Gujarati News

Gujarati News

News of Saturday, 10th February 2018

આધાર વિના હોસ્પિટલે કર્યો એડમિટ કરવાનો ઇન્કાર

૨ કલાક સુધી પ્રસુતિની પીડા સહન કરીઃ હોસ્પિટલના પાર્કિંગમાં બાળકનો જન્મ

નવી દિલ્હી તા. ૧૦ : ગુરૂગ્રામની સિવિલ હોસ્પિટલ પ્રશાસનને અસંવેદનશીલ ચહેરો સામે આવ્યો છે, જયાં આધાર કાર્ડ ન બતાવી શકવા પર એક ગર્ભવતી મહિલાને એડમિટ થવા માટે કલાકે સુધી રાહ જોઈ પડી. પ્રસવની પીડાથી તડપી રહેલી મહિલાએ ૨ કલાક સુધી દુખાવો સહન કર્યો અને હોસ્પિટલના પાર્કિંગમાં જ એક બાળકીને જન્મ આપ્યો. ત્યાં બેઠેલી કેટલીક મહિલાઓએ ચાદર ઓઢાડીને મહિલાની ડિલિવરી કરાવી.

જાણકારી મુજબ, શીતલા કોલોનીનો રહેવાસી બબલૂ શુક્રવારે સવારે ૯ વાગ્યે પત્ની મુન્નીને પ્રસવની પીડા થતા સિવિલ હોસ્પિટલ લઈને ગયો હતો. બબલૂએ જણાવ્યું કે હોસ્પિટલ ઓપીડી રજિસ્ટ્રેશન બાદ જયારે તે સ્ત્રી રોગ વિશેષજ્ઞ વોર્ડમાં ગયા તો ફરજ પરના ડોકટરે અલ્ટ્રાસાઉન્ડ કરાવવા માટે કહ્યું. તે એલ્ટ્રાસાઉન્ડ લેબ પહોંચ્યા તો કર્મચારીએ આધાર કાર્ડ માંગ્યું. બબલૂએ તેમને આધાર કાર્ડ નંબર બતાવ્યો, તો કર્મચારીએ ઓરિજનલ અથવા કોપી આપવા માટે કહ્યું.

જેના પર તેણે સાઈબર કાફેથી પ્રિન્ટઆઉટ કાઢવાનો પ્રયાસ કર્યો, પરંતુ પ્રિન્ટ નીકળી ન શકી. આ દરમિયાન મહિલા ૨ કલાક સુધી દુખાવાથી તડપતી રહી. તે ઈમરજન્સી ગેટની બહાર નીકળીને જમીન પર બેસી ગઈ. ત્યાં ઉપસ્થિત કેટલીક મહિલાઓ તેની સ્થિતિ જોઈને ચાદર ઓઢાડી દીધી. થોડી જ મિનિટો બાદ મહિલાએ એક બાળકીને જન્મ આપ્યો. તે પછી હોસ્પિટલનું પ્રશાસન જાગ્યું અને તેને અંદર લઈ ગયું. હાલમાં માતા અને બાળક બંને સ્વસ્થ છે.

બબલૂનો આરોપ છે કે ડિલિવરીના ફાઈનલ સ્ટેજ પર મહિલાની લેબર રૂમમાં તપાસ થવી જોઈએ હતી. પરંતુ સ્ત્રી વોર્ડમાં ઉપસ્થિત ડો. મોહિની અને સ્ટાફ નર્સ મનિતાએ કામમાં લાપરવાહી કરતા મહિલાને એલ્ટ્રસાઉન્ડ કરાવવા માટે મોકલી દીધી. નિયમઅનુસાર આ પ્રકારના કેસમાં મહિલાની દાખલ કરવી પડે. આ મામલામાં મુખ્ય મેડિકલ ઓફિસર ડો. પ્રદિપ શર્માનું કહેવું છે કે બંને મહિલા કર્મચારીઓને તેમના કામમાં બેપરવાહી કરવાના કારણે તેમનો કોન્ટ્રાકટ કેન્સલ કરી દેવાયો છે.(૨૧.૫)

(9:48 am IST)
  • ગુજરાતમાં જાણે આગ લાગવાની મોસમ ખીલી હોય તેમ હવે આજે વલસાડના તુંબ ગામમાં એક કંપનીના ગોડાઉનમાં લાગી આગ : લાખ્ખોનું નુકસાન : ફાયરબ્રિગેડની ટીમ પહોચી ઘટના સ્થળે access_time 3:00 pm IST

  • રાજૂલા, જાફરાબાદ અને ટીંબીમાં ભૂકંપનો આંચકો અનુભવાયો : આસપાસના 10થી વધુ ગામડાંમાં ભૂકંપની અસર જોવા મળી : અનેક વિસ્તારોમાં મકાનોમાં તિરાડો પડી access_time 4:41 pm IST

  • જયપુરના જિલ્લા જજ ગજાનંદ શર્મા લાપતા : સવારથી ઘરેથી ગુમ : રાત સુધી કોઈ પતો નહીં લાગતા પરિવારજનોએ પોલીસમાં રિપોર્ટ કર્યો : પોલીસે કેટલાય સ્થળોએ કરી તપાસ access_time 9:23 am IST