Gujarati News

Gujarati News

News of Friday, 8th November 2019

BSNLના ૨૨,૦૦૦ કર્મચારીએ VRS માટે અરજી કરી

VRS સ્કીમને જબરદસ્ત પ્રતિસાદઃ ૭૭,૦૦૦ કર્મચારીઓ VRS લેવાના મૂડમાં

નવી દિલ્હી તા.૮: સરકારી ટેલિકોમ કંપની બીએસએનએલ દ્વારા કર્મચારીઓ માટે સ્વૈચ્છિક નિવૃતિ યોજના (વીઆરએસ) જાહેર કર્યાના માત્ર બે જ દિવસમાં રર હજાર કર્મચારીઓએ વીઆરએસ માટે અરજી કરી દીધી છે. આમ, બીએસએનએલની વીઆરએસ યોજનાને કર્મચારીઓ તરફથી જબરજસ્ત પ્રતિસાદ સાંપડ્યો છે.

એક વરિષ્ઠ અધિકારીએ જણાવ્યું કે બીએસએનએલના કર્મચારીઓની સંખ્યા ૧.૫૦ લાખ છે, જેમાંથી લગભગ એક લાખ કર્મચારી વીઆરએસ લેવા માટે પાત્ર છે. બીએસએનએલની વીઆરએસ યોજના પ નવેમ્બરે જાહેર થઇ હતી અને ૩ ડિસેમ્બર સુધી આ યોજના ખુલ્લી રહેશે. માત્ર બે જ દિવસમાં ૨૨ હજારથી વધુ કર્મચારીઓએ વીઆરએસ માટે અરજી કરી દીધી છે.

બીએસએનએલને આશા છે કે ૭૭,૦૦૦ જેટલા કર્મચારી આ વીઆરએસ યોજનાનો લાભ ઉઠાવશે. અધિકારીએ જણાવ્યું છે કે વીઆરએસ માટે અરજી કરનાર ૧૩,૦૦૦ કર્મચારીઓ ગ્રુપ-જી શ્રેણીના છે. દરેક કેટેગરીના કર્મચારીઓ તરફથી સારો પ્રતિસાદ મળ્યો છે.

(3:47 pm IST)
  • દાવો રદ થવાનો કોઇ અફસોસ નથીઃ નિર્મોહી અખાડા :આજે સુપ્રિમ કોર્ટે અયોધ્યા મામલે ચુકાદા દરમિયાન નિર્મોહી અખાડાનો વિવાદીત જગ્યા અંગેનો માલીકી હકક અંગેનો દાવો રદ કર્યો હતો. નિર્મોહી અખાડાના વરિષ્ઠ સંત મહંત ધર્મદાસજીએ જણાવેલ કે વિવાદીત સ્થળનો અમારો દાવો રદ થતા કોઇ અફસોસ નથી, કેમ કે તે પણ રામલલાનો પક્ષ લઇ રહયો હતો. સુપ્રિમકોર્ટે રામલલાના પક્ષને મજબુત માન્યો છે જેથી નિર્મોહી અખાડાનો હેતુ પુર્ણ થયો છે. access_time 3:25 pm IST

  • મહારાષ્ટ્ના મુખ્યમંત્રી પદે શિવ સૈનિકની વરણીના સપનાને સાકાર કરવા મારે ભારતીય જનતા પાર્ટીના સમર્થન કે આશીર્વાદની જરૂર નથી ઉદ્ધવ ઠાકરેની પત્રકાર પરિષદ ચાલુ access_time 6:47 pm IST

  • મહા ભયંકર રૂપ ધારણ કરેલ બુલબુલ વાવાઝોડુ પશ્ચિમ બંગાળ અને બાંગ્લાદેશને સમુદ્ર કાંઠે થી આજે રાત્રે પસાર થશે. :કાંઠાના વિસ્તાર માંથી સવા લાખ લોકોને સલામત સ્થળે ખસેડવામાંઆવ્યા નું મુખ્યમંત્રી મમતા બેનર્જી એ જણાવ્યું છે. પશ્ચિમ બંગાળના દીઘાથી ૯૦ કિલોમીટર અને ઓડિશાના પારાદીપ થી 140 કિલોમીટર દૂર બંગાળના અખાતમાં વાવાઝોડું ધસમસતુ આવી રહ્યું છે આજે સાંજે છ વાગ્યાથી કલકત્તા એરપોર્ટ પર તમામ કાર્યવાહીઓ થંભાવી દેવામાં આવી છે access_time 6:19 pm IST