Gujarati News

Gujarati News

News of Friday, 9th November 2018

ભારતમાં સ્માર્ટફોનનું વેચાણ અમેરિકાથી વધુ

નવી દિલ્‍હી : અમેરિકાને પાછળ પાડીને ભારત વિશ્વનું બીજું સૌથી મોટું સ્માર્ટફોન બજાર બની ગયું છે. જુલાઈ-સપ્ટેમ્બરમાં ભારતમાં 4.04 કરોડ સ્માર્ટફોનનું વેચાણ થયું છે. દરમિયાન અમેરિકામાં 4 કરોડ યુનિટનું વેચાણનું થયું હતું. જયારે ચીન 10.06 કરોડ સ્માર્ટફોનના વેચાણની સાથે પ્રથમ નંબરે છે. રિસર્ચ ફર્મ કૈનાલિસના રિપોર્ટમાં આંકડો પ્રકાશમાં આવ્યો છે.

વર્ષે જુલાઈ-સપ્ટેમ્બરમાં વિશ્વભરમાં સ્માર્ટફોનનું કુલ વેચાણ 34.39 કરોડ યુનિટ રહ્યું હતું. ગત વર્ષના જુલાઈ-સપ્ટેમ્બરની સરખામણીમાં તે 7.2 ટકા ઓછું છે. ગ્લોબલ વેચાણમાં સતત ચૌથા ત્રિમાસિકમાં ઘટાડો આવ્યો છે.

ટોપ-10માંથી 7 દેશોમાં વાર્ષિક આધાર પર વેચાણમાં ઘટાડો નોંધાયો છે. માત્ર ઈન્ડોનેશિયા, રશિયા અને જર્મનીમાં વેચાણમાં વધારો થયો છે. જયારે સૌથી મોટા સ્માર્ટફોન બજાર ચીનમાં વેચાણમાં 15 ટકાનો ઘટાડો નોંધાયો છે.

 

(4:18 pm IST)
  • વલસાડ:મોગરવાડી વિસ્તારની ઘટના :પાંચ વર્ષીય બાળકી સાથે શારિરીક અડપલાંનો કિસ્સો આવ્યો પ્રકાશમાં:બાળકી સાથે અડપલાં કરનાર વ્યક્તિને લોકોએ મારમારી પોલીસને હવાલે કર્યો:પોલીસે આરોપી વધુ તપાસ હાથ ધરી:આરોપીનું મેડિકલ કરાવી ફરિયાદ લેવાની તજવીજ ચાલુ access_time 6:14 pm IST

  • મહાગઠબંધન થવું જ જોઈએ :સરકાર કોંગ્રેસના બહારથી સમર્થનથી પણ બની શકે છે :ચંદ્રાબાબુ નાયડુની ગર્ભિત વાણી : નાયડુએ આરોપ લગાવ્યો કે સીબીઆઈ અને આરબીઆઇ સહિતની સંસ્થાઓનો ભાજપની એનડીએ સરકાર નુકશાન પહોંચાડી રહી છે :બેગલુરૂમાં તેલુગુ દેશમ પાર્ટીના અધ્યક્ષ અને આધ્રપ્રદેશના મુખ્યમંત્રી ચંદ્રાબાબુ નાયડુએ એચડી દેવગૌડા અને કુમારસ્વામીની લીધી મુલાકાત access_time 12:57 am IST

  • મુંબઇના દહાણું નજીક માલગાડીમાં લાગી આગ:ગુજરાત-મુંબઇ વચ્ચેનો ટ્રેન વ્યવહાર ખોરવાયો:અમદાવાદથી રાત્રે ઉપડેલી તમામ ટ્રેનો મોડી:અનેક ટ્રેનો થઇ રદ્દ, કેટલીક ટ્રેનોના રૂટ ડાયવર્ટ કરાયા:મોડી રાત્રે લાગેલી આગ કાબૂમાં:દૂરંતો, લોકશક્તિ અને ગુજરાત મેલ મોડી પડી :સુરત નજીક અનેક ટ્રેનો રોકાઇ: વહેલી સવારે ટ્રેન વ્યવહાર પૂર્વવત :વેસ્ટર્ન રેલવેએ હેલ્પ ડેસ્ક શરૂ કર્યાં access_time 11:49 am IST