Gujarati News

Gujarati News

News of Friday, 9th November 2018

સેનાને આજે મળશે K9 વજ્ર અને M777 હોવિત્ઝર તોપો : 38 કિમી સુધી 'વજ્ર' કરશે દુશ્મનનો નાશ

નવી દિલ્લી: ભારતીય સીમા પર વધતા પડકારો વચ્ચે ભારતીય સેના પોતાના કિલ્લાને વધુ મજબૂત કરી રહી છે. ત્યારે સેનામાં એવા હથિયારો સામેલ થવા જઈ રહ્યા છે. જેનાથી દુશ્મનો પણ હચમચી જશે.

સેનામાં K9 વજ્ર અને M777 હોવિત્ઝર તોપ શામેલ થવા જઈ રહી છે. આજે બન્ને તોપ ભારતીય સેનામાં સામેલ થશે. બન્ને ઉપકરણ નાસિકના દેવલાલી તોપખાના કેન્દ્રમાં સામેલ થશે. જેમાં રક્ષામંત્રી નિર્મલા સીતારમણ અને સેના પ્રમુખ બિપીન રાવત હાજર રહેશે.

રક્ષા મંત્રાલય મુજબ k9 વજ્રને 4366 કરોડ રૂપિયાના ખર્ચે સેનામાં સામેલ કરવામાં આવી રહી છે. કાર્ય 2020 સુધીમાં પૂર્ણ થશે..કુલ 100 તોપમાંથી પ્રથમ 10 તોપ મહિના સામેલ થશે. જ્યારે 40 તોપ નવેમ્બર 2019 સુધીમાં જ્યારે 50 તોપ નવેમ્બર 2020 સુધીમાં આપવામાં આવશે

પ્રથમ એવી તોપ છે જેને ભારતીય ખાનગી ક્ષેત્રે બનાવવામાં આવી છે. તોપની વધુમાં વધુ રેન્જ 28થી 38 કિમીની છે અને 30 સેકન્ડમાં 3 બોંબ છોડી શકે છે અને ત્રણ મિનિટમાં 15  બોંબ છોડી શકે છે.

સાથે M 777 હોવિત્ઝર તોપ પણ સામેલ કરવામાં આવશે. જે 30 કિમી સુધીની મારક ક્ષમતા રાખે છે. તોપને હેલિકોપ્ટર કે વિમાન દ્વારા યુદ્ધ સ્થળે લઈ જઈ શકાય છે.

 

(4:01 pm IST)
  • આગ્રા-લખનઉ એક્સપ્રેસ હાઇ-વે પર ભીષણ અકસ્માત સર્જાયો છે. અહીં એક મુસાફરોની બસ પલટી ખાવાના પગલે લગભગ 45 જેટલા લોકો ઇજાગ્રસ્ત થયા હતા. જેમાં 20 મુસાફરોની હાલત ગંભીર બતાવવામાં આવી રહી છે. આ અકસ્માતના પગલે ગંભીર રીતે ઇજાગ્રસ્ત લોકોને કાનપુર ખસેડવામાં આવ્યા છે, જ્યારે અન્ય ઇજાગ્રસ્તોને તિર્વા મૅડિકલ કૉલેજમાં દાખલ કરવામાં આવ્યા છે. આ અંગે મળતી માહિતી મુજબ, મુસાફરોછી ભરેલી બસ દિલ્હી થી બિહાર તરફ જઇ રહી હતી. આ દરમિયાન કોતવાલી વિસ્તારમાં આગ્રા-લખનઉ એક્સપ્રેસ હાઇ-વે પર અકસ્માત સર્જાયો હતો. આ અકસ્માત સર્જાયા બાદ સ્થાનિકોએ તેની જાણ પોલીસને કરી હતી. access_time 11:50 am IST

  • શિવસેનાએ કહ્યું પેટાચૂંટણીમાં ભાજપની હાર કોંગ્રેસ માટે 'અચ્છે દિન 'ના સંકેત :શિવસેનાએ એમ પણ કહ્યું કે દેશમાં થયેલ લોકસભા અને વિધાનસભા પેટાચૂંટણીમાં ભાજપની હારથી કોંગ્રેસમાં એક નવો જીવ આવશે :મુંબઈ અને કર્ણાટકની પેટાચૂંટણીમાં પોતાના જ સાથી પક્ષના પરાજય પર શિવસેનાએ વાક્બાણ છોડ્યા હતા access_time 12:59 am IST

  • ૧૨મી નવેમ્બરના રોજ ડો.આંબેડકર એજ્યુકેશન એન્ડ વેલ્ફેર ટ્રસ્ટ અને માં મણિબા ચેરીટેબલ ટ્રસ્ટ દ્વારા સ્પર્ધાત્મક પરીક્ષાઓનો તાલીમ વર્ગ શરુ કરાશે access_time 6:46 pm IST