Gujarati News

Gujarati News

News of Friday, 8th November 2019

ઈરાનમાં 5.9ની તીવ્રતાનો ભૂંકપ: પાંચ લોકોના મોત: 120 ઘાયલ

ઓછામાં ઓછા 30 ઘરો ધરાશાયી :ક્ષેત્રના 41 ગામોમાં રાહત અને બચાવ કામગીરી ચાલુ

 

તહેરાન : ઇરાનના ઉત્તર-પશ્ચિમ ક્ષેત્રમાં રાત્રે આવેલાં ભૂકંપમાં પાંચ લોકોના મોત નિપજ્યા છે જયારે 120 લોકો ઘાયલ થયા છે. ઈરાની સીસ્મોલોજિકલ સેન્ટરના કહેવા મુજબ  ભૂંકપ પૂર્વ અઝરબૈઝન પ્રાંતના તબરીઝ શહેરથી 120 કિલોમીટર દૂર દક્ષિણ-પૂર્વમાં આવ્યો હતો.

 

   ભૂંકપ 'મધ્યમ' સ્તરનો હતો. જમીનની સપાટીથી આઠ કિલોમીટર ઊંડાઈએ ભૂંકપનું કેન્દ્ર હતું, ત્યારબાદ પાંચ આફ્ટરશોક્સ આવ્યા હતા.

 

  પ્રાંતીય ગર્વનર મોહમ્મદ રેઝા પૂરામોમ્મદીએ સ્થાનિક મીડિયાને જણાવ્યું કે, ભૂકંપના કારણે ઓછામાં ઓછા 30 ઘરો નષ્ટ થયા છે. ક્ષેત્રના 41 ગામોમાં રાહત અને બચાવ કામગીરી ચાલી રહી છે. યુનાઈટેડ સ્ટેટ્સ જિયોલોજિકલ સર્વએ એક ચેતવણી જાહેર કરીને કહ્યું છે કે, વ્યાપક નુકસાની થવાનો અંદાજ છે અને આફlવ્યાપક હોવાની શક્યતા છે. ઈરાન ભૌગોલિક રીતે એવી જગ્યાએ આવેલો દેશ છે, જ્યાં બે મેઈન ટેક્ટોનિક પ્લેટ મળે છે, જેના કારણે ભૂંકપના આંચકા વારંવાર આવે છે.

ઈરાને તાજેતરના દાયકાઓમાં મોટી કુદરતી આફતોનો સામનો કર્યો છે, જે અંતર્ગત પ્રાચીન શહેર બામમાં 2003માં આવેલાં ભૂંકપમાં ઓછામાં ઓછા 31000 લોકોના મોત થયા હતા

(1:07 am IST)
  • સુપ્રિમ કોર્ટના નિર્ણય બાદ મુસ્લિમ પર્સનલ લો બોર્ડની પત્રકાર પરિષદ : વકીલો સાથે વાત કરીને આગળની રણનીતિ ઘડાશે : સુપ્રિમ કોર્ટના નિર્ણયનું સંપૂર્ણ સન્માન અમે કરીએ છીએ : મુસ્લિમ પર્સનલ લો બોર્ડ ચુકાદાથી સંતુષ્ટ નથી : કોઈપણ પ્રકારના ધરણા કે પ્રદર્શન કરીશુ નહિં : અમને ન્યાય મળ્યો નથીઃ અમે અપીલ કરીએ છીએ કે કોઈપણ પ્રદર્શન કરે નહિં: રીવ્યુ પીટીશન દાખલ કરવા વિચાર કરાશેઃ મસ્જીદને શીફટ કરી શકાય નહિં : ચુકાદામાં કેટલાક વિરોધાભાસ જોવા મળ્યો છે access_time 1:07 pm IST

  • મહા ભયંકર રૂપ ધારણ કરેલ બુલબુલ વાવાઝોડુ પશ્ચિમ બંગાળ અને બાંગ્લાદેશને સમુદ્ર કાંઠે થી આજે રાત્રે પસાર થશે. :કાંઠાના વિસ્તાર માંથી સવા લાખ લોકોને સલામત સ્થળે ખસેડવામાંઆવ્યા નું મુખ્યમંત્રી મમતા બેનર્જી એ જણાવ્યું છે. પશ્ચિમ બંગાળના દીઘાથી ૯૦ કિલોમીટર અને ઓડિશાના પારાદીપ થી 140 કિલોમીટર દૂર બંગાળના અખાતમાં વાવાઝોડું ધસમસતુ આવી રહ્યું છે આજે સાંજે છ વાગ્યાથી કલકત્તા એરપોર્ટ પર તમામ કાર્યવાહીઓ થંભાવી દેવામાં આવી છે access_time 6:19 pm IST

  • આજ નો દિવસ ભારતના ઇતિહાસમાં સુવર્ણ અક્ષરે લખવામાં આવશે : શિવ સેના ના સુપ્રીમો ઉદ્ધવ ઠાકરે કહ્યું હતું કે દરેક સુપ્રીમ કોર્ટનો ચુકાદો સ્વીકાર્ય છે. હું ૨૪ નવેમ્બરે અયોધ્યા ની મુલાકાતે જઈશ ઉદ્ભવ ઠાકરે a કહ્યું હતું કે હું એલ કે અડવાણી ને મળવા પણ જઈશ અને તેમને અભિનંદન આપીશ તેઓએ આ કાર્ય માટે રથયાત્રા કાઢી હતી હું ચોક્કસ તેમને મળી અને આશીર્વાદ લઈશ access_time 6:31 pm IST