Gujarati News

Gujarati News

News of Saturday, 10th February 2018

માલદીવ સંકટઃ બે 'ભારતીય' પત્રકારની ધરપકડ

સુપ્રીમ કોર્ટના આદેશને ન માનવામાં આવ્યોઃ એક ટીવી ચેનલ પણ બંધ કરાવાઇ

નવી દિલ્હી તા. ૧૦ : માલદીવ સંકટમાં બે 'ભારતીય'પત્રકારોની ધરપકડ કરવામાં આવી છે. આ બંને પત્રકારો જાણીતી ન્યૂઝ એજન્સી AFPમાં કામ કરતા હતા. એનએનઆઈની રિપોર્ટ મુજબ અમૃતસરના મની શર્મા અને લંડનમાં રહેતા ભારતીય મૂળના પત્રકાર આતિશ રાવજી પટેલની ધરપકડ કરવામાં આવી છે. તેમને માલદીવના રાષ્ટ્રીય સુરક્ષા કાયદા અંતર્ગત ધરપકડ કરવામાં આવી છે.

આ ઘટના અંગે પ્રતિક્રિયા આપતા માલદીવના સાંસદ અલી ઝહીરે કહ્યું કે 'હવે અહીં પ્રેસની સ્વતંત્રતા રહી નથી. ગત રાત્રે એક ટીવી ચેનલ બંધ કરી દેવામાં આવી. અમે તેમની મુકિત અને દેશમાં લોકતંત્રની બહાલીની માંગણી કરીએ છીએ.' હાલમાં ભારતનો પાડોશી દેશ માલદીવ રાજનીતિક સંકટમાંથી પસાર થઈ રહ્યું છે.

માલદીવ સુપ્રીમ કોર્ટે વિપક્ષના ૯ નેતાઓની મુકિતનો આદેશ આપ્યો હતો. રાષ્ટ્રપતિ યામીને સરકારના આ આદેશને માનવાની ના પાડી દીધી હતી. રાષ્ટ્રપતિએ માલદીવમાં ઈમરજન્સીની જાહેરાત કરી દીધી. સુપ્રીમ કોર્ટના ચીફ જસ્ટિસ અબ્દુલ્લા સઈદ અને અન્ય એક જજ અલી હમીદની પણ ધરપકડ કરવામાં આવી છે.

સરકારના દબાણથી સુપ્રીમ કોર્ટે પોતાનો નિર્ણય બદલો પડ્યો. ભારત અને ચીન બંને માટે માલદીવ સંકટ ખુબ મહત્વ ધરાવે છે. બંને દેશોની નજર આ ઘટનાક્રમ પર લાગેલી છે. અમેરિકન પ્રમુખ ડોનલ્ડ ટ્રમ્પ અને પ્રધાનમંત્રી નરેન્દ્રભાઇ મોદી સાથે ફોન પર વાતચીત દરમિયાન માલદીવ રાજનીતિક સ્થિતિ અંગે ચિંતા વ્યકત કરી હતી.

બીજી તરફ ચીનનું કહેવું છે કે માલદીવમાં ચાલી રહેલા રાજનીતિક સંકટના ઉકેલ માટે ભારતના સંપર્કમાં છે. ચીને કહ્યું કે અમે આ મુદ્દા પર ભારત સામે વધુ એક ટક્કર લેવા માંગતા નથી. ચીને પહેલા જ પણ કીધું હતું કે માલદીવ પોતાના આંતરિક સંકટનો ઉકેલ લાવવા માટે સક્ષમ છે અન્ય કોઈ બાહ્ય પક્ષોએ તેમાં દખલ ન કરવી જોઈએ.(૨૧.૨)

(9:46 am IST)
  • સીરિયાએ ઇઝરાયલનું ફાઇટર જેટ હવામાજ ફૂકી માર્યું : વળતા જવાબમાં ઇઝરાયેલે સીરિયા પર મોટા પાયે હવાઈ હુમલા શરૂ કર્યા : ઇઝરાયલના લશ્કરી પ્રવક્તા જોનાથન કોનરીક્સ અનુસાર દમાસ્કસની નજીકના ચાર ઈરાનિયન લક્ષ્યાંકો ઇઝરાયલે ફૂંકી માર્યા છે. access_time 7:35 pm IST

  • પ્રતિબંધ છત્તા તેજાબના ખુલ્લેઆમ વેચાણ વિરૂદ્ધ થયેલી અરજી અંગે સુપ્રીમ કોર્ટે કેન્દ્ર અને રાજ્ય સરકારોને નોટિસ ફટકારી : સુપ્રીમ કોર્ટે કેન્દ્ર અને તમામ રાજ્ય સરકારો પાસેથી જવાબ માંગ્યો : અરજીમાં સર્વોચ્ચ ન્યાયાલયના આદેશનું ઉલ્લંઘન થતું હોવાનું કહેવાયું છે access_time 9:22 am IST

  • ફેહકુલ્વાયોની સિક્સર સાથે સાઉથ આફ્રિકાએ ચોથો વનડે 5 વિકેટે ભારત સામે જીતી લીધો : મેચમાં શીખર ધવનની નોંધાઈ જબરદસ્ત સદી : ભારતે આપેલ ૨૮ ઓવરમાં ૨૦૨ રનનો ટાર્ગેટ સાઉથ આફ્રિકાએ સરળતાથી પાર પાડ્યો : ભારત હજુ પણ સીરીઝમાં ૩-1થી આગળ access_time 1:56 am IST