Gujarati News

Gujarati News

News of Friday, 8th November 2019

નોટબંધી એ દેશની અર્થવ્યવસ્થાને બગાડનાર આપત્તિ :'તુગલકી' પગલાની જવાબદારી કોણ લેશે?: પ્રિયંકા ગાંધીના આકરા પ્રહાર

'બધાં રોગો માટેનો ઇલાજ નોટબંધી' ના બધા દાવા એક પછી એક તૂટી પડ્યાં

નવી દિલ્હી : કોંગ્રેસ મહાસચિવ પ્રિયંકા ગાંધી વાડ્રાએ  મોદી સરકાર પર નિશાન સાધતા કહ્યું હતું કે, નોટબંધી એ દેશની અર્થવ્યવસ્થાને બગાડનાર આપત્તિ સાબિત થઈ છે. 8 નવેમ્બરના રોજ, નોટબંધીના ત્રણ વર્ષ પૂર્ણ કરવા પ્રસંગે પ્રિયંકાએ મોદી સરકાર પર આકરા પ્રહાર કર્યા હતા.

 અત્રે ઉલ્લેખનીય છે કે 8 નવેમ્બર, 2016ના રોજ વડાપ્રધાન નરેન્દ્ર મોદીએ 500 અને 1000 રૂપિયાની નોટો પાછી ખેંચવાની જાહેરાત કરી હતી.

   પ્રિયંકા ગાંધીએ ટ્વિટ કરીને લખ્યું છે કે નોટબંધીને ત્રણ વર્ષ થયા છે. સરકાર અને તેના મંત્રીઓ તરફથી કરવામાં આવતા 'બધાં રોગો માટેનો ઇલાજ નોટબંધી' ના બધા દાવા એક પછી એક તૂટી પડ્યાં. નોટબંધી એક આપત્તિ સાબિત થઈ જેણે આપણું અર્થતંત્ર બગાડ્યું. હવે આ 'તુગલકી' પગલાની જવાબદારી કોણ લેશે?

(12:10 pm IST)
  • મનીષા ગોસ્વામીને બાર દિવસની રિમાન્ડ પર સોંપવા કોર્ટનો હુકમ : કચ્છને હચમચાવનાર જયંતી ભાનુશાળી હત્યા કેસના મુખ્ય આરોપી મનીષા ગોસ્વામી અને સુરજીતભાઈને ભચાઉ અદાલતે બાર દિવસના રિમાન્ડ ઉપર પોલીસને સોંપેલ છે. સરકાર પક્ષે ખાસ સરકારી ધારાશાસ્ત્રી તરીકે શ્રી અભયભાઈ ભારદ્વાજ અને શ્રી તુષાર ગોકાણીએ ધારદાર દલીલો કરી હતી. access_time 6:07 pm IST

  • સુપ્રિમ કોર્ટના નિર્ણય બાદ મુસ્લિમ પર્સનલ લો બોર્ડની પત્રકાર પરિષદ : વકીલો સાથે વાત કરીને આગળની રણનીતિ ઘડાશે : સુપ્રિમ કોર્ટના નિર્ણયનું સંપૂર્ણ સન્માન અમે કરીએ છીએ : મુસ્લિમ પર્સનલ લો બોર્ડ ચુકાદાથી સંતુષ્ટ નથી : કોઈપણ પ્રકારના ધરણા કે પ્રદર્શન કરીશુ નહિં : અમને ન્યાય મળ્યો નથીઃ અમે અપીલ કરીએ છીએ કે કોઈપણ પ્રદર્શન કરે નહિં: રીવ્યુ પીટીશન દાખલ કરવા વિચાર કરાશેઃ મસ્જીદને શીફટ કરી શકાય નહિં : ચુકાદામાં કેટલાક વિરોધાભાસ જોવા મળ્યો છે access_time 1:07 pm IST

  • મહા ભયંકર રૂપ ધારણ કરેલ બુલબુલ વાવાઝોડુ પશ્ચિમ બંગાળ અને બાંગ્લાદેશને સમુદ્ર કાંઠે થી આજે રાત્રે પસાર થશે. :કાંઠાના વિસ્તાર માંથી સવા લાખ લોકોને સલામત સ્થળે ખસેડવામાંઆવ્યા નું મુખ્યમંત્રી મમતા બેનર્જી એ જણાવ્યું છે. પશ્ચિમ બંગાળના દીઘાથી ૯૦ કિલોમીટર અને ઓડિશાના પારાદીપ થી 140 કિલોમીટર દૂર બંગાળના અખાતમાં વાવાઝોડું ધસમસતુ આવી રહ્યું છે આજે સાંજે છ વાગ્યાથી કલકત્તા એરપોર્ટ પર તમામ કાર્યવાહીઓ થંભાવી દેવામાં આવી છે access_time 6:19 pm IST