-કસ્તુરબાધામ (ત્રંબા)માંથી બસપાના કરશનભાઈ લક્ષ્મણભાઈ પરમારે ફોર્મ ભર્યુ access_time 3:56 pm IST