Gujarati News

Gujarati News

News of Friday, 8th November 2019

કાલે અયોધ્યા મામલે ચુકાદો: ગુજરાતના પોલીસકર્મીની રજા રદ : તમામ પોલીસકર્મીઓની હાજર થવા આદેશ

અમદાવાદ સહિતના શહેરોમાં બંદોબસ્ત : એસઆરપી,અને આરએએફ ની ટુકડીઓ તૈનાત

અમદાવાદ :  કાલે અયોધ્યા મામલે સુપ્રીમકોર્ટ ચુકાદો આપશે ત્યારે દેશના સંવેદનશીલ વિસ્તારોમાં અલર્ટ જાહેર કરવામાં આવ્યા છે. સુરક્ષાનો ચાંપતો બંદોબસ્ત કરવામાં આવ્યો છે. અયોધ્યા ચુકાદાને લઈ ગુજરાતના તમામ પોલીસકર્મીઓની રજાઓ રદ કરાઈ છે.

ગુજરાતના તમામ પોલીસ કર્મીઓની રજા કેન્સલ કરવામાં આવી છે એટલુ જ નહીં પરંતુ આર્મી અને બીજા સુરક્ષાદળોની પણ મદદ લેવામાં આવી છે. અયોધ્યાના જમીન વિવાદના ચુકાદાને લઈને તંત્ર એલર્ટ જાહેર કરવામાં આવ્યુ છે.

અમદાવાદ શહેરમાં ચુંસ્ત બંદોબસ્ત ગોઠવાયો છે. પોલીસ કમિશનરે સુરક્ષાને લઈને મહત્વના આદેશ આપ્યા છે. એસએઆરપી અને આરપીએફ ની ટુકડીઓ પણ તૈનાત રહેશે. વાહન ચેકીંગ અને સંવેદનશીલ વિસ્તારમાં બંદોબસ્ત રહેશે. અનિચ્છનીય ઘટના ના બને તેને લઈને પોલીસ નો ચુસ્ત બંદોબસ્ત ગોઠવાયો છે. 
SRP અને RAF ની ટુકડીઓ તૈનાત રહશે. શહેરના સંવેદનશીલ વિસ્તારમાં બંદોબસ્ત રહેશે. અનિચ્છનીય ઘટના ના બને તેને લઈને ચુંસ્ત બંદોબસ્ત કરવામાં આવ્યો છે. SCની આશરે 2 કીમી સુધી લોખંડી બંદોબસ્ત ગોઠવાશે.

(10:42 pm IST)
  • સુપ્રિમ કોર્ટના નિર્ણય બાદ મુસ્લિમ પર્સનલ લો બોર્ડની પત્રકાર પરિષદ : વકીલો સાથે વાત કરીને આગળની રણનીતિ ઘડાશે : સુપ્રિમ કોર્ટના નિર્ણયનું સંપૂર્ણ સન્માન અમે કરીએ છીએ : મુસ્લિમ પર્સનલ લો બોર્ડ ચુકાદાથી સંતુષ્ટ નથી : કોઈપણ પ્રકારના ધરણા કે પ્રદર્શન કરીશુ નહિં : અમને ન્યાય મળ્યો નથીઃ અમે અપીલ કરીએ છીએ કે કોઈપણ પ્રદર્શન કરે નહિં: રીવ્યુ પીટીશન દાખલ કરવા વિચાર કરાશેઃ મસ્જીદને શીફટ કરી શકાય નહિં : ચુકાદામાં કેટલાક વિરોધાભાસ જોવા મળ્યો છે access_time 1:07 pm IST

  • મનીષા ગોસ્વામીને બાર દિવસની રિમાન્ડ પર સોંપવા કોર્ટનો હુકમ : કચ્છને હચમચાવનાર જયંતી ભાનુશાળી હત્યા કેસના મુખ્ય આરોપી મનીષા ગોસ્વામી અને સુરજીતભાઈને ભચાઉ અદાલતે બાર દિવસના રિમાન્ડ ઉપર પોલીસને સોંપેલ છે. સરકાર પક્ષે ખાસ સરકારી ધારાશાસ્ત્રી તરીકે શ્રી અભયભાઈ ભારદ્વાજ અને શ્રી તુષાર ગોકાણીએ ધારદાર દલીલો કરી હતી. access_time 6:07 pm IST

  • ઇમરાનખાન રાજીનામુ આપે અથવા ત્રણ મહિનામાં સામાન્ય ચૂંટણી કરાવે : મૌલાનાએ રાખી શરત : મૌલાના ફૈઝલે પંજાબ વિધાનસભાના સ્પીકર ચૌધરી પરવેઝ ઇલાહી મારફત ઇમરાન અને સરકારની સમિતિને મોકલ્યો સંદેશ : મૌલાનાએ કહ્યું કે જો પીએમનું રાજીનામુ સંભવ નથી તો ત્રણ મહિનાની અંદર નવેસરથી સામાન્ય ચૂંટણી કરવો : સરકાર પાસે આ જ બે વિકલ્પ છે જેમાંથી કોઈ એકની પસંદગી કરવી પડશે access_time 1:15 am IST