Gujarati News

Gujarati News

News of Saturday, 10th February 2018

રેલ્વે ૧૩પ૦૦ કર્મચારીઓને ઘરે બેસાડશે

મંજુરી વગર રજા ઉપર ચાલ્યા ગયેલા કર્મચારીઓ સામે ધોકો પછાડવામાં આવ્યો

નવી દિલ્હી તા.૧૦ : ગેરકાયદેસર રીતે એટલે કે કહ્યા વગર રજા ઉપર ઉતરી ગયેલા ૧૩પ૦૦ કર્મચારીઓને છુટા કરી દેવા રેલ્વેએ નિર્ણય લીધો છે. રેલ્વેએ એ બધા સામે શિક્ષાત્મક કાર્યવાહી કરવાનો નિર્ણય લીધો છે.

રેલ્વેએ કામ કરતા કર્મચારીઓની કામગીરીની કદર કરવા અને ઇમાનદાર તથા મહેનતુ કર્મચારીઓનુ મનોબળ વધારવા માટે એક અભિયાન શરૂ કર્યુ છે. આ કાર્યવાહી આ અભિયાનનો હિસ્સો છે.

તાજેતરમાં રેલ્વે મંત્રીએ ઉચ્ચ અધિકારીઓને જણાવ્યુ હતુ કે, રેલ્વેના તમામ વિભાગોમાં કહ્યા વગર રજા ઉપર ઉતરેલા કર્મચારીઓની વિગતો આપે. તે પછી જાણવા મળ્યુ કે, ૧૩ લાખ કર્મચારીઓમાંથી ૧૩પ૦૦ કર્મચારીઓ પરવાનગી વગર ગાયબ છે. હવે તેઓને છુટા કરી દેવાનો નિર્ણય લેવામાં આવ્યો છે.

(12:56 pm IST)
  • અમિત શાહની મુલાકાત દરમિયાન સુરક્ષા માટે હરિયાણા સરકારે કેન્દ્ર પાસે ૧૫૦ CRPFની કંપનીઓ માંગી : જાટ સમુદાયના વિરોધનો ડર? access_time 12:31 pm IST

  • સીરિયાએ ઇઝરાયલનું ફાઇટર જેટ હવામાજ ફૂકી માર્યું : વળતા જવાબમાં ઇઝરાયેલે સીરિયા પર મોટા પાયે હવાઈ હુમલા શરૂ કર્યા : ઇઝરાયલના લશ્કરી પ્રવક્તા જોનાથન કોનરીક્સ અનુસાર દમાસ્કસની નજીકના ચાર ઈરાનિયન લક્ષ્યાંકો ઇઝરાયલે ફૂંકી માર્યા છે. access_time 7:35 pm IST

  • જયપુરના જિલ્લા જજ ગજાનંદ શર્મા લાપતા : સવારથી ઘરેથી ગુમ : રાત સુધી કોઈ પતો નહીં લાગતા પરિવારજનોએ પોલીસમાં રિપોર્ટ કર્યો : પોલીસે કેટલાય સ્થળોએ કરી તપાસ access_time 9:23 am IST