Gujarati News

Gujarati News

News of Friday, 8th November 2019

GST જાહેરાત કરાયાના દોઢ મહિના પછીયે ફોર્મ બહાર ન પડાતાં વેપારીઓને હાલાકી

GSTમાં વાર્ષિક રિટર્ન અને ઓડિટ રિપોર્ટ ફાઈલ કરવા માટેની મુદત તા. ૩૦ નવેમ્બર,૨૦૧૯ છે

નવી દિલ્હી, તા.૮:ગુડ્ઝ એન્ડ સર્વિસ ટેકસમાં વેપારીઓએ વાર્ષિક રિટર્ન (GSTR-9 અને GSTR- 9C) ફાઈલ કરવા માટેના સરળ ફોર્મ બહાર પાડવા અંગે જાહેરાત કરાયાના લગભગ દોઢ મહિના કરતાં વધુ દિવસ થવા છતાં હજુ સુધી આ ફોર્મ બહાર નહીં પાડવાને કારણે વેપારીઓ મુશ્કેલીમાં મુકાયા છે. GSTમાં વાર્ષિક રિટર્ન અને ઓડિટ રિપોર્ટ ફાઈલ કરવા માટેની મુદત તા. ૩૦ નવેમ્બર,૨૦૧૯ છે. જો GST સત્તાવાળાઓ હવે સરળ ફોર્મ જારી કરે તો શું વેપારીઓએ ફકત ૨૨ દિવસમાં વાર્ષિક રિટર્ન ફાઈલ કરવાના રહેશે કે કેમ, વાર્ષિક રિટર્ન ફાઈલિંગમાંથી મુકિત અપાશે કે કેમ, અથવા રિટર્ન ફાઈલિંગની મુદત વધારાશે કે કેમ, તે અંગે વેપારીઓ મૂંઝવણમાં મુકાયા છે. GSTમાં રૂ. ૨ કરોડથી વધુ ટર્ન ઓવર ધરાવતા વેપારીઓને વાર્ષિક રિટર્ન ફાઈલ કરવામાંથી મુકિત અપાઈ છે. GST કાઉન્સિલની તા. ૨૦ સપ્ટેમ્બરે યોજાયેલી મિટિંગમાં રૂ. ૨ કરોડથી વધુ ટર્નઓવર ધરાવતા વેપારીઓ માટે ઓડિટ રિપોર્ટ અને વાર્ષિક રિટર્ન (GSTR-9 અને GSTR- 9C) ફાઈલ કરવા માટેની મુદત તા.૨૦ નવેમ્બર સુધી લંબાવાઈ હતી. વાર્ષિક રિટર્ન માટેના ફોર્મ જટિલ હોવાથી તે સરળ બનાવવા માટે GST કાઉન્સિલમાં નક્કી કરાયું હતું. જોકે, લગભગ દોઢ મહિના થવા છતાં અગમ્ય કારણોસર સરળ ફોર્મ બહાર નહીં પડાતાં રિટર્ન ફાઈલ કરવા અંગે વેપારીઓ, ટેકસ પ્રેકિટશનર્સ મૂંઝવણમાં મુકાયા છે. સરકાર ડિજિટલ ઇન્ડિયાની વાતો કરે છે પરંતુ ઓફલાઇન યુટિલિટીમાં ERROR આવતી હોવાથી કરદાતાઓને હાલાકીનો સામનો કરવો પડે છે.

(10:33 am IST)
  • મનીષા ગોસ્વામીને બાર દિવસની રિમાન્ડ પર સોંપવા કોર્ટનો હુકમ : કચ્છને હચમચાવનાર જયંતી ભાનુશાળી હત્યા કેસના મુખ્ય આરોપી મનીષા ગોસ્વામી અને સુરજીતભાઈને ભચાઉ અદાલતે બાર દિવસના રિમાન્ડ ઉપર પોલીસને સોંપેલ છે. સરકાર પક્ષે ખાસ સરકારી ધારાશાસ્ત્રી તરીકે શ્રી અભયભાઈ ભારદ્વાજ અને શ્રી તુષાર ગોકાણીએ ધારદાર દલીલો કરી હતી. access_time 6:07 pm IST

  • સીડબલ્યુસી બેઠકમાં સુપ્રિમ કોર્ટનો ચુકાદો સર્વસંમતિથી પાસ : સુપ્રિમના ચુકાદાને કોંગ્રેસે આવકાર્યો access_time 1:06 pm IST

  • આજ નો દિવસ ભારતના ઇતિહાસમાં સુવર્ણ અક્ષરે લખવામાં આવશે : શિવ સેના ના સુપ્રીમો ઉદ્ધવ ઠાકરે કહ્યું હતું કે દરેક સુપ્રીમ કોર્ટનો ચુકાદો સ્વીકાર્ય છે. હું ૨૪ નવેમ્બરે અયોધ્યા ની મુલાકાતે જઈશ ઉદ્ભવ ઠાકરે a કહ્યું હતું કે હું એલ કે અડવાણી ને મળવા પણ જઈશ અને તેમને અભિનંદન આપીશ તેઓએ આ કાર્ય માટે રથયાત્રા કાઢી હતી હું ચોક્કસ તેમને મળી અને આશીર્વાદ લઈશ access_time 6:31 pm IST