Gujarati News

Gujarati News

News of Wednesday, 10th February 2021

દેશના 15 રાજ્યો અને કેન્દ્ર શાસિત પ્રદેશમાં છેલ્લા 24 કલાકમાં કોરોનાના કારણે એકપણ મોત નહીં

દેશનો રિકવરી રેટ 97.20 ટકા થયો : અમેરિકા, બ્રિટન, રશિયા, બ્રાઝિલ અને જર્મનીનો રિકવરી રેટ ભારત કરતા ઓછો

નવી દિલ્હી : દેશના 15 રાજયો અને કેન્દ્ર શાસિત પ્રદેશની અંદર કોરોના વાયરસના કારણે છેલ્લા 24 કલાકમાં એક પણ મોત થયું નથી. સાત રાજ્યો અને કેન્દ્રશાસિત પ્રદેશો એવા પણ છે, જ્યાં છેલ્લા સાત અઠવાડિયામાં કોરોનાના કારણે એક પણ વ્યક્તિનું મોત થયું નથી. આ સમાચાર ભારત માટે ઘણા રાહતના છે. એક સમયે કોરોના મહામારીના વિકરાળ સ્વરુપનો સામનો કરા રહેલા ભારતમાં હવે કોરોનાના વળતા પાણી થયા છે.

એક તરફ દેશમાં કોરોના વાયરસ સામે વિશ્વનું સૌથી મોટું રસીકરણ અભિયાન ચાલી રહ્યું છે. ત્યારે બીજી તરફ કોરોના કેસ અને તેના કારણે થતા મૃત્યુમાં ઘટાડો થયો છે. કેન્દ્રિય સ્વાસ્થ્ય મંચત્રાલયના સચિવ રજેશ ભૂષણ દ્વારા મંગળવારે આ માહિતિ આપવામાં આવી છે.

ભારતમાં દરરોજ આવતા કોરોના કેસમાં પણ ઘટાડો થયો છે. મંત્રાલય દ્વારા જણાવવામાં આવ્યું છે કે કોરોના વાયરસના પ્રતિદિન આવતા કેસમાં ઘટાડો અને લોકોના સાજા થવાના દરમાં વધારો થયો છે. જેના કારણે સારવાર હેઠળ રહેલા લોકોની સંખ્યા ઘટી છે. મંત્રાલયે જણાવ્યું કે જાન્યુઆરીના બીજા અઠવાડિયામાં કોરોના વાયરસના કારણે દરરોજ થતા મોતની સરેરાશ સંખ્યા 211 હતી, જ્યારે ફેબ્રુઆરીમાં આ સંખ્યા ઘટીને 96 થઇ છે. એટલે કે આ સંખ્યામાં 55 ટકનો ઘટાડો થયો છે.

ભારતમાં સારવાર હેઠળ રહેલા દર્દીઓની સંખ્યા ઘટીને 1.43 લાખ થઇ છે, જે કોરોનાના કુલ કેસની સરખામણીએ માત્ર 1.32 ટકા જ છે. ગત 24 કલાકમાં દેશમાં કોરોના વાયરસના કુલ 14016 દર્દીઓ સાજા થયા છે. દેશનો રિકવરી રેટ 97.20 ટકા થયો છે, જે વિશ્વમાં સૌથા વધારે રિકવરી રેટમાંનો એક છે. અમેરિકા, બ્રિટન, રશિયા, બ્રાઝિલ અને જર્મનીનો રિકવરી રેટ ભારત કરતા ઓછો છે.

(12:00 am IST)
  • કોંગ્રેસ પછી ભાજપે પણ થ્રી લાઇનનો વ્હીપ આપ્યો આજે સંસદમાં આખો દિવસ હાજર રહેવા અને સરકારના સ્ટેન્ડને સમર્થન આપવા ભાજપે તેના સંસદ સભ્યોને થ્રી લાઇન વ્હીપ આપેલ છે. access_time 10:16 am IST

  • ઇન્ડીગોના નવા સીએફઓ ચોપ્રા ઇન્ડીગોના સીએફઓ આદિત્ય પાંડેએ રાજીનામુ આપતા નવા સી.એફ.ઓ તરીકે જીતેન ચોપ્રાની વરણી ૨૨ ફેબ્રુઆરીથી ચાર્જ સંભાળશે access_time 10:15 am IST

  • મહાકાલેશ્વર મંદિરની ભસ્મ આરતીના દર્શન 15 માર્ચથી કરી શકાશે : ઉજ્જૈનમાં આવેલા સુપ્રસિદ્ધ જ્યોતિર્લિંગ મહાકાલેશ્વરમાં દરરોજ સવારે થતી ભસ્મ આરતીમાં દર્શનાર્થીઓને શામેલ થવા દેવા કમિટીનો નિર્ણય : શયન આરતીના દર્શનનો સમય રાત્રીના 10-15 વાગ્યા સુધીનો કરાયો access_time 6:42 pm IST