Gujarati News

Gujarati News

News of Friday, 8th November 2019

ઇરાકમાં સરકાર વિરોધી દેખાવોઃ ઓઇલની નિકાસ ઠપ્પ

કિરકુક (ઇરાક), તા.૮, ઇરાકમાં સરકાર વિરૂદ્ઘના દેખાવોને પગલે ૯૦,૦૦૦ બેરલ ક્રૂડ ઓઇલ નિકાસ થઇ શકયું નથી તેમ ઉદ્યોગ સાથે સંકળાયેલા સૂત્રોએ એક નિવેદનમાં જણાવ્યું હતું. ઉત્ત્।ર ઇરાકમાં આવેલા કય્યારાહ ફિલ્ડમાં એક દિવસમાં ૩૦,૦૦૦ બેરલ ક્રૂડ ઓઇલનું ઉત્પાદન થાય છે.

 ઉત્પાદિત થયેલું આ ઓઇલ દક્ષિણમાં આવેલા બસરામાં નિકાસ માટે મોકલવામાં આવે છે પણ દેખાવોને પગલે આ રોડ બ્લોક કરી દેવામાં આવ્યા હોવાથી ઉત્પાદિત થયલું ક્રૂડ ઓઇલ બસરા પહોંચી શકતું ન હોવાથી નિકાસ પર પ્રતિકૂળ અસર પડી છે.

 કય્યારાહ ફિલ્ડનું સંચાલન કરનાર નોર્થ ઓઇલ કંપનીના વરિષ્ઠ સૂત્રોના જણાવ્યા અનુસાર ઓઇલ ભરેલા ટ્રક દેખાવોને કારણે આગળ વધી શકતા ન હોવાથી નિકાસ પર વિપરિત અસર પડી છે. ઉલ્લેખનીય છે કે ઇરાક ઓઇલની નિકાસ કરનાર વિશ્વનો પાંચમો દેશ છે અને બસરા પોર્ટ પરથી દરરોજ ૩૪ લાખ બેરલ ઓઇલની નિકાસ થાય છે.

 ઉલ્લેખનીય છે કે ઇરાક સરકારની આવકનો મુખ્ય સ્ત્રોત ઓઇલની નિકાસ હોવાથી દેખાવોને કારણે સરકારની આવક પણ દ્યટી રહી છે. ઇરાક પાસે ઓઇલનો મોટો જથ્થો હોવા છતાં દેશના ૨૦ ટકા લોકો ગરીબ છે અને યુવાનોમાં બેકારીનો દર ૨૫ ટકા છે. ઉલ્લેખનીય છે કે ઇરાકમાં એક ઓકટોબરથી સરકાર વિરોધી દેખાવો ચાલી રહ્યાં છે.

(3:57 pm IST)
  • સુરતમાં ધોધમાર વરસાદ: સુરતમાં અત્યારે રાત્રે આઠ વાગે ડુમ્મસ રોડ વિસ્તારમાં ધોધમાર વરસાદ પડી રહ્યાંનું સુરતથી કુશલ ઠક્કર જણાવે છે access_time 8:31 pm IST

  • મનીષા ગોસ્વામીને બાર દિવસની રિમાન્ડ પર સોંપવા કોર્ટનો હુકમ : કચ્છને હચમચાવનાર જયંતી ભાનુશાળી હત્યા કેસના મુખ્ય આરોપી મનીષા ગોસ્વામી અને સુરજીતભાઈને ભચાઉ અદાલતે બાર દિવસના રિમાન્ડ ઉપર પોલીસને સોંપેલ છે. સરકાર પક્ષે ખાસ સરકારી ધારાશાસ્ત્રી તરીકે શ્રી અભયભાઈ ભારદ્વાજ અને શ્રી તુષાર ગોકાણીએ ધારદાર દલીલો કરી હતી. access_time 6:07 pm IST

  • મહા ભયંકર રૂપ ધારણ કરેલ બુલબુલ વાવાઝોડુ પશ્ચિમ બંગાળ અને બાંગ્લાદેશને સમુદ્ર કાંઠે થી આજે રાત્રે પસાર થશે. :કાંઠાના વિસ્તાર માંથી સવા લાખ લોકોને સલામત સ્થળે ખસેડવામાંઆવ્યા નું મુખ્યમંત્રી મમતા બેનર્જી એ જણાવ્યું છે. પશ્ચિમ બંગાળના દીઘાથી ૯૦ કિલોમીટર અને ઓડિશાના પારાદીપ થી 140 કિલોમીટર દૂર બંગાળના અખાતમાં વાવાઝોડું ધસમસતુ આવી રહ્યું છે આજે સાંજે છ વાગ્યાથી કલકત્તા એરપોર્ટ પર તમામ કાર્યવાહીઓ થંભાવી દેવામાં આવી છે access_time 6:19 pm IST