Gujarati News

Gujarati News

News of Friday, 8th November 2019

IDBIના ATMમાંથી પૈસા નહીં નીકળે તો રૂ. ર૦ વસૂલાશે

બેલેન્સના અભાવે એટીએમમાં ટ્રાન્ઝેકશન ફેલ થશે તો ગ્રાહકના ખાતામાંથી ચાર્જ કપાશે

નવી દિલ્હી તા. ૮: એલઆઇસી સાથે ભાગીદારી ધરાવતી પ્રાઇવેટ સેકટરની બેન્ક આઇડીબીઆઇએ પોતાના ગ્રાહકોને મોટો ઝટકો આપ્યો છે. આઇડીબીઆઇ બેન્કે બીજી બેન્કોના એટીએમમાંથી કેશ ઉપાડવા અંગેની નિયમોમાં બદલાવ કર્યો છે.

નવા નિયમો અનુસાર જો આઇડીબીઆઇ બેન્કનો કોઇ ગ્રાહક બીજી બેન્કના એટીએમમાંથી નાણાં ઉપાડવા જાય છે, પરંતુ પુરતું બેલેન્સ નહીં હોવાના કારણે જો તેનું ટ્રાન્ઝેકશન ફેઇલ થાય તો પણ તેના પર ચાર્જ લાગશે. એટીએમમાંથી જો બેલેન્સના અભાવે નાણાં નહીં નીકળે તો ગ્રાહકના ખાતામાંથી પ્રતિ ટ્રાન્ઝેકશન રૂ. ર૦ કપાઇ જશે. તેના પર ટેકસ અલગથી લાગશે. આ નવા નિયમ અંગે આઇડીબીઆઇએ પોતાના ગ્રાહકોને એસએમએસ કરીને જાણકારી આપી છે. આઇડીબીઆઇના એસએમએસ અનુસાર આ નવો નિયમ ૧ ડિસેમ્બરથી લાગુ પડી જશે. આઇડીબીઆઇ બેન્ક ઉપરાંત અન્ય બેન્કો પણ બીજી બેન્કોના એટીએમ ટ્રાન્ઝેકશન પર ચાર્જ વસૂલે છે. બેન્ક ઓફ બરોડા આ માટે રૂ. ર૦ ફાઇનાન્શિયલ ચાર્જ તરીકે વસુલે છે.

(3:47 pm IST)
  • ગોંડલ - જેતપુર નેશનલ હાઇવે પર અકસ્માત.:ચોરડી પાસેની ગોળાઈમાં આઇસર પલ્ટી ખાઈ ગયું : કોઈ જાનહાની નથી : ચોરડી પાસેની ગોળાઈમાં મસ મોટા ખાડા અને હાઇવેની લાઈટો બંધ હોવાથી આઇસર પલ્ટી માર્યું : આઇસર પલટી મારતા એક સાઈડનો રોડ વનવે થતા ટ્રાફિક જામ access_time 10:26 pm IST

  • અજમેર દરગાહના દિવાને સુપ્રીમના ફેંસલાનું સ્વાગત કર્યું : અયોધ્યા જમીન વિવાદમાં આવેલા નિર્ણયને રાજસ્થાનના અજમેરમાં આવેલ હજરત ખ્વાઝા મોઇનુદ્દીન હસન ચિશ્તીની દરગાહના દીવાને સ્વાગત કર્યું છે. સાથે જ તેઓએ લોકોને શાંતિ અને સદ્ભાવ બનાવી રાખવાની અપીલ કરી છે. access_time 3:24 pm IST

  • ઇમરાનખાન રાજીનામુ આપે અથવા ત્રણ મહિનામાં સામાન્ય ચૂંટણી કરાવે : મૌલાનાએ રાખી શરત : મૌલાના ફૈઝલે પંજાબ વિધાનસભાના સ્પીકર ચૌધરી પરવેઝ ઇલાહી મારફત ઇમરાન અને સરકારની સમિતિને મોકલ્યો સંદેશ : મૌલાનાએ કહ્યું કે જો પીએમનું રાજીનામુ સંભવ નથી તો ત્રણ મહિનાની અંદર નવેસરથી સામાન્ય ચૂંટણી કરવો : સરકાર પાસે આ જ બે વિકલ્પ છે જેમાંથી કોઈ એકની પસંદગી કરવી પડશે access_time 1:15 am IST