Gujarati News

Gujarati News

News of Saturday, 9th November 2019

બુલબુલ તોફાનથી બંગાળ અને ઓરિસ્સામાં વરસાદ

પ્રચંડ તોફાનથી મોટી સંખ્યામાં વૃક્ષો ધરાશાયી : વાવાઝોડાની અસરને પહોંચી વળવા જુદા જુદા પગલાંઓ

ભુવનેશ્વર, તા. : શક્તિશાળી ચક્રવાત તોફાન બુલબુલે ઓરિસ્સાના દરિયાકાંઠે સ્થિત ભદ્રક જિલ્લામાં ભારે નુકસાન પહોંચાડી દીધું છે. ઓરિસ્સા અને બંગાળમાં દરિયાકાંઠાના વિસ્તારોમાં તીવ્ર પવનની સાથે સાથે ભાર વરસાદ થઈ રહ્યો છે. જેના લીધે મોટી સંખ્યામાં વૃક્ષો ધરાશાયી થઈ ગયા છે. માર્ગ સંપર્ક પણ ખોરવાઈ ગયો છે. ભારે વરસાદના લીધે વૃક્ષો ધરાશાયી થઈ જતા રસ્તાઓ બ્લોક થઈ ગયા છે.

                  બુલબુલ તોફાનને ધ્યાનમાં લઈને તમામ ઈમરજન્સી સંબંધિત એજન્સીઓને એલર્ટ કરી દેવામાં આવી છે. રૂઆતમાં ખૂબ્ ઝડપથી આવનાર તોફાનની ગતિ હવે ધીમી પડનાર છે પરંતુ તેનાથી અસર દેખાઈ રહી છે. ઓરિસ્સામાં લોકોને બુલબુલથી બચાવી લેવા માટે ઓરિસ્સા ડિઝાસ્ટર રેપિડેકશન ફોર્સની ટીમો તૈનાત કરી દેવામાં આવી છે. ભદ્રક જિલ્લામાં કાલીભાંજા ડીહા દ્વિપની પાસે નૌકા ડુબી જવાથી આઠ માછીમારો ફસાઈ ગયા છે. રેપિડ એકશન ફોર્સ અને સ્થાનિક માછીમારોની મદદથી આઠ માછીમારોને બચાવી લેવાયા છે. બુલબુલના કારણે મધ્ય ઓરિસ્સાના અનેક વિસ્તારોમાં ભારે વરસાદ થઈ રહ્યો છે. જગતસિંહપુર, કેન્દ્રપાડા અને ભદ્રક જિલ્લામાં વિવિધ સ્થળો પર મોટી સંખ્યામાં વૃક્ષો ધરાશાયી થયા છે. મુખ્ય સચિવ આશિત ત્રિપાઠીએ કહ્યું છે કે રાજ્ય સરકાર સ્થિતિ પર ચાંપતી નજર રાખી રહી છે. આને પહોંચી વળવા માટે રૂરી કાર્યવાહી કરવામાં આવી રહી છે. જગતસિંહપુર, કેન્દ્રપાડા, બાલાસોર અને ભદ્રક જિલ્લામાં ૭૦થી ૮૦ કિલોમીટર પ્રતિકલાકની ઝડપે પવન ફુંકાઈ રહ્યો છે. ભારે વરસાદ પણ થઈ રહ્યો છે. રાજ્યના દરિયાકાંઠાના સંવેદનશીલ વિસ્તારોમાં હજારો લોકોને ખસેડવામાં આવ્યા છે. ત્રણ હજાર લોકોને સુરક્ષિત ખસેડવામાં આવ્યા છે. કેન્દ્રપાડામાં ૧૦૭૦ લોકોને ખસેડાયા છે.

(9:23 pm IST)
  • સુપ્રીમકોર્ટે સર્વસંમતિથી ચુકાદો આપ્યો છે : ચીફ જસ્ટિઝ કહ્યું કે બાબરના સમયમાં મીર બાકીએ મસ્જિદ બનાવી હતી : ખોદકામ દરમિયાન મળેલ ઢાંચો બિન ઇસ્લામિક હતો : સુપ્રીમકોર્ટ :અયોધ્યા કેસમાં નિર્મોહી અખાડાનો દાવો રદ કરી નાખવામાં આવ્યો છે : મસ્જિદ કયારે બનાવામાં આવી તે ખબર પડતી નથી : સર્વસંમતિથી સુપ્રીમકોર્ટના જજોએ ચુકાદો આપ્યો છે : તમામ ધર્મોને સમાન નજરથી જોવાનું સરકારનું કામ નથી access_time 11:03 am IST

  • સીડબલ્યુસી બેઠકમાં સુપ્રિમ કોર્ટનો ચુકાદો સર્વસંમતિથી પાસ : સુપ્રિમના ચુકાદાને કોંગ્રેસે આવકાર્યો access_time 1:06 pm IST

  • ગોંડલ - જેતપુર નેશનલ હાઇવે પર અકસ્માત.:ચોરડી પાસેની ગોળાઈમાં આઇસર પલ્ટી ખાઈ ગયું : કોઈ જાનહાની નથી : ચોરડી પાસેની ગોળાઈમાં મસ મોટા ખાડા અને હાઇવેની લાઈટો બંધ હોવાથી આઇસર પલ્ટી માર્યું : આઇસર પલટી મારતા એક સાઈડનો રોડ વનવે થતા ટ્રાફિક જામ access_time 10:26 pm IST