Gujarati News

Gujarati News

News of Saturday, 9th November 2019

કરતારપુર કોરિડોરનું કાલ ઉદ્ઘાટન : શ્રદ્ધાળુઓ ઉત્સુક

વડાપ્રધાનનરેન્દ્ર મોદી આઈસીપીનું વિધિવત ઉદ્ઘાટન કરશે : કરતારપુર કોરિડોર ખુલે તે પહેલા પાકિસ્તાન દ્વારા ગુલાંટ મારીને પ્રથમ દિવસે જ ૨૦ ડોલરની ફી લેવાની જાહેરાત

નવીદિલ્હી, તા. ૮ : જેની ઉત્સુકતાપૂર્વક રાહ જોવામાં આવી રહી છે તે કરતારપુર કોરિડોરનું આવતીકાલે ઉદ્ઘાટન કરવામાં આવનાર છે. ગુરુનાનકની ૫૫૦મી જન્મજ્યંતિ પ્રસંગે જોરદાર તૈયારીઓ કરવામાં આવી છે. બીજી બાજુ પાકિસ્તાને ભારતને કહી દીધું છે કે, કરતારપુર કોરિડોર મારફતે આવનાર લોકો પાસેથી ૨૦ ડોલરની ફી લેવામાં આવશે. પાકિસ્તાની વડાપ્રધાને ગયા સપ્તાહમાં કહ્યું હતું કે, કોરિડોર શરૂ થવાના પ્રથમ દિવસે શ્રદ્ધાળુઓ પાસેથી કોઇ ફી લેવામાં આવશે નહીં પરંતુ હવે પાકિસ્તાને ગુલાંટ મારીને પ્રથમ દિવસે પણ ૨૦ ડોલરની ફી લેવાનો નિર્ણય કર્યો છે. કરતારપુર કોરિડોર ભારતના પંજાબમાં ડેરા બાબા નાનકને કરતારપુરમાં દરબાર સાહિબ સાથે જોડી દેશે.

           કરતારપુર પાકિસ્તાનના પંજાબ પ્રાંતના નરોવાલ જિલ્લામાં સ્થિત આંતરરાષ્ટ્રીય સરહદથી ચાર કિલોમીટરના અંતરે સ્થિત છે. બંને દેશો વચ્ચે ખુબ જ ખરાબ સંબંધ રહ્યા હોવા છતાં ભારત અને પાકિસ્તાને કઠોર મંત્રણા બાદ સમજૂતિ પર હસ્તાક્ષર કર્યા હતા. આની સાથે જ આવતીકાલે ૯મી નવેમ્બરના દિવસે કરતારપુર કોરિડોરનું ઉદ્ઘાટન કરવામાં આવનાર છે. વડાપ્રધાન નરેન્દ્ર મોદી કરતારપુર કોરિડોરના ઇન્ટેગ્રેટેડ ચેકપોસ્ટનું ઉદ્ઘાટન કરશે. મોદી પંજાબમાં ગુરદાસપુર ખાતે ડેરાબાબા નાનક ખાતે ચેકપોસ્ટનું ઉદ્ઘાટન કરશે. ઉદ્ઘાટન પહેલા મોદી સુલ્તાનપુર લોધી ખાતે ગુરુદ્વારામાં દર્શન પણ કરશે. પીએમઓ દ્વારા જણાવવામાં આવ્યું છે કે, ડેરાબાબ નાનક ખાતે આયોજિત કાર્યક્રમમાં ઉપસ્થિત રહેશે.

