Gujarati News

Gujarati News

News of Friday, 8th November 2019

GST અંગે આજથી આ નિયમ લાગૂઃ વેપારીઓ પર સીધી અસર થશે

મોદી સરકારે ઇન્કમટેકસ બાદ GSTમાં DIN (Document Identification Number)ને લાગૂ કરી દીધો છે

નવી દિલ્હી, તા.૮: કેન્દ્રની નરેન્દ્રભાઇ મોદી સરકારે  ઇન્કમટેકસ બાદ GSTમાં DIN (Document Identification Number)ને લાગૂ કર્યો છે. દેશના વેપારીઓના હિતોના રક્ષણ માટે આવું પગલું ભરવામાં આવ્યું છે. CBIC (Central Board of Indirect Taxes)ના આદેશ પ્રમાણે DINનો ઉપયોગ એવા GST કેસોમાં થશે, જેની ઇન્કવાયરી ચાલી રહી હોય અને જેમની સામે અરેસ્ટ કે સર્ચ વોરંટ નીકળ્યું હોય. CBIC પ્રમાણે ૮મી નવેમ્બર પછી જે પણ કાગળ જાહેર થશે તેમાં DIN આપવો જરૂરી છે.

હવે શું થશેઃ મીડિયા રિપોર્ટ્સ પ્રમાણે નાણા મંત્રાલયની પહેલ બાદ આ વ્યવસ્થા શરૂ કરવામાં આવી છે. હવે વિભાગ તરફથી જાહેર કરવામાં આવનાર તમામ નોટિસો પર કોમ્પ્યુટર જનરેટેડ ડોકયુમેન્ટ આઇડેન્ટિફિકેશન નંબર (DIN) હશે. સાથે જ નવા નિર્ણય પ્રમાણે આ નંબર ટેકસપેયર્સને મળતા તમામ ડોકટુમેન્ટ્સ પર જરૂરી બની ગયો છે. આ સિસ્ટમથી ટેકસ એડમિનિસ્ટ્રેશનમાં વધારે પાદર્શકતા લાવી શકાશે તેમજ જવાબદારી નક્કી કરી શકાશે.

શું હોય છો DIN:  ટેકસ ડિપાર્ટમેન્ટ જે નોટિસ બહાર પાડે છે તેમાં કોમ્પ્યુટર જનરેટેડ DIN (Document identification number) હોય છે. જો કોઈ પણ નોટિસ પર આ નંબર નથી તો તેનો મતલબ એવો થાય કે આ નોટિસ કાયદેસર નથી.

DIN વગર નોટિસ માન્ય નહીં ગણાયઃ રેવન્યૂ સચિવ ડો. અજય ભૂષણ પાંડેયનું કહેવું છે કે અપ્રત્યક્ષ ટેકસ પર સરકારમાં સૌથી પહેલા DINનો ઉપયોગ કોઈ પણ તપાસ પ્રક્રિયા માટે પાઠવવામાં આવેલા સમન્સ, તપાસ માટે અધિકૃત કરવા માટે, ધરપકડ વોરંટ, તપાસ નોટિસ અને પત્રો પર કરવામાં આવશે.

  જો કોમ્પ્યુટર જનરેટેડ DIN વગર કોઈ પત્ર-વ્યવહાર કરે છે તો તે અમાન્ય ગણાશે. કાયદાકીય રીતે આ ખોટું ગણાશે અને એવું માની લેવામાં આવશે કે આવો પત્ર કયારેય જાહેર જ નથી થયો.

DINના નિર્ણય તમામ પ્રકારના પત્ર-વ્યવહારના યોગ્ય ઓડિટ જાણકારીઓને યોગ્ય રીતે ડિજિટલ ડિરેકટરીમાં સ્ટોર કરવા માટે કરવામાં આવે છે.

 DIN વાળા તમામ પત્રોની ખરાઈ ઓનલાઇન પોર્ટલ cbicddm.gov.in પર કરી શકાશે. ૫ નવેમ્બર, ૨૦૧૯ના રોજ જાહેર સકર્યુલર પ્રમાણે જો હવેથી આ પ્રકારની નોટિસ જાહેર થશે તો તે માન્ય નહીં ગણાય.

(3:17 pm IST)
  • સુપ્રિમ કોર્ટના નિર્ણય બાદ મુસ્લિમ પર્સનલ લો બોર્ડની પત્રકાર પરિષદ : વકીલો સાથે વાત કરીને આગળની રણનીતિ ઘડાશે : સુપ્રિમ કોર્ટના નિર્ણયનું સંપૂર્ણ સન્માન અમે કરીએ છીએ : મુસ્લિમ પર્સનલ લો બોર્ડ ચુકાદાથી સંતુષ્ટ નથી : કોઈપણ પ્રકારના ધરણા કે પ્રદર્શન કરીશુ નહિં : અમને ન્યાય મળ્યો નથીઃ અમે અપીલ કરીએ છીએ કે કોઈપણ પ્રદર્શન કરે નહિં: રીવ્યુ પીટીશન દાખલ કરવા વિચાર કરાશેઃ મસ્જીદને શીફટ કરી શકાય નહિં : ચુકાદામાં કેટલાક વિરોધાભાસ જોવા મળ્યો છે access_time 1:07 pm IST

  • આજ નો દિવસ ભારતના ઇતિહાસમાં સુવર્ણ અક્ષરે લખવામાં આવશે : શિવ સેના ના સુપ્રીમો ઉદ્ધવ ઠાકરે કહ્યું હતું કે દરેક સુપ્રીમ કોર્ટનો ચુકાદો સ્વીકાર્ય છે. હું ૨૪ નવેમ્બરે અયોધ્યા ની મુલાકાતે જઈશ ઉદ્ભવ ઠાકરે a કહ્યું હતું કે હું એલ કે અડવાણી ને મળવા પણ જઈશ અને તેમને અભિનંદન આપીશ તેઓએ આ કાર્ય માટે રથયાત્રા કાઢી હતી હું ચોક્કસ તેમને મળી અને આશીર્વાદ લઈશ access_time 6:31 pm IST

  • મહા ભયંકર રૂપ ધારણ કરેલ બુલબુલ વાવાઝોડુ પશ્ચિમ બંગાળ અને બાંગ્લાદેશને સમુદ્ર કાંઠે થી આજે રાત્રે પસાર થશે. :કાંઠાના વિસ્તાર માંથી સવા લાખ લોકોને સલામત સ્થળે ખસેડવામાંઆવ્યા નું મુખ્યમંત્રી મમતા બેનર્જી એ જણાવ્યું છે. પશ્ચિમ બંગાળના દીઘાથી ૯૦ કિલોમીટર અને ઓડિશાના પારાદીપ થી 140 કિલોમીટર દૂર બંગાળના અખાતમાં વાવાઝોડું ધસમસતુ આવી રહ્યું છે આજે સાંજે છ વાગ્યાથી કલકત્તા એરપોર્ટ પર તમામ કાર્યવાહીઓ થંભાવી દેવામાં આવી છે access_time 6:19 pm IST