Gujarati News

Gujarati News

News of Friday, 8th November 2019

ભાજપના ધારાસભ્યએ દક્ષિણા નહીં આપતા સાધુ-સંતો રોષે ભરાયાઃ ઘર બહાર હોબાળો કર્યો

સાધુ-સંતો ભાજપના ધારાસભ્ય રમેશ મેંદોલાના ઘરની ધરણા પર બેસ્યા

નવી દિલ્હી, તા.૮: ઇન્દોર વિધાનસભા બેઠક પરથી સતત ત્રણ વખત જીત મેળવનારા ભાજપના ધારાસભ્ય રમેશ મેંદોલાના ઘરની બહાર હજારો સાધુ-સંતો ધરણા કરી રહ્યા છે. આ ધરણા પાછળનું કારણ એ છે કે પૂજા કર્યા બાદ સાધુ-સંતોને દક્ષિણા આપવામાં આવી નહતી.

ભાજપના ધારાસભ્ય મેંદોલા દરેક વર્ષે તેમની માતાની પુણ્યતિથિ નિમિત્ત્।ે ભાજન સંધ્યાનું આયોજન કરે છે. જેના માટે દૂર-દૂરથી સાધુ-સંતોને બોલાવવામાં આવે છે. દર વર્ષે આ સંતોને કાર્યક્રમના સમાપન બાદ દક્ષિણા આપવામાં આવે છે. પરંતુ આ વખતે તેમને દક્ષિણા આપવામાં આવી નહતી, જેને કારણે સાધુ ભડકી ગયા હતા અને ધરણા પર બેસી ગયા છે.

દક્ષિણા નહીં મળતા સાધુ-સંતો ગુસ્સે થઇ ગયા હતા અને હોબાળો કરવાનો શરૂ કરી દીધો હતો. કેટલાક લોકોએ સાધુઓને સમજાવવાનો પ્રયાસ કર્યો હતો પરંતુ સાધુઓ કોઇ વાત સાંભળવા તૈયાર નથી. સાધુઓએ આક્ષેપ કર્યો હતો કે તેમને ધક્કા માર્યા હતા. આ સમગ્ર ઘટનાનો વીડિયો પણ વાયરલ થયો છે.

નોંધનીય છે કે, ભાજપના ધારાસભ્ય શહેરમાં 'દાદા દયાળુ'ના નામે ઓળખાય છે. સ્થાનિક લોકોના જણાવ્યા મુજબ, તેમના ક્ષેત્રની પ્રજા માટે તેઓ હંમેશા હાજર રહે છે.  મેંદોલા વધારે બોલતા નથી પરંતુ તેમનું કામ બોલે છે. જે પણ તેમની પાસે મદદ માટે આવે છે તે ખાલી હાથે પાછો જતો નથી.

(10:34 am IST)
  • ૨૦૨૩માં મેન્સ હોકી વર્લ્ડકપ ભારતમાં રમાશે : ૨૦૨૩ માં પુરૂષોની હોકી વર્લ્ડ કપ માટે ભારતની પસંદગી થઈ છે. host country તરીકે મેન્સ હોકી વર્લ્ડકપ માટે ભારતનું નામ જાહેર થયું છે access_time 6:09 pm IST

  • મહારાષ્ટ્ના મુખ્યમંત્રી પદે શિવ સૈનિકની વરણીના સપનાને સાકાર કરવા મારે ભારતીય જનતા પાર્ટીના સમર્થન કે આશીર્વાદની જરૂર નથી ઉદ્ધવ ઠાકરેની પત્રકાર પરિષદ ચાલુ access_time 6:47 pm IST

  • સુપ્રિમ કોર્ટના નિર્ણય બાદ મુસ્લિમ પર્સનલ લો બોર્ડની પત્રકાર પરિષદ : વકીલો સાથે વાત કરીને આગળની રણનીતિ ઘડાશે : સુપ્રિમ કોર્ટના નિર્ણયનું સંપૂર્ણ સન્માન અમે કરીએ છીએ : મુસ્લિમ પર્સનલ લો બોર્ડ ચુકાદાથી સંતુષ્ટ નથી : કોઈપણ પ્રકારના ધરણા કે પ્રદર્શન કરીશુ નહિં : અમને ન્યાય મળ્યો નથીઃ અમે અપીલ કરીએ છીએ કે કોઈપણ પ્રદર્શન કરે નહિં: રીવ્યુ પીટીશન દાખલ કરવા વિચાર કરાશેઃ મસ્જીદને શીફટ કરી શકાય નહિં : ચુકાદામાં કેટલાક વિરોધાભાસ જોવા મળ્યો છે access_time 1:07 pm IST