                આઈસીપીનું ઉદ્ઘાટન કરવામાં આવ્યા બાદ પાકિસ્તાનમાં ગુરુદ્વારા કરતારપુર સાહિબ જવા ભારતીય શ્રદ્ધાળુઓ માટે માર્ગ ખુલી જશે. ઝીરો પોઇન્ટ પર કોરિડોરના ઓપરેશન માટે રુપરેખાને લઇને ૨૪મી ઓક્ટોબરે પાકિસ્તાન સાથે ભારતે સમજૂતિ કરી હતી. ૨૨મી નવેમ્બર ૨૦૧૮ના દિવસે કેન્દ્રીય કેબિનેટે ગુરુનાનક દેવની જન્મજ્યંતિને ભવ્યરીતે ઉજવવાનો ઠરાવ પસાર કર્યો હતો. મળેલી માહિતી મુજબ કોરિડોરની શરૂઆત થયા બાદ મોટી સંખ્યામાં શ્રદ્ધાળુઓ દરરોજ દર્શન માટે પહોંચી શકશે. કોરિડોરનું ઉદ્ઘાટન થયા બાદ ભારતીય શ્રદ્ધાળુ થોડાક મિનિટ ચાલ્યા બાદ જ કરતારપુર પહોંચી શકશે. કરતારપુરમાં જ ગુરુનાનક દેવે શીખ ધર્મની સ્થાપના કરી હતી અને પોતાના જીવનનો એક લાંબો હિસ્સો ત્યાં જ ગાળ્યો હતો. આ દ્રષ્ટિથી કરતારપુર સાહિબ શીખ માટે ખુબ મહત્વપૂર્ણ છે. સપ્ટેમ્બર ૨૦૦૪માં મનમોહનસિંહે કરતારપુર મામલે વાત કરવાની ખાતરી કરાઈ હતી પરંતુ ત્યારબાદથી સંબંધો સતત ખરાબ થયા હતા.

(12:00 am IST)
  • ઇમરાનખાન રાજીનામુ આપે અથવા ત્રણ મહિનામાં સામાન્ય ચૂંટણી કરાવે : મૌલાનાએ રાખી શરત : મૌલાના ફૈઝલે પંજાબ વિધાનસભાના સ્પીકર ચૌધરી પરવેઝ ઇલાહી મારફત ઇમરાન અને સરકારની સમિતિને મોકલ્યો સંદેશ : મૌલાનાએ કહ્યું કે જો પીએમનું રાજીનામુ સંભવ નથી તો ત્રણ મહિનાની અંદર નવેસરથી સામાન્ય ચૂંટણી કરવો : સરકાર પાસે આ જ બે વિકલ્પ છે જેમાંથી કોઈ એકની પસંદગી કરવી પડશે access_time 1:15 am IST

  • આજ નો દિવસ ભારતના ઇતિહાસમાં સુવર્ણ અક્ષરે લખવામાં આવશે : શિવ સેના ના સુપ્રીમો ઉદ્ધવ ઠાકરે કહ્યું હતું કે દરેક સુપ્રીમ કોર્ટનો ચુકાદો સ્વીકાર્ય છે. હું ૨૪ નવેમ્બરે અયોધ્યા ની મુલાકાતે જઈશ ઉદ્ભવ ઠાકરે a કહ્યું હતું કે હું એલ કે અડવાણી ને મળવા પણ જઈશ અને તેમને અભિનંદન આપીશ તેઓએ આ કાર્ય માટે રથયાત્રા કાઢી હતી હું ચોક્કસ તેમને મળી અને આશીર્વાદ લઈશ access_time 6:31 pm IST

  • મહા ભયંકર રૂપ ધારણ કરેલ બુલબુલ વાવાઝોડુ પશ્ચિમ બંગાળ અને બાંગ્લાદેશને સમુદ્ર કાંઠે થી આજે રાત્રે પસાર થશે. :કાંઠાના વિસ્તાર માંથી સવા લાખ લોકોને સલામત સ્થળે ખસેડવામાંઆવ્યા નું મુખ્યમંત્રી મમતા બેનર્જી એ જણાવ્યું છે. પશ્ચિમ બંગાળના દીઘાથી ૯૦ કિલોમીટર અને ઓડિશાના પારાદીપ થી 140 કિલોમીટર દૂર બંગાળના અખાતમાં વાવાઝોડું ધસમસતુ આવી રહ્યું છે આજે સાંજે છ વાગ્યાથી કલકત્તા એરપોર્ટ પર તમામ કાર્યવાહીઓ થંભાવી દેવામાં આવી છે access_time 6:19 pm IST