Gujarati News

Gujarati News

News of Monday, 9th December 2019

યુવકે મિત્રો સાથે મળીને ગર્લફ્રેન્‍ડ પર ગેન્‍ગરેપ કરી માતાની મદદથી જીવતી સળગાવી

ત્રિપુરાથી પણ આવી જ એક હ્રદય કંપાવનારી ઘટના સામે આવી છે

અગરતાલા તા   :  હૈદ્રાબાદ અને ઉન્‍નાવમાં મહિલાઓ સાથે દુષ્‍કર્મ અને આગને હવાલે કરવાની ઘટનાઓએ દેશમાં પહેલાંથી જ ગુસ્‍સાઓ માહોલ ઊભો કરી દીધો છે. બીજી તરફ હવે ત્રિપુરાથી પણ આવી જ એક હ્રદય કંપાવનારી ઘટના  સામે આવી છે. અહીં ૧૭ વર્ષની એક છોકરીને તેના પ્રેમી અને યુવકની માતાએ દક્ષિણ ત્રિપુરાના શાંતિરબજારમાં આગને હવાલે કરી દીધી. મળતી માહીતી મુજબ આ ઘટનાને અંજામ આપતા પહેલાં બે મહિના સુધી છોકરીને બંધક બનાવીને રાખવામાં આવી હતી. આ દરમ્‍યાન છોકરીના પ્રેમી અને તેના મિત્રોએ તેની સાથે અનેકવાર ગેન્‍ગરેપ કર્યા. આગ ચાંપવાના કારણે છોકરી ૯૦ ટકા સુધી બળી ગઇ . પાડોશીઓએ છોકરીને તાત્‍કાલીક હોસિપટલમાં  દાખલ કરાવી જયાં તેનું મોત થયું.

શરૂઆતની તપાસમાં જાણવા મળ્‍યું કે યુવતીને છેલ્લા બે મહિનાથી બંધક બનાવીને પૈસાની માગણી કરવામાં આવી રહી હતી.

મામલાની તપાસ કરી રહેલા એસપી (દક્ષિણ ત્રિપુરા) જલસિંહ મીણા મુજબ આ મામલાના મુખ્‍ય આરોપી અજયની ધરપકડ કરી લેવામાં આવી છે. પોલીસના જણાવ્‍યા મુજબ છોકરી યુવક સાથે સોશ્‍યલ મીડિયાના માધ્‍યમથી મળી હતી. દિવાળીના  સમયે આરોપી યુવક છોકરીના ઘરે પહોંચ્‍યો અને લગ્ન કરવાનો પ્રસ્‍તાવ રજુ કર્યો, ત્‍યાર બાદથી છોકરી યુવક સાથે રહેવા લાગી હતી. પરિવારજનોનો આરોપ છે કે, ત્‍યારબાદ આરોપીએ તેને બળજબરીથી બંધક બનાવી દીધી અને પૈસાની માગણી કરવા લાગ્‍યા. મળતી માહીતી મુજબ આરોપીએ મિત્રોની સાથે મળી છોકરી સાથે અનેકવાર ગેન્‍ગરેપ કર્યા પીડિતાની માતાનું કહેવું છે કે જયારે છોકરી ગુમ થઇ તેઓએ તેની ફરિયાદ નોંધાવી હતી.

(2:59 pm IST)
  • ૧૫માંથી ૧૨ બેઠક ઉપર ભાજપની વિજય પતાકા : કોંગ્રેસ પરાજય સ્‍વીકાર્યોઃ કહ્યુ લોકોએ પક્ષ પલ્‍ટો કરનારાને સ્‍વીકારી લીધા છે access_time 1:35 pm IST

  • ગુરૂવારથી મુંબઈમાં ઠંડીનો ચમકારો : ૨૨થી ઠંડીનો પારો વધુ નીચે જવાની આગાહી : ગુરૂવારથી ઉત્તરીય ભારતના પર્વતીય વિસ્તારોમાં બરફવર્ષા અને ઉત્તર ભારતના મેદાની વિસ્તારોમાં વરસાદ પડશે તેમ મુંબઈ વેધરે જાહેર કર્યુ છે. વેસ્ટર્ન ડિસ્ટર્બન્સને લીધે મહારાષ્ટ્ર સુધી ઠંડીનું જોર વધશે : હાલના ઉ.માનમાં ધરખમ ઘટાડા સાથે મુંબઈમાં દિવસનું ઉ.માન ૩૦ ડિગ્રી સેલ્સીયસ અને રાત્રીનું ઉ.માન ૧૮-૧૯ ડીગ્રી નીચુ ચાલ્યુ જશે : આ પછી ૨૨ ડિસેમ્બરથી ઠંડીનો દોર વધુ જમાવટ લેશે અને પારો વધુ નીચે ઉતરશે. access_time 3:55 pm IST

  • " કબૂતરોનો ભારત પ્રેમ " : પાકિસ્તાનથી છોડાતા પાળેલા કબુતરો ભારતમાં આવ્યા પછી પાછા જવાનું નામ લેતા નથી : પાકિસ્તાનના કબૂતરબાજો ચિંતામાં access_time 8:10 pm IST